Apocalipsis 17:16 - Bible in Tzeltal Bachajón

¹⁶ Te lajuneb xulubiletic soc te chambahlam te xiweltic sba te la awile ya me yilintayic te j'antsinel-ants, jimbil soc mayuc sc'u' ya xhil yu'unic; ya me sti'beyic sbaq'uetal soc ya me schiq'uic ta c'ahc'.

Nuevo Testamento Tzeltal de Amatenango

¹⁶ Y te lajuneb xulbal te la awil te ay ta sjol te chanbalam te lom yane, ya me spꞌajik te jmulawil antse. Y ya me sjilesik ta chꞌojel y tꞌaxal ya xjil yuꞌunik. Ya me sweꞌbeyik te stiꞌbalule y ya me xchikꞌik ta kꞌajkꞌ.

Bible in Tzeltal de Oxchuc y Tenejapa

¹⁶ Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.

Apocalipsis 17:16 ပူးပေါင်းရင်းမြစ်များ

Job 31:31

teme ma hichuc yalojic te a'batetic cu'un: ¿Mach'a a te ma ba nojem sch'uht yu'un te sti'bal? te xchihique,

Salmos 27:2

Te c'alal hahch scontrahinon te mach'atic chopol yo'tanic, te mach'atic ya ya'bonic jwocol soc te jcontratac, yu'un ya slajimbonic jbaq'uetal, la sc'ohchin yoquic soc yahlic.

Daniel 7:5

Patil la jquil yan chambahlam, pajal yilel soc oso, te jehch smochbaquel toyol xan te bin ut'il te yane. Scats'oj ta ye oxch'ix moch-bac, hich halbot: Hahchan, ti'a bayel ti'bal, xchi sc'oblal.

Levítico 21:9

Te yantsil-nich'an sacerdote teme ya sbohlobtes sba yu'un te ya xhahch yac' sba ta antsinel, ya sbohlobtesbe sc'oblal te state, ya me yich' chiq'uel.

Apocalipsis 12:3

Ay yan seña chicnaj ta ch'ulchan: jun tsajal dragón te ay huqueb sjol soc lajuneb xulub, soc jujun corona ta jujun sjol.

Apocalipsis 16:12

Te swaquebal ch'ul a'bat la smal te sbahl te copa yu'un ta muc'ul-ha' Éufrates, tup' ya'lel te muc'ul-ha' scuenta yu'un chapal ya xc'oht te be yu'un te ajwaliletic ya xtalic ta stojol banti ya xloc' tal c'ahc'al.

Apocalipsis 17:10

soc ha huctuhl ajwaliletic. Ho'tuhl yahlemiquix, jtuhl ay ta ora ini, jtuhl xan te ma to ba talem, pero te c'alal ya xtal, ya sc'an ya xhalaj jtebuc.

Apocalipsis 18:19

Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Apocalipsis 18:8

Ha yu'un ta junax c'ahc'al ya me xc'oht ta stojol te swocole: ha te lajel, oq'uel, wi'nal, soc ya me yich' chiq'uel ta c'ahc'; como bayel yu'el te Cajwaltic Dios te ya yich'be sc'op, xchi sc'oblal.

Apocalipsis 19:18

yu'un yac ati'beyic sbaq'uetal ajwaliletic, capitanetic soc mach'atic ay yipic, sbaq'uetal cawuhetic soc mach'atic cajajtic tey a, soc sbaq'uetal spisil ants-winiquetic, mosohetic soc mach'atic ayic ta libre, muc' biq'uit, xchi ta aw.