Apocalipsis 13:2 - Bible in Tzeltal Bachajón

² Te chambahlam te xiweltic sba la jquil sjel ta ti'awal c'an bo'olay choj, sjel ta yoc oso te yoc soc sjel ta ye choj te yehe. Te dragón la ya'be yich' yu'el, te smuc'ul-huctajib soc te tulan ya'tele.

Nuevo Testamento Tzeltal de Amatenango

² Te chanbalam to te lom xiꞌbentik sba te la kile, pajal sok yilel te jkojt leopardoe. Te yok skꞌabe jachik tutꞌil yok skꞌab oso, y te stiꞌe jachik tutꞌil stiꞌ choj. Te mukꞌul chan la yaꞌbe spoder y sok snaktajib y bayal yaꞌtel.

Bible in Tzeltal de Oxchuc y Tenejapa

² Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.

Apocalipsis 13:2 ပူးပေါင်းရင်းမြစ်များ

2 Reyes 2:24

Te Eliseo la sut sba, la yil soc la sc'ambe chopol c'oblalil ta scuenta sbihil Jehová. Ora loc' talel ta ha'mal cha'coht osohetic te la stuch'ticlanic cheb yoxwinic (42) ta tuhl queremetic.

Salmos 22:21

Coltayawon ta ye choj, coltayawon ta xulubic te ha'mal torohetique.

Proverbios 17:12

Ha lec xan yac ata aba soc me' oso te elc'ambil yalatac te bin ut'il yac ata aba soc te jsohquejol ta sohqueholal.

Proverbios 28:15

Pajal soc choj te ya x'awon soc oso te ay swi'nal, hich ay te mach'a chopol yo'tan te ya scuentahin te pueblo te pobre aye.

Isaías 5:29

Te sjahts' hich te bin ut'il yaw choj, ya x'awonic hich te bin ut'il jcolel choj; ya x'awonic soc ya stsac swe'elic, ya yich'ic bahel, mayuc mach'a ya xpojbot yu'un.

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Amós 3:12

Hich yaloj te Jehová: Hich te bin ut'il te jcanan-tuminchij ya spojbe loq'uel ta ye choj cheb yoc o sti'il schiquin, hich ya xcol te israeletic te nahinemic ta Samaria, te ya shuhcan sbahic ta sti'il swayib soc ta lequil huctajibal.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Habacuc 1:8

Te cawuhetic yu'unic c'ax hich ya x'ahnimajic a te bin ut'il c'an bo'olay choj, c'ax hich ya xti'awanic a te bin ut'il ha'mal ts'i'etic ta ahc'abal; ya x'ahnimajic bahel te jmoheletic ta cawu, namal ya xtalic, ya xwihlic talel hich te bin ut'il jxic te ora ya xwihl ta tsaquel.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Apocalipsis 12:13

C'alal la yil te dragón te ch'ojotix cohel ta bahlumilal, hahch snuts te ants te la yayintes te squerem-al.

Apocalipsis 12:15

Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 13:12

Ta stojol te nahil chambahlam te xiweltic sba ya stuhun spisil te tulan ya'tel yich'oje. Spisil te mach'atic nahinemic ta bahlumilal ha ya ya'be sch'uhuntayic te shahchibal chambahlam te xiweltic sba te c'ax te yehchen scuenta lajel.

Apocalipsis 13:4

La sch'uhuntayic te dragón te la ya'be yich' ya'tel te chambahlam te xiweltic sba, soc la sch'uhuntayic te chambahlam te xiweltic sba, hich la yalic: ¿Mach'a a te pajal soc te chambahlam te xiweltic sba, soc mach'a ya xhu' ya ya'be guerra? xchihic.

Apocalipsis 16:10

Te yo'ebal ch'ul a'bat la smal te sbahl te copa yu'un ta smuc'ul-huctajib te chambahlam te xiweltic sba, ihc'ub ban c'alal scuentahinej. Te ants-winiquetic la sti'ticlan yaq'uic yu'un sc'uxul te wocol

Apocalipsis 17:12

Te lajuneb xulubiletic te awiloj ha lajuntuhl ajwaliletic te ma to ba yich'oj ya'telic; pero ta junax ora pajal ya yich' ya'telic ta ajwalil soc te chambahlam te xiweltic sbahe.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 2:13

Ya jna' banti nahinemat, ta banti ay te shuctajib te Satanás. Pero stalel jun awo'tan ta jtojol, ma ba amucoj ta awo'tan te ach'uhunejon, ni ha'uc te c'alal laj ta awohlilic te Antipas te testigo cu'un te jun yo'tan ta jtojol, tey ta banti nahinem te Satanás.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.