Apocalipsis 13:6 - Bible in Tzeltal Bachajón

⁶ La sjam ye yu'un ya sbohlc'optay Dios, soc yu'un ya sbohlc'optaybe te sbihil, te banti nahinem soc te mach'atic nahinemic ta ch'ulchan.

Nuevo Testamento Tzeltal de Amatenango

⁶ Y jich jajch skontrain te Diose, y la skontra-kꞌoptay Dios sok te templo yuꞌune y sok te machꞌatik te ayik ta chꞌulchane.

Bible in Tzeltal de Oxchuc y Tenejapa

⁶ Jich jajch' scontroc'optay te Diose, soc jajch' yixta-c'optaybey te sbiile soc te templo yu'une soc te mach'atic nainemic ta ch'ulchane.

Apocalipsis 13:6 ပူးပေါင်းရင်းမြစ်များ

Job 3:1

Ta patil a ini, hahch ta c'op te Job, la yalbe te bohloben sc'oblal te bin c'ahc'alil ayin.

Salmos 73:9

Ya scontrac'optayic ch'ulchan; soc stoybahilic ya xbehenic ta lumq'uinal.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Daniel 7:8

Te c'alal yacon ta snopbeyel sc'oblal te xulubiletic, loc' talel yan tut xulubil ta yohlilic, soc la yich' bulel oxch'ix xulubil ta stojol te nahil ayique. Te xulub ay sit hich te bin ut'il sit winic soc ay ye te yac yalbel toyba-c'op.

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

San Mateo 15:19

Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

Romanos 3:13

Ha jamal muquenal te yoq'uib; ya xlo'loywanic te yaq'uic. Ay svenenohil ti'awal chan ta sti'il yehic;

Colosenses 1:19

como hich la sc'an te Tatil te ha ya yich'be spisil te stalel,

Colosenses 2:9

Como te stalel te Dios ts'acal ya xnahin ta stojol Cristo, ta sbaq'uetal,

Hebreos 9:2

como hich chahpambil te Nahilpac' Templo: te sba-tsahlal, te Ch'ul Awilal sbihil, tey ay a te scajtajib c'ahc', te mesa soc te panetic ac'bilic ta stojol Dios.

Hebreos 9:24

Como te Cristo ma ba och bahel ta ch'ul awilal pasbil ta c'abal, te ha seña te smelelil ch'ul awilal, tey nix och bahel ta ch'ulchan, yu'un ya stehc'an sba ta stojol Dios ta jcuentatic.

Apocalipsis 11:12

Patil la ya'iyic ay mach'a tulan c'opoj ta ch'ulchan: La', mohanic tal li'i, xchi sc'oblalic. Hich q'uelel sit spisilic a te scontrahic, mohic bahel ta ch'ulchan ta tocal.

Apocalipsis 12:12

Ha yu'un tse'eluc me awo'tan, ha'at ch'ulchan, soc ha'ex te nahinemex tey a. ¡Pero ay me swocolic te mach'atic nahinemic ta bahlumilal soc ta mar! Como te pucuje, soc bayel yilimba cohemix tal ta atojolic, yu'un ya sna' te nopol ya xlaj ora yu'un, xchi.

Apocalipsis 15:5

Patil la jquil ta ch'ulchan te jahm te nahilpac' templo yu'un te testigo-c'op.

Apocalipsis 18:20

¡Tse'elucat me yu'un, ha'at ch'ulchan, soc ha'ex te ch'ultesbilex, jpuc-c'opex soc jalwanejex, como Dios la ya'be castigo ta acuentahic!

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Apocalipsis 4:4

Ta sjoyobal te muc'ul-huctajibal ay chaneb scha'winic (24) muc'ul huctajibaletic soc ay chaneb scha'winic (24) ta tuhl mamaletic huhcajtic tey a, slapojic sac sc'u' spaq'uic soc ay ta sjolic coronahetic pasbilic ta oro.

Apocalipsis 5:13

Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.

Apocalipsis 7:15

Ha yu'un te ayiquix ta stojol te smuc'ul-huctajib te Dios soc c'ahc'al ahc'abal ayic ta a'batinel ta templo yu'un. Te Mach'a hucul ta muc'ul huctajibal ya me smuc'ubtes te snahilpac' ta stojolic.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.