Apocalipsis 18:3 - Bible in Tzeltal Bachajón

³ Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Nuevo Testamento Tzeltal de Amatenango

³ Yuꞌun spisil te nasionetike yakubik yuꞌun te sbino yuꞌun te tut ma tsaꞌamuke sok yuꞌun te antsiwejele. Te reyetik ta balmilale la yantsinlanikix, y te jchonbajeletik ta balmilale laj kꞌulejibix sok te tut ya skꞌupin sok te stiꞌbalul te tulan ya yakꞌ ta pasele —xchi.

Bible in Tzeltal de Oxchuc y Tenejapa

³ Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 18:3 ပူးပေါင်းရင်းမြစ်များ

Isaías 47:15

Hich ya xc'ohtic ta atojol te jna'ojeletic awu'un, te bayel bintic la apas soc c'alal ta awalalil to. Jujutuhl ya st'unic bahel te be yu'unic, mayuc mach'a ya scoltayat.

Jeremías 51:34

Te Nabucodonosor ajwalil yu'un Babilonia la slajinon, la sesenon. Jochol la yihquitayon hilel hich te bin ut'il vaso; la sbic'on hich te bin ut'il dragón, la snojes sch'uht ta bintic mulantic sba cu'un, la xetayon.

Jeremías 51:7

Te Babilonia ha copa pasbil ta oro c'ohem ta sc'ab Jehová te la syacubtes a spisil te ants-winiquetic ta q'uinal. Te nacionetic la yuch'beyic te vino yu'un, hich sohc sjolic a.

Lamentaciones 4:5

Te mach'atic la swe'ic lequil we'elil ya xlajiquix ta wi'nal ta callehetic; te mach'atic muc'ubic ta banti ay chi'in-yaxal pac' ayiquix ta sch'ayojibal tsa'.

Nahúm 3:4

Spisil ini ha ta scaj te yantsinel te j'antsinel-ants te lec ta ilel soc t'ujbil, te ha jnohpteswanej yu'un j'ac'-chamel, te ya smombe yo'tanic te nacionetic ta scuenta te antsinel yu'un, soc te pueblohetic ta scuenta te j'ac'-chamel yu'une.

San Lucas 7:25

¿Binti a te loc' tal awilique? ¿Ha bal jtuhl winic te slapoj buen lequil pac'? Ilawil, te mach'atic slapojic t'ujbil pac' soc te ay yutsil scuxlejalic, ayic ta nahetic yu'un ajwaliletic.

1 Timoteo 5:11

Yan te me'ba' antsetic te peq'uel to ya'bilalic, ma me xawahtay ta cuentahinel stuquel, como te c'alal ya x'u'untayotic yu'un te bin ya sc'an sbaq'uetalic yu'un ya sc'an ya xnuhpunic xan, ya yihquitayic ta yo'tanic te Cristo,

Apocalipsis 14:8

Tap'al tal ta spat yan ch'ul a'bat te hich la yal: Jihnemix, jihnemix te muc'ul Babilonia, ha te la ya'be yuch'ic spisil nacionetic te vino yu'un te antsinel yu'une, xchi.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 18:19

Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Apocalipsis 18:7

Te hich yipal te la stoy sba soc te la sta te bintic la smulan, hich nix yipal a'beyahic sc'uxul soc smel-o'tan, como hich ya yal ta yo'tan: ¡Ho'on hich huculon te bin ut'il ajwalil-ants, ma ba me'ba' antson, soc mayuc bin ora ya coq'uetay jba! xchi.

Apocalipsis 18:9

Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.