Apocalipsis 18:10 - Bible in Tzeltal Bachajón

¹⁰ Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Nuevo Testamento Tzeltal de Amatenango

¹⁰ Jakal to me ya yilik sok xiꞌel te swokolike, y ya me yalik: —¡Ay, oꞌol me aba, mukꞌul jtejkꞌum Babilonia, mukꞌul jtejklum te beno awipe! Porke jtsꞌin nax a tal te kastigo awuꞌune —xchiik me.

Bible in Tzeltal de Oxchuc y Tenejapa

¹⁰ Q'uejel to me ya stejc'an sbaic ta yilel ta scaj xiwel yu'un te castigo yac ta yich'ele. Jich ya yalic yu'un: “Obol nax aba, ja'at muc'ul lum Babilonia, te bayal awipe. Yu'un ora nax c'ot castigo ta atojol”, xiic ta smelel yo'tanic.

Apocalipsis 18:10 ပူးပေါင်းရင်းမြစ်များ

Isaías 21:9

¡Ilawil, yac ta talel winiquetic cajajtic, cha'cha'tuhlic scholoj sbahic! xchi. Patil hich la yal: ¡Yahlix, yahlix te Babilonia! Te loc'ombahetic yu'un te diosetic yu'un wuyiquix ta lum, xchi.

Isaías 47:9

Ta schebal ini ya xc'oht ta atojol, ta ora nax, ta junax c'ahc'al: ya xch'ay awalatac soc ya xhilat ta me'ba' ants. Soc yip ya xtalic ta atojol, aunque bayel yac apas na'ojel soc te bayel yipic te jmonawetic awu'une.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Ezequiel 32:9

Ya cac' te ya smel yo'tanic bayel pueblohetic te c'alal ya quic'ticlan bahel ta chuquel te mach'atic awu'un ta yohlil te nacionetic, ta yantic q'uinaletic te ma ba la ana'be sbahe.

Joel 1:15

¡Ay me wocol ta hich ora! como nopolix te sc'ahc'alel yu'un Jehová; hich ya xtal te bin ut'il te jinel yu'un te Mach'a spisil ya xhu' yu'un.

Amós 5:16

Ha yu'un hich yaloj te Jehová Dios te scuentahinej spisil: Ay me oq'uel ta spisil te plazahetic, soc ta spisil callehetic hich me ya yalic: ¡Ay! ¡Ay! xchihic. Ya yiq'uic tal ta oq'uel te j'a'tel ta q'uinal, soc ya yiq'uic tal ta oq'uel te mach'atic ya sna'ic oq'uel.

Números 16:34

Spisil Israel te ayic ta sjoyobal loq'uic ta ahnel te c'alal la ya'iybeyic yawic, yu'un la yalic: Ma me sbic'otic cohel ec te lume, xchihic.

Apocalipsis 11:8

Pujul ya xhil sbaq'uetalic ta calle yu'un te muc'ul pueblo, ha te Sodoma soc Egipto sbihil, tey nix ta banti laj ta milel ta cruz te Cajwaltique.

Apocalipsis 14:8

Tap'al tal ta spat yan ch'ul a'bat te hich la yal: Jihnemix, jihnemix te muc'ul Babilonia, ha te la ya'be yuch'ic spisil nacionetic te vino yu'un te antsinel yu'une, xchi.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Apocalipsis 17:12

Te lajuneb xulubiletic te awiloj ha lajuntuhl ajwaliletic te ma to ba yich'oj ya'telic; pero ta junax ora pajal ya yich' ya'telic ta ajwalil soc te chambahlam te xiweltic sbahe.

Apocalipsis 18:18

C'alal ya yilic xtomet ta loq'uel sch'ahilel sc'ahc'al te chiq'uel yu'un, hich me ya xhahchic ta aw yu'un: ¿Bin muc'ul pueblohil te pajal soc te muc'ul pueblo ini? xchihic.

Apocalipsis 18:19

Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Apocalipsis 18:21

Ay ch'ul a'bat te bayel yip, la sq'uech muc'ul ton te sjel ta muc'ul cha', la sch'oj ochel ta mar, hich la yal: Hich me ya yich' ch'ojel cohel te Babilonia, te muc'ul pueblo, ma ba ya xwehtix ta lehel.

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.