Apocalipsis 13:16 - Bible in Tzeltal Bachajón

¹⁶ Soc ya yac'ticlan ta a'beyel marca ta swa'el-c'abic o ta sti'bahic spisil ants-winiquetic, muc' biq'uit, jc'uhlejetic, pobrehetic, te ayic ta mosohil o te ayic ta libre,

Nuevo Testamento Tzeltal de Amatenango

¹⁶ Sok la yal mantal te ya yakꞌtalanbe jun marka ta sbatsꞌil kꞌab o ta stiꞌsba ta spisilik, ta chꞌin ta mukꞌ, ta jkꞌulejetik y ta meꞌbaetik, ta libre aylan o ayik ta mosoil.

Bible in Tzeltal de Oxchuc y Tenejapa

¹⁶ Soc la yal te puersa me ya x'ac'bot yich'ic marca ta swa'el sc'abic o teme ta stibaic spisil ants-winiquetic manchuc teme muc' biq'uite, teme jc'uleje o teme ma'yuc bi ay yu'unique, teme ayic ta libre o teme ayic ta mosoile.

Apocalipsis 13:16 ပူးပေါင်းရင်းမြစ်များ

2 Crónicas 15:13

Soc mach'ayuc a te ma ba ya sle te Jehová te Dios yu'un Israel, muc' biq'uit, winic o ants, ya me xlajic.

Job 34:19

te pajal ay ta yo'tan te príncipaletic, te pajal c'ohem ta yo'tan te jc'ulej soc te pobre, como spisilic ha ya'tel sc'ab stuquel?

Salmos 115:13

ya me ya'be bendición te mach'atic ya yich'ic ta muc' te Jehová, muc' biq'uit.

Salmos 49:2

te mach'atic peq'uelic soc te ich'bilic ta muc', jc'ulej soc pobre.

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Zacarías 13:6

Teme hich ya xjoc'obot: ¿Bin yu'un ehchenajem ac'ab? teme xchihe, hich ya sjac': Ha te la jquich' ehchentesel ta sna te camigotac, xchihic.

Hechos 26:22

Pero Dios la scoltayon, hich cuxulon c'alal ora soc yacon ta yalel testigo-c'op ta stojol muc' biq'uitetic. Ma yanuc bintic ya cal te yalojic te jalwanejetic soc te Moisés te bin ya xc'oht ta pasel:

1 Corintios 12:13

Como ta scuenta junax Espíritu te junax baq'uet c'ohotic ta scuenta ich'-ha', teme ha judíohetic, griegohetic, mosohetic o mach'atic libre ayic; ta jpisiltic ac'ot cuch'tic junax Espíritu.

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

Gálatas 6:17

Ta ora ini soc ta patil, ma me ayuc mach'a ya yuts'inonix, como quich'oj ta jbaq'uetal te marcahetic yu'un Jesús.

Efesios 6:8

como ana'ojic te tuhlutuhl ya x'a'bot stojol sc'ab yu'un te Cajwaltic, ha chican te bin lec spasoj, teme ay ta mosohil o teme ay ta libre.

Deuteronomio 11:18

Ha yu'un ya me awac' ta awo'tanic soc ta ach'uhlelic te c'opetic cu'un ini, soc ya me achuc ta ac'abic soc ta ati'bahic scuenta sna'ojibal awu'unic.

Deuteronomio 6:8

Ya me achuc ta ac'ab soc ta ati'ba scuenta seña;

Colosenses 3:11

Tey mayuc griego o judío, teme yich'oj circuncisión o ma ba yich'oj circuncisión, bárbaro o jyanlum, moso o mach'a libre ay, ha nax ay sc'oblal stuquel te Cristo soc te ay ta co'tantic jpisiltic.

2 Timoteo 3:8

Hich te bin ut'il la scontrahinic Moisés te Janes soc te Jambres, ha nix hich ya scontrahinic te smelelil c'ope; ha winiquetic te chopol spensaric, mayuc sch'uhunel yo'tanic.

Apocalipsis 11:18

Ilin yo'tanic te nacionetic, pero hulemix te awilimba; ha yorahilix te ya x'ochic ta ich'el ta c'op te mach'atic chamenic, yorahilix te ya x'a'bot stojol sc'abic te a'batetic awu'un, ha te jalwanejetic, te mach'atic ch'uhltesbilic, te ya yich'ic ta muc' te abihile, muc' biq'uit, soc yorahilix te yac ajinticlan te mach'atic ya sjinic te bahlumilale, xchihic.

Apocalipsis 15:2

Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios

Apocalipsis 19:18

yu'un yac ati'beyic sbaq'uetal ajwaliletic, capitanetic soc mach'atic ay yipic, sbaq'uetal cawuhetic soc mach'atic cajajtic tey a, soc sbaq'uetal spisil ants-winiquetic, mosohetic soc mach'atic ayic ta libre, muc' biq'uit, xchi ta aw.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 19:5

Loc' tal c'op ta muc'ul-huctajibal te hich la yal: Halbeyahic yutsil sc'oblal te Dios cu'untic, apisilic te ayex ta a'batinel yu'un soc te axi'ojic, muc' biq'uit, xchi.

Apocalipsis 20:12

Soc la jquil te mach'atic chamenic, muc' biq'uitetic, tec'ajtic ta stojol te muc'ul-huctajibal. La yich' jamel te librohetic, soc ay yan libro la yich' jamel, ha te libro scuenta cuxlejal. La yich'ic ich'el ta c'op te mach'atic chamenic, ha chican te bintic ts'ihbalambil ta hunetic, ha chican bin la spasic.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 6:15

Te ajwaliletic te ayic ta bahlumilal, te mach'atic tulan ya'telic, te capitán soldadohetic, jc'uhlejetic, te mach'atic ich'bilic ta muc', spisil te mosohetic soc te mach'atic ayic ta libre, la snac' sbahic ta ch'entiquil soc ta sc'uhb tontiquil ta witsiltic,

Apocalipsis 7:3

hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.