Apocalipsis 18:9 - Bible in Tzeltal Bachajón

⁹ Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

Nuevo Testamento Tzeltal de Amatenango

⁹ Te reyetik ta balmilal la yantsinanikix, sok la sjoyinlanikix ta spasel te tut te ya skꞌupin stiꞌbalulike. Ya me xꞌokꞌik y ya me yichꞌ yajtal yoꞌtanik yuꞌun te kꞌalal ya yilik te xchꞌailel te xchikꞌelike.

Bible in Tzeltal de Oxchuc y Tenejapa

⁹ Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.

Apocalipsis 18:9 ပူးပေါင်းရင်းမြစ်များ

Génesis 19:28

La yil bahel ta stojol Sodoma soc Gomorra soc spisil te spamlej, la yil te xtomomet ta loq'uel sch'ahilel hich te bin ut'il sch'ahilel horno.

Salmos 58:10

Tse'el yo'tanic te mach'a toj yo'tan te c'alal ya yilic te ya x'a'botic spacol; ya me smul yoquic ta sch'ich'el te mach'a chopole.

Isaías 13:19

Te Babilonia, te t'ujbil perla yu'un te nacionetic, te yutsilal soc stoybahil te caldeohetic, hich ya xc'ohtic te bin ut'il Sodoma soc Gomorra te jinotic yu'un Dios.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Jeremías 50:40

Hich te bin ut'il jinot yu'un Dios te Sodoma soc Gomorra soc te pueblohetic ta sjoyobalic, xchi te Jehová, hich mayuc mach'a ya xnahinic tey a, ni jtuhluc mach'a ya xnahin tey a.

Jeremías 50:46

Ya xnihc te q'uinal yu'un te sc'op te stsalel te Babilonia, te aw yu'un ya xchicnaj ta yohlil te nacionetique, xchi.

Jeremías 51:8

¡Ora nax yahl te Babilonia soc wuybil c'oht! ¡Oq'uetaya! Ich'ahic tal bálsamo-te' yu'un te sc'uxule, ya wan xlecub yu'un, xchi te Jehová.

Ezequiel 27:35

Spisil te mach'atic ya xnahinic ta ti'ti'mar xcham yo'tanic ta acuenta; te ajwaliletic yu'un ya xnihquic yu'un xiwel, soc ya xyanij yelawic yu'un.

Daniel 4:14

Hich tulan la yal: Ts'etahic te te' soc set'beyahic te sc'abc'ab, jixbeyahic te ya'binal soc pucbeyahic te site. Ac'a ahnuquic bahel te chambahlametic te ayic ta ye'tal, soc te mutetic ayic ta sc'abc'ab.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

1 Timoteo 5:11

Yan te me'ba' antsetic te peq'uel to ya'bilalic, ma me xawahtay ta cuentahinel stuquel, como te c'alal ya x'u'untayotic yu'un te bin ya sc'an sbaq'uetalic yu'un ya sc'an ya xnuhpunic xan, ya yihquitayic ta yo'tanic te Cristo,

Apocalipsis 14:11

Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 18:18

C'alal ya yilic xtomet ta loq'uel sch'ahilel sc'ahc'al te chiq'uel yu'un, hich me ya xhahchic ta aw yu'un: ¿Bin muc'ul pueblohil te pajal soc te muc'ul pueblo ini? xchihic.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Apocalipsis 18:7

Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

Apocalipsis 19:3

Cha'c'opojic xan: ¡Aleluya! Sbahtel q'uinal xtomet ta mohel te sch'ahilele, xchihic.

Apocalipsis 2:22

Ha yu'un ya me jch'oj ta swayib, soc ya cac' c'axuc bayel swocolic te mach'atic ya yantsinic, teme ma ba ya suhtes yo'tanic yu'un te bin ya spas te antse.