Apocalipsis 16:5 - Bible in Tzeltal Bachajón

⁵ La jca'iy c'opoj te ch'ul a'bat te scuentahinej te ha'etic, hich la yal: Ha stojil te bin ut'il hich la awa'be stoj, Cajwal, ha'at te atalel ayat soc te atalel ayat ta namey, Ch'ul Diosat,

Nuevo Testamento Tzeltal de Amatenango

⁵ Te nax a la kaꞌiy te jich la yal te ángel yuꞌun te jaꞌetike: —Te jaꞌate, Kajwal, te Chꞌul Diosat, te atalel ayat ta namey sok ta ora to, tojat te jich la awakꞌbeyix te kastigoe.

Bible in Tzeltal de Oxchuc y Tenejapa

⁵ La caiy stojol c'opoj te ch'ul abat te swentainej te ja'etique. Jich la yal: “Toj awo'tan atuquel, Cajwal te Ch'ul Diosate, te atalel ayat ta namey soc ta sbajt'el q'uinal, te melel la awaiyix chajbanwanej.

Apocalipsis 16:5 ပူးပေါင်းရင်းမြစ်များ

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Salmos 129:4

¡Pero te Jehová ha toj yo'tan stuquel, la stuch'be te lazo te schucojonic a te mach'atic chopolic!

Salmos 145:17

Te Jehová toj spisil bintic ya spas soc ya sc'uxultay spisil bintic spasoj.

Lamentaciones 1:18

Pero te Jehová toj yo'tan stuquel, como la jtoy jba ta stojol te sc'ope. A'iya awa'iy apisilic, pueblohetic, ilawilic te jwocole: Te queremetic soc te ach'ixetic cu'un, ic'otic bahel ta chuquel.

Daniel 9:14

Ha yu'un te Jehová la schahpan te bin chopol, la yac' tal ta jtojolcotic; como te Jehová te Dios cu'untic, stojil ay spisil bintic ya spas, pero ho'otcotic ma ba la jch'uhumbecotic te sc'ope.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

Romanos 2:5

Pero ta scaj te tonoben awo'tan soc te ma ba suhtem awo'tan, ha'at nix yac atsobel ilimba ta yorahil ya xchicnaj te ilimba soc te stojil chahpanel yu'un Dios,

Romanos 3:5

Teme ta scuenta te bin ma tojuc ya jpastic hich ya yac' chicnajuc te stojil bin ya spas te Diose, ¿bin xchihotic yu'un? ¿Yu'un bal ma stojiluc bin ya spas Dios te ya ya'botic castigo? (Hich yacon ta c'op te bin ut'il winic.)

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Apocalipsis 11:17

hich la yalic: Ya calbatcotic wocol, Cajwaltic Dios te spisil ya xhu' awu'un, te atalel ayat soc te ayat ta namey, como la awich'ix te bayel awu'el soc hahchatix ta cuentahinwanej.

Apocalipsis 16:4

Te yoxebal ch'ul a'bat la smal te sbahl te copa yu'un ta muc'ul-ha'etic soc ta sloq'uib ha'etic, hich c'atp'ujic ta ch'ich'.

Apocalipsis 16:7

Soc la jca'iy ay mach'a c'opoj talel tey ta scajtajib ta chiq'uel mahtanil, hich la yal: Melel, Cajwaltic Dios te spisil ya xhu' awu'un, smelelil soc stojil te chahpanel awu'une, xchi.

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.