Apocalipsis 17:8 - Bible in Tzeltal Bachajón

⁸ Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Nuevo Testamento Tzeltal de Amatenango

⁸ Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Bible in Tzeltal de Oxchuc y Tenejapa

⁸ Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

Apocalipsis 17:8 ပူးပေါင်းရင်းမြစ်များ

Salmos 69:28

¡Ac'a yich'ic tup'beyel sbihilic ta libro yu'un mach'atic cuxajtic, ma me x'ochic ta lista yu'un te mach'atic toj yo'tanique!

Daniel 11:45

Ya spas te nahilpaq'uetic yu'un ajwalil ta ohlil yu'un te mar soc te ch'ul wits te ay yutsilal; pero tey ya xlaj a, mayuc mach'a ya xcoltayot yu'un.

Daniel 7:11

Yacon ta yilel ta scaj te toyba-c'op te yac yalbel te tut xulubile. Yacon ta yilel a, la yich' milel te chambahlam, la yich' butsticlanel te sbaq'uetal soc la yich' tsobel ochel ta c'ahc'.

Daniel 7:26

Pero ya shuhcan sbahic ta chahpanwanej te jchahpanwanejetique, ya xloq'uesbot ya'tel ta cuentahinwanej, ya xjihnot soc ya xlajinot sbahtel q'uinal.

Daniel 7:3

Loc' tal ta mar chaneb muc'ul chambahlametic, yantic yilel jujucoht.

Daniel 7:7

Patil la jquil ta nahalsitiletic ta ahc'abal te schanebal chambahlam, mero ilobtic sba soc xiweltic sba, soc ay bayel yip, ha hierro te muc'ul sbaquel ye, yac sbic'ticlambel soc sbutsticlambel, soc yac sts'o'ts'o'tec'ticlambel te bintic hilemique. Ma pajaluc soc te yantic chambahlametic te la jquil ta nahil to; soc ay lajunch'ix xulub.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

San Lucas 10:20

Pero ma me ha'uc tse'el awo'tanic yu'un te ac'ot ta acuentahic espírituhetic, ha'uc me tse'el awo'tanic yu'un te ts'ihbabil ta ch'ulchan te abihilique, xchi sc'oblalic.

San Lucas 8:31

X'ajwalc'opojic te manchuc ya xticonotic bahel ta xahab yu'une.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

Hechos 15:18

xchi te Cajwaltic te nameyix la yac' ta na'el ini, te xchihe.

Efesios 1:4

Ha la stsahotic ta scuenta Cristo te c'alal ma to ayuc a te bahlumilal, scuenta yu'un ch'ultesbil ya xc'ohotic soc mayuc cabalquiltic ta stojol a.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

1 Pedro 1:20

Ha tsahbil te c'alal ma to pasbiluc a te bahlumilal, pero chicnaj ta slajibalix ayotic ini ta scuenta sc'uxulex ta yo'tan.

Apocalipsis 11:7

Te c'alal ya xlaj yo'tanic ta yalel te testigo-c'op yu'unic, te chambahlam te xiweltic sba te ya xmo tal ta xahab ya me ya'be guerra, ya stsal soc ya smilticlan.

Apocalipsis 17:11

Te chambahlam te xiweltic sba te ay ta namey, te ma ba ay ta ora ini, ha swaxaquebal ajwalil te ha nix jun ay soc te huctuhl, soc ya xbaht ta ch'ayel.

Apocalipsis 17:2

La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 20:15

Te mach'a ma ba ts'ihbabil sbihil ta libro scuenta cuxlejal, ch'ojotic ochel ta banti yac ta tihlel pamal c'ahc'.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.

Apocalipsis 3:5

Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.