Apocalipsis 15:8 - Bible in Tzeltal Bachajón

⁸ Te templo noj ta ch'ahil yu'un te yutsilal Dios soc te yu'ele. Mayuc mach'a ya xhu' ya x'och ta templo ha to c'alal ts'acay te huqueb wocol te yich'ojic te huqueb ch'ul a'batetique.

Nuevo Testamento Tzeltal de Amatenango

⁸ Y te temploe noj ta xchꞌailel yuꞌun te slekilal sok spoder te Diose. Y maꞌyuk machꞌa ya xjuꞌ ya xꞌoch bael teꞌa teme ma to lajemuk a te jukkaj tulan wokol te yichꞌojlan te jukeb angeletike.

Bible in Tzeltal de Oxchuc y Tenejapa

⁸ Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.

Apocalipsis 15:8 ပူးပေါင်းရင်းမြစ်များ

Salmos 29:9

Te sc'op Jehová ya sbichticlambe te sc'ab jihte'etic soc watal ya xhil yu'un te tohyem te'etique. Spisilic ya yalbeyic yutsilal sc'oblal ta Templo yu'un.

Éxodo 19:18

Potsot ta ch'ahil spisil te wits Sinaí, yu'un co tal ta yohlil c'ahc' tey a te Jehová. Te ch'ahil xtomet yac ta mohel hich te bin ut'il sch'ahilel horno, soc spisil te wits mero tulan yac ta nihquel.

Isaías 6:4

C'alal c'opojic, nihc te yich'o-ip te puertahetic soc noj ta ch'ahil te templohe.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Lamentaciones 3:44

La apots aba ta tocal scuenta yu'un ma ba ya xc'oht ta atojol te ya jc'oponatcotic.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Romanos 11:33

¡C'ax c'ubul ay te yutsil sp'ijil soc te bin ay ta na'el yu'un Dios! ¡Ma xhu' ta na'el te chahpanel yu'un soc ma xhu' ta na'el te behetic yu'une!

2 Tesalonicenses 1:9

Ha me castigo ya x'a'botic te ch'ayel ya xbahtic sbahtel q'uinal, loq'uesbilic ta stojol te Cajwaltic soc te yutsil yu'el,

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 21:11

Yich'beyej yutsilal te Diose, soc te sts'anabul hich yilel bin ut'il buen t'ujbil ton, sjel ta sts'aylajan-ton, sts'ayts'on hich te bin ut'il cristal.