Apocalipsis 18:6 - Bible in Tzeltal Bachajón

⁶ Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Nuevo Testamento Tzeltal de Amatenango

⁶ Jich mismo a yichꞌ ekꞌa te tutꞌil a spasbe te yanetike. A me stoj chebuk buelta te tut spasoje. Aꞌ bayalejuk chaꞌmel ta mas tulan te wokol ya yichꞌe jich tutꞌil la yaꞌbe swokol te yanetike.

Bible in Tzeltal de Oxchuc y Tenejapa

⁶ Jich ac'a yich' ac'bel spacol te bila la yac'beyix te yantique. Ac'a stoj cheb buelta te bila spasoje. Cheb buelta ac'a esmajuc yip swocol te ya yich'e jich te bit'il la yac'bey yich' swocol te yantique.

Apocalipsis 18:6 ပူးပေါင်းရင်းမြစ်များ

Salmos 137:8

Yal-snich'anat Babilonia, te yac awich' jinel, bayel me yutsil te mach'a ya ya'bat atoj te bintic la apasbotcotique.

Salmos 28:4

A'beya stojic hich te bin ut'il te ya'telic, hich te bin ut'il bintic chopol spasojique; a'beya stojic hich te bin ut'il te ya'tel te sc'abique.

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.

Isaías 61:7

Te bin ut'il te pueblo cu'un yich'ojic cheb buelta a q'uexlal soc pehc'anel, ha yu'un ta slumalic ya x'a'bot cheb buelta c'ulejalil, soc stalel ay me stse'elil yo'tanic.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Jeremías 17:18

Ac'a q'uexawuc te j'uts'inwanejetic cu'un, ma me xawac' te ya xq'uexawanon; ac'a xiwuquic, ma me xawac' xiwucon ho'on. Ac'a taluc ta stojolic te yorahil bin chopol, jinticlana soc cheb buelta jinel.

Jeremías 50:15

¡Awtayahic ta sjoyobal! ¡La yac' sba ta c'abal! ¡Yahlix cohel te bahlal ts'ahquetic yu'un, jihnix cohel te ts'ahquetic yu'une! ¡Ha te spacol yu'un Jehová! A'beyahic spacol; pasbeyahic hich te bin ut'il la spas.

Jeremías 50:29

Ic'ahic tal ta scontrahinel Babilonia j'ac'-t'ihmalte'etic, spisil mach'atic ya yaq'uic t'imalte'; joytayahic ta sjoyobal, ma me ayuc mach'a ya xcol loq'uel. A'beyahic stoj chican bin yilel te ya'telic; ha chican bin la spas, hich me yac apasbe, como la shachbe yo'tan te Jehová, te Ch'ul Dios yu'un Israel.

Jeremías 51:24

Yac awil ta asitic te ya ca'be stoj te Babilonia soc spisil mach'atic nahinemic ta Caldea spisil bintic chopol la spasic ta Sión, xchi te Jehová.

Jeremías 51:49

Te Babilonia ya me xjihn ta scaj te mach'atic yu'un Israel te lajic, hich te bin ut'il ta scaj Babilonia te bayel lajic ta spisil te q'uinale.

Lamentaciones 3:64

¡A'beyahic stoj, Jehová, ha chican bintic spasojic!

Zacarías 9:12

Suhtanic talel ta ahnibal ts'ahc, ha'ex jchuquelex te ayix smuc'ul awo'tanic; yo'tic nix ya calbeyex te ya jsuhtbeyex cheb buelta abiluquic.

2 Timoteo 4:14

Te Alejandro te jten-taq'uin, la ya'bon c'axuc bayel jwocol; ya me x'a'bot stoj yu'un Cajwaltic te bin la spase.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 14:10

ha nix hich ya me yuch' te vino scuenta yilimba Dios te mayuc scahp a ya xcohcombot ta stasahil te yilimba Dios. Ya x'a'bot swocolic ta c'ahc' soc azufre ta stojol te ch'ul a'batetic soc ta stojol te Jcolel Tuminchij.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 17:4

Te antse chi'in-yax soc tsaj te sc'u' slapoj, ch'albil ta oro, t'ujbil tonetic soc ta perlahetic, soc yich'oj ta sc'ab jun copa pasbil ta oro, nojel ta bintic ilobtic sba soc te yajmule.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!