Apocalipsis 17:18 - Bible in Tzeltal Bachajón

¹⁸ Te ants la awile ha te muc'ul pueblo te ya scuentahin te ajwaliletic te ayic ta bahlumilal, xchi.

Nuevo Testamento Tzeltal de Amatenango

¹⁸ Te ants te la awile jaꞌ seña te mukꞌul jtejklum te ya spas ta mantal te reyetik ta balmilale —xchi.

Bible in Tzeltal de Oxchuc y Tenejapa

¹⁸ Te ants la awile, ja' seña te muc'ul lum te ya xmandalaj ta stojol spisil te ajwaliletic ta balumilale —la yuton.

Apocalipsis 17:18 ပူးပေါင်းရင်းမြစ်များ

Daniel 7:23

Hich la yal: Te schanebal chambahlam, ha schanebal ban c'alal ay ta cuentahinel te ya xchicnaj ta q'uinal, ma pajaluc soc spisil te yantique, ya sbic'ticlan c'ohem spisil te q'uinal, ya sts'o'ts'o'tec' soc ya sbutsticlan.

San Lucas 2:1

Ta hich ora la yal mandar te ajwalil Augusto César te ya me x'och ta ahtayel spisil ants-winiquetic.

Apocalipsis 11:8

Pujul ya xhil sbaq'uetalic ta calle yu'un te muc'ul pueblo, ha te Sodoma soc Egipto sbihil, tey nix ta banti laj ta milel ta cruz te Cajwaltique.

Apocalipsis 12:4

Jun ta yoxeht'el te eq'uetic ta ch'ulchan la swes cohel ta sne, la sch'oj cohel ta bahlumilal. Te dragón la stehc'an sba ta sit te ants ya x'ayinix yal, yu'un te c'alal ya x'ayin nax a te yale, ya sbic'be.

Apocalipsis 16:19

Oxeht' loc' a te muc'ul pueblo soc hemts'uj cohel te muc'ul pueblohetic yu'un te nacionetic. Dios la sna' te muc'ul Babilonia, la ya'be yuch' te vino yu'un yilimba te ay ta copahe.

Apocalipsis 18:2

Hich tulan la yal ta aw: ¡Jihnemix, jihnemix te muc'ul Babilonia! Ha sna pucujetic c'ohem, ha yawil spisil ta chahp bohl pucujetic, soc sluhtstajibix spisil ta chahp bohl mutetic te ilobtic sbahe.