Apocalipsis 15:4 - Bible in Tzeltal Bachajón

⁴ ¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Nuevo Testamento Tzeltal de Amatenango

⁴ ¿Me ay machꞌa a te makꞌ ya xiꞌate, jaꞌat Kajwal? ¿Me ay machꞌa te ma xyalbeyat slekil akꞌoplale? Yuꞌun jaꞌat nax te lek ayate. Spisil nasionetik ya xlaj tal y ya yichꞌat ta mukꞌ, porke chikanix ta ilel te lek ya xchapawanate”, xchiik.

Bible in Tzeltal de Oxchuc y Tenejapa

⁴ ¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Apocalipsis 15:4 ပူးပေါင်းရင်းမြစ်များ

Salmos 105:7

Ha te Jehová, te Dios cu'untic; ay ta bayuc ta bahlumilal te chahpanel yu'une.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Salmos 22:23

Ha'ex te yac awich'ic ta muc' te Jehová, ¡halbeyahic yutsil sc'oblal! ¡C'ayojtaybeya yutsil sc'oblal apisilic te sts'umbalex Jacob! ¡Xi'ahic me apisilic te sts'umbalex Israel!

Salmos 22:27

Ya me sna'ic soc ya me suhtic tal ta stojol Jehová spisil mach'atic ayic ta sti'il bahlumilal, soc spisil ta chahp nahetic yu'un te nacionetic ya me squejan sbahic ta atojol,

Salmos 22:3

Pero ha'at Ch'ul Diosat, ha'at te nahinemat ta yohlil banti ay ta halel yutsil ac'oblal yu'un Israel.

Salmos 86:9

Spisil te nacionetic te apasoj ya me xtalic ta atojol soc ya me sch'uhuntayat, Cajwal, soc ya me yalbat yutsil sc'oblal te abihile,

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Salmos 97:8

La ya'iy te Sión, tse'el yo'tan yu'un, soc te yantsil-nich'nab Judá tse'el yo'tanic yu'un te chahpanel awu'un, Jehová.

Salmos 99:5

Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

Salmos 99:9

Toybeyahic yutsil sc'oblal te Jehová, te Dios cu'untic, quejana abahic ta stojol te ch'ul wits yu'un, como te Dios cu'untic, ha Ch'ul Dios stuquel.

Isaías 24:15

Ha yu'un halbeya yutsil sc'oblal Jehová ta banti ya xloc' tal c'ahc'al, ta ti'ti'mar toybeya sc'oblal te sbihil Jehová, te Dios yu'un Israel.

Isaías 25:3

Ha scuentahil te ya me yalbe yutsil ac'oblal te pueblo te ay yip, ya me xi'at te pueblo te ya x'uts'inwanic.

Isaías 26:9

Ta ahc'abal ya sc'anat te jch'uhlele, ta spisil jch'uhlel ya jlehat ta sab. Te c'alal yac awa'iy chahpanwanej ta bahlumilal, te mach'atic nahinemic ta bahlumilal ya snopic te bin stojil ta pasele.

Isaías 45:23

Ho'onix hich la jcal ta jamal, loc' tojil-c'op ta que te ma xlajimbot sc'oblal: Ya me squejan sbahic ta jtojol spisilic, spisilic ya me yalic ta jamal ta jcuenta, xchihon.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Isaías 60:5

Yac awil, hich ya xtihl yutsil awo'tan, bayel yutsil awo'tan yu'un, como ya x'ich'botat talel te sc'ulejal te mar, ya xtal ta atojol te sc'ulejalic te nacionetique.

Jeremías 10:7

¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 5:22

¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Habacuc 1:12

¿Ma bal ha'ucat ayat c'alal ta shahchibal, Jehová Dios cu'un, Ch'ul Diosat cu'un? Ma ba ya xchamotcotic. La atsa te caldeohetic yu'un ya xchahpanwanic, ha'at, Muc'ul Tonat, la awac' te ya yaq'uic castigo.

Zacarías 14:16

Spisil te mach'atic cuxul hilemic yu'un te nacionetic te la ya'beyic guerra te Jerusalén, ya xmohic bahel jujun ha'bil ta sch'uhuntayel te Ajwalil, ha te Jehová te scuentahinej spisil, soc ta spasel te q'uin scuenta Yax Nahetic.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Romanos 15:9

soc scuenta yu'un te jyanlumetic ya yalbeyic yutsil sc'oblal Dios yu'un te sc'uxul yo'tan, hich te bin ut'il ts'ihbabil: Ha yu'un ya calbat yutsil ac'oblal ta yohlil te jyanlumetic soc ya jc'ayojtaybat abihil, xchi.

1 Pedro 1:16

Como hich ts'ihbabil hilel: Ch'ultesbiluquex, como ho'on ch'ul Dioson, xchi.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Apocalipsis 16:5

La jca'iy c'opoj te ch'ul a'bat te scuentahinej te ha'etic, hich la yal: Ha stojil te bin ut'il hich la awa'be stoj, Cajwal, ha'at te atalel ayat soc te atalel ayat ta namey, Ch'ul Diosat,

Apocalipsis 16:7

Soc la jca'iy ay mach'a c'opoj talel tey ta scajtajib ta chiq'uel mahtanil, hich la yal: Melel, Cajwaltic Dios te spisil ya xhu' awu'un, smelelil soc stojil te chahpanel awu'une, xchi.

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 19:8

A'botix slap lequil lino-pac' te buen xlipet sacal soc mayuc yabaquil, xchihic. (Te lino-pac', ha seña te stojil ya'telic te mach'atic ch'ultesbilique.)

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Apocalipsis 6:10

Tulan hich yac yalbelic: Cajwal te toj awo'tan soc te smelelil te ac'ope, ¿bin to ora te yac awich' ta c'op soc te yac awa'be stoj te mach'atic ayic ta bahlumilal te la smal jch'ich'elcotic? xchihic.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.