Apocalipsis 14:7 - Bible in Tzeltal Bachajón

⁷ Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Nuevo Testamento Tzeltal de Amatenango

⁷ Tulan la yal: “Xiꞌaik te Diose, y albeyaik slekilal. Yuꞌun kꞌotix yorail te stukel ya xꞌichꞌawan jkuentae. Ichꞌaik ta mukꞌ te machꞌa la spas te chꞌulchane y sok te balmilale, te mare, y te slokꞌib jaꞌetike”, xchiik.

Bible in Tzeltal de Oxchuc y Tenejapa

⁷ Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Apocalipsis 14:7 ပူးပေါင်းရင်းမြစ်များ

Génesis 22:12

Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

Salmos 115:15

Ac'a ya'beyex bendición te Jehová, te spasoj ch'ulchan soc bahlumilal.

Salmos 124:8

Te coltayel cu'untic ay ta scuenta te sbihil Jehová, ha te la spas te ch'ulchan soc bahlumilal. C'ayoj yu'un mohel bahel ta Jerusalén.

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Salmos 36:1

Te mulil ya xc'opoj ta mero yutil yo'tan te mach'a chopol; mayuc ta xi'el te Dios ta sc'op.

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Salmos 95:5

Ha nix yu'un te mar, como ha nix spasoj, soc ha la spas ta sc'ab te taquin lumq'uinale.

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Isaías 40:3

Ay mach'a yac ta aw: ¡Ta jochol taquin q'uinal chahpambeyahic be yu'un Jehová, ta jochol q'uinal tojobtesbeyahic muc'ul be yu'un te Dios cu'untique!

Isaías 40:6

Ay c'op te hich la yal: awonan, xchi. Ho'on la jac': ¿Bin a te ya cal ta aw? xchihon. La yalbon: Spisil te ants-winiquetic hich ayic te bin ut'il ac, soc spisil te yutsilalic hich ay te bin ut'il snich ha'mal ta q'uinal.

Isaías 40:9

Mohan ta toyol wits, ha'at jal-c'opat yu'un Sión, tulan me x'awonat, ha'at jal-c'opat yu'un Jerusalén; toya ac'op, ma xiwat; halbeya te pueblohetic yu'un Judá: ¡Li' ay te Dios awu'unique! xchihat.

Isaías 42:12

Halbeyahic yutsil sc'oblal te Jehová soc pucbeyahic yutsil sc'oblal ta ti'ti'mar.

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Isaías 58:1

¡Tulan x'awonat, ma xacom aba, toya ac'op hich te bin ut'il corneta! ¡Halbeya ya'iy te pueblo cu'un te stoybahil, soc te smulic te mach'atic yu'un Jacob!

Jeremías 10:10

Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Ezequiel 7:2

Ha'at, snich'anat winic, puca ta halel ta stojol te sq'uinal Israel te hich yaloj te Jehová, te Ajwalil: ¡Ha slajibal! ¡Talix te slajibal ta stojol te schanxuhcul te q'uinale!

Ezequiel 7:6

¡Ya xtal slajibal, ya xtal te slajibale; hahchix scontrahimbelat, ya me xtal!

Daniel 8:19

Hich la yalbon: Ya calbat awa'iy te bin ya xc'oht ta pasel te c'alal c'axix a te ilimba; como ha sc'oblal te slajibal c'ahc'al.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

San Lucas 17:18

¿Ma bal ayuc yan suht tal ta yalbeyel wocol Dios, hip bal a ha'i jyanlum winic ini? xchi.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 18:10

Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Apocalipsis 18:17

como ta junax ora laj hich yipal c'uhlejalil, xchihic. Spisil te mach'atic ya stijic barco soc te ya xbehenic ta barco, te mach'atic ya x'a'tejic ta barco, soc te mach'atic cuxajtic tey ta mar, namal ya stehc'an sbahic.

Apocalipsis 18:19

Ya me sbuhquiylanic mohel ts'u'lum ta sjolic, ya me xhahchic ta oq'uel soc ta mel-o'tan, hich me ya yalic ta aw: ¡Obol sba, obol sba te muc'ul pueblo, te banti spisil mach'atic ay barcohetic ta mar la sta sc'uhlejalic ta scuenta te sc'uhlejale! ¡Ta junax ora jc'axel jihn! xchihic.

Apocalipsis 19:5

Loc' tal c'op ta muc'ul-huctajibal te hich la yal: Halbeyahic yutsil sc'oblal te Dios cu'untic, apisilic te ayex ta a'batinel yu'un soc te axi'ojic, muc' biq'uit, xchi.

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

Apocalipsis 4:9

Te jujun buelta te ya yalbeyic yutsil sc'oblal, te ya yich'ic ta muc' soc te ya yalbeyic wocol te Mach'a hucul ta smuc'ul-huctajib soc te stalel cuxul sbahtel q'uinal,

Apocalipsis 8:10

Te yoxebal ch'ul a'bat la yoq'uesin te scorneta; ay muc'ul ec' ta ch'ulchan, xpulpon ta tihlel hich te bin ut'il tsumbil c'ahc', ch'ay cohel ta jun ta yoxeht'el te muc'ul-ha'etic soc te sloq'uib ha'etique.

1 Samuel 6:5

Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.