Apocalipsis 14:4 - Bible in Tzeltal Bachajón

⁴ Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.

Nuevo Testamento Tzeltal de Amatenango

⁴ Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Bible in Tzeltal de Oxchuc y Tenejapa

⁴ Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 14:4 ပူးပေါင်းရင်းမြစ်များ

Salmos 45:14

Ch'albil ta ts'isel te sc'u' slapoj a ya x'ic'ot bahel ta stojol te ajwalil; t'umbil bahel yu'un ach'ixetic te ha smohloltac, ya me yich'ic iq'uel tal ta atojol.

Salmos 74:2

Na'a me te pueblo awu'un, te mambil awu'un ta namey, ha te la acoltay loq'uel tal yu'un ha schahpal ya xc'oht awu'un; na'a me te wits Sión te banti nahinemat.

Cantares 1:3

Mero sumet yic' te perfumehetic awu'un, te abihile hich c'ohem te bin ut'il malem perfume. Ha yu'un te c'uxat ta yo'tanic te ach'ixetique.

Cantares 6:8

Ay oxwinic (60) ta tuhl ajwalil-antsetic, chanwinic (80) ta tuhl yantic antsetic, soc ach'ixetic te ma xhu' ta ahtayel;

Jeremías 2:3

Ch'ultesbil a te Israel ta stojol Jehová, ha sba sit sts'unubil. Spisil te mach'atic la slajinic la sta smulic yu'un; chopol bin c'oht ta stojolic, xchi te Jehová.

Amós 6:1

¡Obol sbahic te mach'atic mayuc swocolic ta Sión soc te mach'atic jun yo'tan nahinemic ta wits Samaria, te mach'atic ich'bilic ta cuenta soc te príncipaletic ta nacionetic, ha te mach'atic ta sna Israel te ya xbahtic ta stojolic!

San Mateo 19:12

Ay mach'atic te eunuco a te ya x'ayin, ay eunucohetic te hich pasbilic yu'un winiquetic, soc ay eunucohetic te hich la spas sbahic ta scaj te cuentahinel yu'un te ch'ulchan. Te mach'a ya xhu' yu'un te ya yich' ha'i c'op ini, ac'a yich', xchi.

San Mateo 25:1

Ta hich ora te cuentahinel yu'un te ch'ulchan ha pajal soc lajuntuhl ach'ixetic te la yich'ic bahel yawil sc'ahq'uic, baht stahic tal te mach'a ya xnuhpun.

San Mateo 8:19

Tal jtuhl escribano, hich la yalbe: Maestro, ya jt'unat ta bayuc ya xbahat, xchi.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 13:37

La yal te Pedro: Cajwal ¿bin yu'un te ma xhu' ya jt'unat bahel ta ora? ¡Ya cac' ta lajel jcuxlejal ta acuenta! xchi.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

1 Corintios 16:15

Quermanotac, ana'ojic te ha sba sit ta Acaya te mach'atic ay yu'un te Estéfanas; ha yac'oj sbahic ta a'batinel yu'un te mach'atic ch'uhltesbilic.

1 Corintios 6:20

como ay atojolic mambilex; ha yu'un ac'ahic ta ich'el ta muc' Dios soc abaq'uetalic soc ach'uhlelic, como yu'un Dios ta schebal.

1 Corintios 7:28

Teme ya xnuhpunat, ma ba yac ata amul yu'un; soc teme ya xnuhpun te ach'ix, ma ba ya sta smul yu'un. Pero te mach'a ya xnuhpun, ya me xc'ax swocolic ta scuxlejal; co'tanuc te ma hichuc ya xc'oht ta stojolique.

2 Corintios 11:2

como xut'et co'tan ya ca'iy ta atojolic ta scuenta Dios. Jtuhl nax mach'a la jcac' yiq'uex, ha te Cristo, scuenta yu'un ya caq'uex ta stojol hich te bin ut'il ach'ix te mayuc mulil ta scuenta.

Efesios 1:14

Te Ch'ul Espíritu ha seña te quich'ojtic te ya yac' ta na'el te ya me x'a'botic quich'tic te bin halbil yu'un Dios, ha to c'alal ya sta yorahil ya xcol ta libre te mach'atic yu'un Dios, scuenta halbeyel yutsil sc'oblal.

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

1 Timoteo 4:3

Ya xcomawanic ta nuhpunel soc ya yalic mandar te ay we'elil te ma me swe'ic, te ha nix pasbil yu'un Dios te ya swe'ic ta scuenta halbeyel wocol Dios te mach'atic sch'uhunejic soc te sna'ojic te bin melele.

Hebreos 12:23

ta banti stsoboj sbahic te ba-nich'aniletic te ts'ihbabil sbihilic ta ch'ulchan. Nohpojemex ta stojol Dios, te Jchahpanwanej yu'un spisilic, ta stojol te espírituhetic yu'un te mach'atic toj bin la spasic te ts'acal pasotic ta toj,

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Apocalipsis 17:14

Ya me ya'beyic guerra te Jcolel Tuminchij, pero ya me xtsalotic yu'un, como ha principal yu'un principaletic soc ha Ajwalil yu'un ajwaliletic; soc te mach'atic sjoquinejic, ha'ic te mach'atic ic'bilic, tsahbilic soc te jun yo'tanic ta stojol, xchi.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Apocalipsis 21:23

Te muc'ul pueblo ma xtuhun yu'un te sts'anabul te c'ahc'al o te u, como ha sacuben q'uinal yu'un te yutsilal te Diose, soc ha jsacubtesej q'uinal te Jcolel Tuminchij.

Apocalipsis 3:4

Pero ay cha'oxtuhlic ta Sardis te ma ba ya'beyej yatin abac sc'u' spaq'uic, slapojic sac sc'u' spaq'uic a ya me sjoquinonic ta behel, como hich ya sc'an ta stojolic.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.