Apocalipsis 15:3 - Bible in Tzeltal Bachajón

³ soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

Nuevo Testamento Tzeltal de Amatenango

³ Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.

Bible in Tzeltal de Oxchuc y Tenejapa

³ Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 15:3 ပူးပေါင်းရင်းမြစ်များ

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

1 Crónicas 6:49

Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

2 Crónicas 24:6

Ha yu'un te ajwalil la yic' tal te muc'ul sacerdote Joiada, hich la yalbe: ¿Bin yu'un ma ba la awalbe te levitahetic te ya me yich'ic talel ta Judá soc ta Jerusalén te spatanic te a'botic stojic yu'un Moisés te ya'bat Jehová te pueblo Israel yu'un te Nahilpac' yu'un te Testigo-c'op? xchi.

Nehemías 9:14

La awa'be scanantayic te ch'ultesbil sc'ahc'alel cux-o'tan awu'un, soc ta scuenta Moisés te a'bat awu'un, la awac'ticlambe mandariletic, chapbil mandariletic soc te Ley.

Job 36:24

Na'a me stoybeyel sc'oblal te ya'tel, te ha yich'oj halel ta c'ayoj yu'un winiquetic.

Job 5:9

Ha ya spas muc' a'teliletic te ma xhu' ta na'beyel scuentahil, soc yutsil a'teliletic te ma xhu' ta ahtayel.

Salmos 100:5

Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.

Salmos 105:5

Na'ahic me te yutsil a'teliletic spasoj, te jchahp a'teliletic soc te bin yaloj ta chahpanwanej,

Salmos 111:2

Muq'uic te a'teliletic yu'un Jehová, tsahtaybilic yu'un spisil mach'atic ya smulanic.

Salmos 111:7

Te a'teliletic ya spas ta sc'ab ha smelelil soc stojil; spisil te mandariletic yu'un ya yac' smuc'ul-o'tanil;

Salmos 139:14

Ya calbat yutsil ac'oblal como c'ax bayel yutsil pasbilon; c'ax t'ujbil te awa'tel, sna'oj ta lec te jch'uhlele.

Salmos 145:17

Te Jehová toj spisil bintic ya spas soc ya sc'uxultay spisil bintic spasoj.

Salmos 145:6

Te ants-winiquetic ya me yalbeyic sc'oblal awa'tel te c'ax yan a, te ho'on ya me jpuc ta halel te amuc'ule.

Salmos 18:30

Te Diose c'ax lec te be yu'une, mayuc bin capal a te sc'op te Jehová; ha mahquilal yu'un spisil mach'atic ha smuc'ulinej yo'tanic.

Salmos 78:12

Dios la spas jchahp a'teliletic ta stojol te sme'static ta sq'uinal Zoán te ay ta Egipto.

Salmos 92:5

¡Mero muq'uic te a'teliletic awu'un, Jehová! ¡Mero c'ubul te bintic ay ta awo'tan!

Salmos 99:4

Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Oseas 14:9

¿Mach'a a te ay sp'ijil te ya sna'be scuentahil ini? ¿Mach'a ya sna' tsahtayel yu'un ya xc'oht ta yo'tan? Como toj te behetic yu'un Jehová, te mach'atic toj yo'tanic, ha ya st'unic, pero te jtoybahetic ya sc'ohchin sbahic tey a.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

Sofonías 3:5

Ha toj stuquel te Jehová te ay ta yohlil, mayuc bin chopol ya spas; ta jujun sab ya yac' chicnajuc te stojil ya'tel, ma ba ya spas falta; yan te mach'a chopol, ma sna'be sba te q'uexlale.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

Deuteronomio 31:30

Ha yu'un te Moisés la yalbe ya'iyic spisil te pueblo Israel te bin ya yal ha'i c'ayoj ini, c'alal shahchibal c'alal slajibal:

Deuteronomio 32:3

Ya calbe sbihil te Jehová. ¡Halbeyahic sc'oblal smuc'ul te Dios cu'untic!

Deuteronomio 34:5

Tey cham a ta sq'uinal Moab te Moisés te a'bat yu'un Jehová, hich te bin ut'il halbot yu'un te Jehová.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

Hebreos 3:5

Te Moisés, te bin ut'il ha a'bat, jun yo'tan ay ta spisil te na yu'un Dios, soc la yal ta testigo-c'op te bin ya yich' halel ta patil.

Josué 22:5

Ha nax ac'a c'ohtuc ta pasel awu'unic te mandariletic te la spasex ta mandar Moisés te a'bat yu'un Jehová: ha te c'uxuc me xawa'iy ta awo'tanic te Jehová te Dios awu'unic, te yacuc xbehenex ta spisil te behetic yu'un, te yacuc ach'uhunic te mandariletic yu'un, yacuc at'unic bahel soc yacuc awac' abahic ta a'batinel ta stojol ta spisil awo'tanic soc spisil ach'uhlelic, xchi.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Apocalipsis 11:17

hich la yalic: Ya calbatcotic wocol, Cajwaltic Dios te spisil ya xhu' awu'un, te atalel ayat soc te ayat ta namey, como la awich'ix te bayel awu'el soc hahchatix ta cuentahinwanej.

Apocalipsis 14:3

Yac sc'ayojtaybelic yach'il c'ayoj ta stojol te muc'ul-huctajibal soc ta stojol te chaneb bintic cuxajtic soc te mamaletic. Mayuc mach'a ya xhu' yu'un snopel te c'ayoj, ha nax stuquel te waxaclajunpic (144,000) ta tuhl te mambil scolelic ta yohlil te mach'atic ayic ta bahlumilale.

Apocalipsis 14:8

Tap'al tal ta spat yan ch'ul a'bat te hich la yal: Jihnemix, jihnemix te muc'ul Babilonia, ha te la ya'be yuch'ic spisil nacionetic te vino yu'un te antsinel yu'une, xchi.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

Apocalipsis 19:2

como smelelil soc stojil te chahpanel yu'une. La ya'beyix castigo te muc'ul j'antsinel-ants te la sbohlobtes te bahlumilal ta scuenta te yajmule. La ya'beyix stoj te la smalbe sch'ich'el te a'batetic yu'une, xchihic.

Apocalipsis 4:8

Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.