Apocalipsis 16:2 - Bible in Tzeltal Bachajón

² Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Nuevo Testamento Tzeltal de Amatenango

² Te primero ángele bajt y ba smal te sbaso ta sba te balmilale. Y ta spisil te gente te yichꞌojbe te smarka te chanbalam te xiꞌbentik sbae y te la yichꞌbeyik ta mukꞌ te slokꞌole, chiknaj yejchenik te kꞌax ma lekuk y lom kꞌux.

Bible in Tzeltal de Oxchuc y Tenejapa

² Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Apocalipsis 16:2 ပူးပေါင်းရင်းမြစ်များ

2 Crónicas 21:15

soc ha'at ya me xtal bayel chameletic ta atojol, ha tulan chamel ta abiquil te ha ya xloc' ta scaj te ya xhalaj te chamele, xchi te Elías ta carta.

2 Crónicas 21:18

Ta patil spisil ini, te Jehová la ya'be chamel te Joram ta sbiquil te ma xhu' ta poxtayel.

Salmos 78:26

Ta ch'ulchan la yac' bahel te ic' ya xtal ta stojol banti ya xloc' tal c'ahc'al, soc ta scuenta yu'el la yic' tal ic' ta stojol sur,

Isaías 3:17

Ha yu'un te Cajwaltic ya me ya'be chin ta sjolic te antsetic yu'un Sión, te Jehová ya me schicnajtesbe sq'uexlalic, xchi.

Isaías 3:24

Te sumet yic' perfume ya sutp'ij ta bin tu; te schuhquil ch'uhtic ya sutp'ij ta lazo; te buen ch'albil sjolic ya sutp'ij ta t'axjol; te t'ujbil sc'u'ic ya sutp'ij ta ch'ixal pac'; te st'ujbilalic ya sutp'ij ta bin c'ahq'uem.

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

Deuteronomio 28:27

Te Jehová ya me ya'bat te c'ahc'al chin yu'un Egipto, soc chacaletic, sal soc bayel sac'al te ma xhu' ya xlecubat yu'une.

Deuteronomio 28:35

Te Jehová ya me yac' c'axuc awocol ta scuenta c'ahc'al chin ta sjol awacan soc ta sbaq'uetal awa', c'alal ta stahn awoc c'alal ta ajol, ma me xlecubat ta poxtayel.

Deuteronomio 7:15

Te Jehová ya me sloq'uesbat spisil chameletic; soc spisil te jmilawal-chameletic yu'un Egipto te la awile, ma ba ya yac' c'ohtuc ta atojol, ha ya ya'be ta stojol spisil mach'atic ya yihlayat.

Apocalipsis 13:12

Ta stojol te nahil chambahlam te xiweltic sba ya stuhun spisil te tulan ya'tel yich'oje. Spisil te mach'atic nahinemic ta bahlumilal ha ya ya'be sch'uhuntayic te shahchibal chambahlam te xiweltic sba te c'ax te yehchen scuenta lajel.

Apocalipsis 14:16

Ha yu'un te mach'a hucul ta sba tocal och ta sbojel ta bahlumilal soc te hoz yu'un, hich la yich' bojel te sit ay ta bahlumilal.

Apocalipsis 14:9

Tap'al tal ta spatic te yoxebal ch'ul a'bat te hich la yal ta tulan: Teme ay mach'a ya sch'uhuntay te chambahlam te xiweltic sba soc te sloc'ombahil, soc te ya yich'be smarca ta sti'ba o ta sc'ab,

Apocalipsis 16:1

La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Apocalipsis 16:11

soc la sbohlc'optayic Dios te ay ta ch'ulchan ta scaj sc'uxul te swocolic soc te schacalique; ma ba la suhtes yo'tanic yu'un te bintic spasojique.

Apocalipsis 8:7

Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

1 Samuel 5:6

Tulan c'oht te sc'ab Jehová ta stojol te mach'atic ayic ta Asdod soc ta sjoyobal, la sjinticlan soc la yac'ticlambe coluc siht'el.

1 Samuel 5:9

Pero te c'alal la yich'ic bahel tey a, tulan la yac' tal sc'ab te Jehová ta scontrahinel te pueblo, la yac' buen xiwel; soc la ya'be swocolic te mach'atic ayic ta pueblo, muc' biq'uit hahch siht'el yu'unic.