Apocalipsis 17:2 - Bible in Tzeltal Bachajón

² La yantsinic te ajwaliletic ayic ta bahlumilal, soc te mach'atic nahinemic ta bahlumilal yacubenic ta vino yu'un te yajmul, xchi.

Nuevo Testamento Tzeltal de Amatenango

² Te reyetik ta balmilale la yantsinikix te antse, y te machꞌatik aylan ta balmilale laj yakubikix sok te sbino te skuenta mulile —xchi.

Bible in Tzeltal de Oxchuc y Tenejapa

² Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Apocalipsis 17:2 ပူးပေါင်းရင်းမြစ်များ

Jeremías 51:7

Te Babilonia ha copa pasbil ta oro c'ohem ta sc'ab Jehová te la syacubtes a spisil te ants-winiquetic ta q'uinal. Te nacionetic la yuch'beyic te vino yu'un, hich sohc sjolic a.

Nahúm 3:4

Spisil ini ha ta scaj te yantsinel te j'antsinel-ants te lec ta ilel soc t'ujbil, te ha jnohpteswanej yu'un j'ac'-chamel, te ya smombe yo'tanic te nacionetic ta scuenta te antsinel yu'un, soc te pueblohetic ta scuenta te j'ac'-chamel yu'une.

San Juan 2:10

hich la yalbe: Spisilic ha nahil ya yaq'uic te lequil vino; te c'alal bayel la yuch'iquix a, ha to ya yac' te banti ma lequil vinohuc; pero ha'at aq'uejoj te lequil vino c'alal ora, xchi.

Apocalipsis 14:8

Tap'al tal ta spat yan ch'ul a'bat te hich la yal: Jihnemix, jihnemix te muc'ul Babilonia, ha te la ya'be yuch'ic spisil nacionetic te vino yu'un te antsinel yu'une, xchi.

Apocalipsis 17:13

Junax bin snopojic, ya me ya'beyic te chambahlam te xiweltic sba te yipic soc te ya'tel yich'ojique.

Apocalipsis 17:17

Como Dios la ya'be ta yo'tanic te ya spasic te bin la sc'an yo'tan stuquel, ha te ya schap sc'opic ta yajwalinel te chambahlam te xiweltic sba ha to c'alal ts'acal ya xc'oht te sc'op te Diose.

Apocalipsis 17:5

Ta sti'ba ay bihilil ts'ihbabil te muquen ay ta na'el: Muc'ul Babilonia, Snan J'antsinel Antsetic soc Bintic Ilobtic Sba ta Bahlumilal, xchi te sbihile.

Apocalipsis 17:8

Te chambahlam te xiweltic sba la awile, ay ta namey, ma ba ay ta ora ini, ya to xloc' tal ta xahab soc ya xbaht ta ch'ayel. Te mach'atic nahinemic ta bahlumilal te ma ba ts'ihbabil sbihilic ta libro scuenta cuxlejal ta shahchel to tal bahlumilal, xcham yo'tanic yu'un te c'alal ya yilic te chambahlam te xiweltic sba te ay ta namey, ma ba ay ta ora ini, soc te ya to xchicnaje.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Apocalipsis 18:3

Como spisil te nacionetic yuch'ojic te vino yu'un te yajmule. Te ajwaliletic ta bahlumilal spasojic mulil soc te antse, soc c'uhlejubenic te jchombajeletic ta bahlumilal yu'un te bayel bintic mulambil yu'une, xchi sc'oblal.

Apocalipsis 18:9

Te ajwaliletic ta bahlumilal te la yantsinic soc te pajal ay bin la smulanic soc, ya me smel yo'tanic soc ya me yoq'uetayic te c'alal ya yilic xtomet ta loq'uel sch'ahilel sc'ahc'al te ya yich' chiq'uele.

Apocalipsis 2:22

Ha yu'un ya me jch'oj ta swayib, soc ya cac' c'axuc bayel swocolic te mach'atic ya yantsinic, teme ma ba ya suhtes yo'tanic yu'un te bin ya spas te antse.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.

Apocalipsis 9:21

Ma ba la suhtes yo'tanic yu'un smilawic, yilojelic, schijil-o'tanic soc yeleq'uic.