Apocalipsis 16:1 - Bible in Tzeltal Bachajón

¹ La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Nuevo Testamento Tzeltal de Amatenango

¹ La kaꞌiy jun tulan kꞌop te xlokꞌ tal teꞌ ba temploe y te la yalbe te jukeb angeletike: —Baanik y malaik ta sba balmilal te jukeb basoetik yuꞌun te tulan kastigo te ya yakꞌ tal te Diose —xꞌutalanot.

Bible in Tzeltal de Oxchuc y Tenejapa

¹ La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

Apocalipsis 16:1 ပူးပေါင်းရင်းမြစ်များ

Salmos 79:6

¡Mala awilimba ta stojol te nacionetic te ma sna'bat aba, ta stojol te ban c'alal ay ta cuentahinel yu'unic te ma ba ya sc'oponat ta abihile!

Jeremías 10:25

Mala cohel awilimba ta stojol te nacionetic te ma sna'bat aba, ta stojol te pueblohetic te ma ba ya sc'oponat ta abihile; como la slajinic te Jacob, jc'axel la sbiq'uic soc la sjochambeyic hilel te slumale.

Ezequiel 10:2

Te Jehová la sc'opon te winic te slapoj lino-pac', hich la yalbe: Ochan ta yohlil te yoc carretahetic te ay ta ye'tal te querubinetic, nojesa ta ac'ab te tsumbil ac'al te ay ta yohlil te querubinetic, puca bahel ta stojol te pueblo, xchi. La jquil te och bahel te winique.

Ezequiel 22:31

Ha yu'un la jmal cohel quilimba ta stojolic. La jlajinlan ta scuenta sc'ahc'al quilimba, la jcac' suhtuc ta stojolic te bintic spasojic, xchi te Jehová, te Ajwalil.

Sofonías 3:8

Ha yu'un mahliyawonic, xchi te Jehová, te bin c'ahc'alil ya xhahch jchahpanex, como jnopoj te ya jtsob te nacionetic, te ya jtsobticlan ban c'alal cuentahimbilic yu'un ya jmal cohel ta stojolic te quilimba, spisil te sc'ahc'al te quilimbahe; te sc'ahc'al te xut'et co'tan ya slajin spisil te q'uinale.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

Apocalipsis 14:15

Soc ay yan ch'ul a'bat te loc' tal ta templo, tulan la yawtay te mach'a hucul ta sba tocal: Ochan ta a'tel soc te hoz awu'un, boja, como la stahix yorahil sbojel, yu'un yijix te sit te ay ta bahlumilal, xchi.

Apocalipsis 14:18

Soc ay yan ch'ul a'bat te scuentahinej te c'ahc' te loc' tal ta stojol te scajtajib ta chiq'uel mahtanil, tulan la yawtay te mach'a yich'oj hoz te ay ye: Ochan ta sbojel soc te hoz awu'un te ay ye, tsoba te ts'usub ta bahlumilal, yu'un syijilix te ts'usube, xchi.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

1 Samuel 15:18

Te Jehová ay bin la sticonat ta spasel, hich la yalbat: Bahan, jc'axel lajina te jmulawiletic ta Amalec, a'beya guerra ha to c'alal yac alajinlan spisilic, xchi.

1 Samuel 15:3

Ha yu'un bahan, a'beya guerra te Amalec, jc'axel lajina spisil bintic ay yu'un, ma me xana'be yo'bolil sba; milticlana winiquetic, antsetic, alaletic soc tut alaletic te ya to xchu'unic, soc nix wacaxetic, tuminchijetic soc tentsunetic, camellohetic soc burrohetic, xchi.