Apocalipsis 13:14 - Bible in Tzeltal Bachajón

¹⁴ Ya slo'loylan mach'atic nahinemic ta bahlumilal ta scuenta te señahiletic ya x'a'bot spas ta stojol te chambahlam te xiweltic sba, ya spasticlan ta mandar te ya me spasbeyic sloc'ombahil te chambahlam te xiweltic sba te ehchentesot ta espada pero cuxaj.

Nuevo Testamento Tzeltal de Amatenango

¹⁴ Y ta skuenta te tutꞌil ay señaetike te jich ya xꞌaꞌbot spas ta stojol te primero chanbalam te xiꞌbentik sbae, la sloꞌlay te machꞌatik aylan ta balmilale. Sok la spastalan ta mantal te ya spasbeyik jun slokꞌol te chanbalam te xiꞌbentik sbae te la yichꞌ ejchꞌentesel ta puñal te ma ba cham yuꞌune.

Bible in Tzeltal de Oxchuc y Tenejapa

¹⁴ Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 13:14 ပူးပေါင်းရင်းမြစ်များ

2 Reyes 20:7

La yal xan te Isaías: Ich'ahic tal juch'bil higohetic, xchi. Hich la spasic, la ya'beyic ta banti c'a'em, hich lecub.

2 Reyes 22:20

Ha yu'un ya cac' te yac ajoquin te chawinic ame'atat, lamal q'uinal yac awich' muquel; ma ba yac awil junuc te wocol ya cac' ta stojol te lugar ini, xchi. Hich la yalbeyic ya'iy te ajwalil te suhtib te c'ope.

2 Crónicas 18:21

La yal te espíritu: Ya xloc'on bahel, ho'on espíritu yu'un lot ya xc'ohon ta yehic te jalwanejetique, xchi. La yal te Jehová: Ha'at ya xhu' awu'un yac alo'loy. Bahan, hich me xapas, xchi.

Job 12:16

Ha yu'un te yu'el soc p'ijil-o'tanil; ha nix scuentahinej te mach'a lo'loybil soc te jlo'loywanej.

Éxodo 7:11

Ha yu'un te faraón la yic' tal te p'ijil winiquetic soc te j'ac'-chameletic, hich nix la spasic te j'ilojeletic yu'un Egipto ta scuenta sc'oblaltesel yu'unic:

Isaías 44:20

Ya swe' stanul c'ahc', ya xhowiytesot yu'un te yo'tan te ya xlo'loywan; ma xhu' ya scoltay sba soc ma ba ya yal: ¿Ma bal ha'uc lotil te bin ay ta jwa'el-c'ab? ma xchihuc.

Ezequiel 14:9

Teme ay jalwanej te ya xlo'loyot soc ay bin ya yal, ho'on Jehovahon la jlo'loy te jalwaneje. Ya jach jc'ab ta scontrahinel soc ya jlajin ta yohlil te pueblo Israel cu'une.

Ezequiel 16:17

Soc la awich' te t'ujbil ch'ahlelaletic pasticlambil ta oro soc ta plata te ho'on la jca'bate, la apasbe sloc'ombahil winiquetic a soc la awac' aba ta antsinel soc.

Ezequiel 8:10

Ha yu'un ochon bahel, la jquil ta bayuc ta ts'ahc bombil ta lop'tayel spisil ta chahp te chambahlametic staslajan ya xbehenic ta lum soc yantic chambahlametic te bohloben sc'oblalic, soc spisil ta chahp te loc'ombahetic yu'un te sna Israel.

Daniel 11:36

Te ajwalil ya me spas te bin ya sc'an yo'tan. Ya me stoy sba soc toyol ya yac' sba yu'un spisil diosetic, soc ay bintic c'ax chopol ya yal ta stojol te Dios yu'un te diosetique. Lec ya xc'oht ha to c'alal ts'acal ya xc'oht te yorahil ilimba, como ya me xc'oht ta pasel te bin chapale.

2 Tesalonicenses 2:4

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 13:1

La jtehc'an jba ta shi'al ti'mar, la jquil loc' tal ta mar jcoht chambahlam te xiweltic sba te ay huqueb sjol soc lajunch'ix xulub. Yahtalal scorona te jujuch'ix xulub, soc ta jujun sjol ay sbihil te ya xbohlc'optaywan.

Apocalipsis 13:15

A'bot te ya ya'be yich' ic' te sloc'ombahil te chambahlam te xiweltic sba, scuenta yu'un ya xhu' ya xc'opoj te loc'omba soc ya yac'ticlan ta milel spisil te mach'atic ma ba ya xch'uhuntayot yu'une.

Apocalipsis 13:8

Spisil mach'atic nahinemic ta bahlumilal la sch'uhuntayic, spisil te mach'atic ma ba ts'ihbabil sbihilic te ma to ba pasbil a te bahlumilal ta libro scuenta cuxlejal yu'un te Jcolel Tuminchij te yich'oj milel.

Apocalipsis 14:11

Sbahtel q'uinal xtomomet ya xmo sch'ahilel te swocolique. Ma ba ya scux yo'tanic c'ahc'al ahc'abal te mach'atic ya sch'uhuntayic te chambahlam te xiweltic sba soc te sloc'ombahil, soc te ya yich'be te marca yu'un te sbihile, xchi.

Apocalipsis 14:9

Tap'al tal ta spatic te yoxebal ch'ul a'bat te hich la yal ta tulan: Teme ay mach'a ya sch'uhuntay te chambahlam te xiweltic sba soc te sloc'ombahil, soc te ya yich'be smarca ta sti'ba o ta sc'ab,

Apocalipsis 15:2

Soc la jquil jun mar sjel ta cristal capal soc c'ahc', soc tec'ajtic ta ti'mar te sjel ta cristal te mach'atic hu'em yu'unic stsalel te chambahlam te xiweltic sba soc te sloc'ombahil soc te snumerohil te sbihile. Yich'ojic arpahetic te a'botic yu'un Dios

Apocalipsis 16:13

La jquil loc' ta ye te dragón, ta ye te chambahlam te xiweltic sba soc ta ye te lotil jalwanej oxeb bohl pucujetic, sjelic ta xch'uch'.

Apocalipsis 16:2

Hich baht te primer ch'ul a'bat, la smal ta lumq'uinal te sbahl te copa yu'un, chicnaj chacaletic te chopol soc c'ux ta stojol te mach'atic yich'ojic te marca yu'un te chambahlam te xiweltic sba soc te la sch'uhuntayic te sloc'ombahile.

Apocalipsis 18:23

Mayuquix tsumbil c'ahc' ta awohlil, soc ma ba ya x'a'iybotix sc'op jnuhpuneletic ta awohlil; te jchombajeletic awu'un ha'ic te ich'bilic ta muc' ta bahlumilal ta nahilal, soc ta scuenta te ilojel awu'un lajic ta lo'loyel spisil te nacionetique.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.