Apocalipsis 17:3 - Bible in Tzeltal Bachajón

³ La yic'on bahel ta jochol taquin q'uinal ta scuenta te Espíritu, la jquil jtuhl ants cajal ta tsajal chambahlam te xiweltic sba te scohtol ts'ihbabil bihililetic scuenta sbohlc'optayel Dios, soc ay huqueb sjol soc lajuneb xulub.

Nuevo Testamento Tzeltal de Amatenango

³ Te nax a, ay tut la yaꞌbon kil te Espiritue. Te ángele la yikꞌon bael ta jojchol tꞌantꞌan luwar. Teꞌ kil jtul ants a te kajal ta jkojt tsajal chanbalam te lom yane. Te skojtol stsꞌibabil biililetik te puru toyba-kꞌopetik ta stojol te Diose. Y ay jukeb sjol y lajuneb xulbal.

Bible in Tzeltal de Oxchuc y Tenejapa

³ Te Espíritu la swentainon ta yu'el. Jich ic'bilon bael la caiy c'alal ta jochol taquin q'uinal yu'un te ch'ul abate. Tey la quil jtul ants a te cajal ta spat tsajal chambalam te xi'bantic sbae, scojt'ol ts'ibubil biililetic swenta stoybac'optayel te Diose. Ay jucp'ij sjol soc lajunch'ix xulub.

Apocalipsis 17:3 ပူးပေါင်းရင်းမြစ်များ

1 Reyes 18:12

Te c'alal yacon ta bahel a, ma jna' banti ya yic'at bahel te espíritu yu'un Jehová. Te c'alal ya calbe ya'iy te Acab, teme ma ba ya stahat, hich ya smilon. Pero te a'bat awu'un yich'oj ta muc' te Jehová c'alal ta squeremil.

2 Reyes 2:16

hich la yalbeyic: Ilawil, li' ay ta yohlil te a'batetic awu'un lajuneb yoxwinic (50) winiquetic te ay yipique. Ac'a bahticuc ta slehel te maestro awu'une; ha wan licot hahchel yu'un te espíritu yu'un Dios soc ac'ot hilel ta ba wits o ta sjuclej, xchihic. Ma'uc, ma me ayuc mach'a yac aticonic bahel, xchi te Eliseo.

Cantares 8:5

¿Mach'a te yac ta talel ta jochol taquin q'uinal, te pacal ta snehquel te mach'a c'ux ta yo'tan? Ta ye'tal ste'el manzana la jtijbat awayel; ta banti hahch sc'uxul swocol ta alajel te anane, ta banti hahch sc'uxul te mach'a la yayintesat.

Ezequiel 11:24

Te espíritu la slicon hahchel, ta scuenta nahalsitil yu'un te espíritu yu'un Dios la scha'ic'on xan bahel ta sq'uinal te caldeohetic, ta banti ay te mach'atic bahemic ta chuquel. Hich ch'ay bahel te nahalsitil te la jquile.

Ezequiel 3:12

Te espíritu la slicon hahchel, ta jpat la jca'iy c'op te mero tulan, te hich la yal: ¡Ac'a yich' halbeyel sc'oblal te yutsilal Jehová c'alal ta banti ay te yawile! xchi.

Ezequiel 8:3

La shach sc'ab, la stsacon ta stsotsel jol; te espíritu la slicon mohel ta ohlil yu'un ch'ulchan bahlumilal, soc ta scuenta nahalsitil yu'un Dios la yic'on bahel ta Jerusalén, ta ochibal te ay ta stojol norte ta amac' ta yutil, ta banti ay te yawil te loc'omba te ya yac' xut'et-o'tanil.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 7:20

Soc ha nix hich co'tanuc la jca'iybe sc'oblal te lajunch'ix xulubil te ayic ta sjol, soc te yan tut xulubil te loc' talel, te yahlem oxch'ix xulubil ta stojol, ha te xulub te ay sit soc te ay ye te yac ta yalel bayel toyba-c'op, soc te ha muc' xan te bin ut'il te yantic xulubiletique.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

San Mateo 27:28

La swahtanic, la ya'beyic slap tsajal muc'ul-c'u'ul;

Hechos 8:39

C'alal loq'uic tal ta ha', te Espíritu yu'un Cajwaltic ora la yic' bahel te Felipe, te eunuco-winic ma ba la yilbeyix xan sit; tse'el yo'tan behen bahel.

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Apocalipsis 1:10

Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,

Apocalipsis 12:14

Te ants a'bot cheb xic' muc'ul jxic scuenta yu'un hich ya xwihl loq'uel ta stojol te chan, ya xbaht ta jochol taquin q'uinal ta banti ya yich' mac'linel jun shalalil, cheb shalalil, soc j'ohlil shalalil.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 12:6

Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.

Apocalipsis 17:18

Te ants la awile ha te muc'ul pueblo te ya scuentahin te ajwaliletic te ayic ta bahlumilal, xchi.

Apocalipsis 17:4

Te antse chi'in-yax soc tsaj te sc'u' slapoj, ch'albil ta oro, t'ujbil tonetic soc ta perlahetic, soc yich'oj ta sc'ab jun copa pasbil ta oro, nojel ta bintic ilobtic sba soc te yajmule.

Apocalipsis 18:12

ha te oro, plata, t'ujbil tonetic soc perlahetic; lequil lino-pac', chi'in-yax, seda-pac', soc tsajal pac'; spisil ta chahp te'etic te buen sumet yic', te bintic pasticlambil ta scolmillo elefante, soc te bintic pasticlambil ta t'ujbil te'etic, ta bronce, taq'uin, soc ta mármol-ton;

Apocalipsis 18:16

hich me ya yalic yu'un: ¡Obol sba, obal sba te muc'ul pueblo, te slapoj lequil lino-pac', chi'in-yax soc tsajal pac', soc te sch'aloj sba ta oro, ta t'ujbil tonetic soc perlahetic!

Apocalipsis 21:10

Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.

Apocalipsis 4:2

Ora la scuentahinon te Espíritu, la jquil ay muc'ul-huctajibal ta ch'ulchan soc ay Mach'a hucul tey a.