Apocalipsis 13:13 - Bible in Tzeltal Bachajón

¹³ Soc ya spas muc'ul señahiletic, ya yac' cohuc tal c'ahc' ta ch'ulchan q'uelel sit ants-winiquetic a.

Nuevo Testamento Tzeltal de Amatenango

¹³ Sok ya spas mukꞌul señailetik milagroetik, asta ta sit te gentee ya xtꞌuxan ta koel kꞌajkꞌ ta chꞌulchan ya xjul ta balmilal.

Bible in Tzeltal de Oxchuc y Tenejapa

¹³ Soc la yac' ta ilel bayal ta jchajp smuc'ul seña yu'el, la yac' ch'ayuc tel c'ajc' ta ch'ulchan ta stojolic te mach'atic nainemic ta balumilale.

Apocalipsis 13:13 ပူးပေါင်းရင်းမြစ်များ

1 Reyes 18:38

Hich co tal c'ahc' ta stojol Jehová, la schic' te mahtanil, te si', te tonetic, ts'ubil lum soc la slajin te ha' ay ta sch'acomal.

Éxodo 7:22

Pero te j'ilojeletic ta Egipto hich nix la spasic ta scuenta te sc'oblaltesel yu'unic. Ha yu'un tulanub yo'tan te faraón, ma ba la ya'iybe sc'opic, hich te bin ut'il la yal te Jehová.

Éxodo 8:7

Pero te j'ilojeletic hich nix la spasic ta scuenta te sc'oblaltesel yu'unic; la yaq'uic tal xch'uch'etic ta sq'uinal Egipto.

Éxodo 9:11

Te j'ilojeletic ma ba hu' yu'unic ya xhilic xan ta stojol Moisés ta scaj te tsacotic ta chacaletic soc spisil te egipciohetique.

Números 16:35

Soc loc' tal c'ahc' ta stojol Jehová, la smil te lajuneb yoxlajunwinic (250) ta tuhl winiquetic te la yaq'uic te pome.

San Mateo 16:1

Talic fariseohetic soc saduceohetic yu'un ya stsajic te Jesús. La sc'ambeyic te yacuc x'a'bot yilic seña talem ta ch'ulchan.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Marcos 13:22

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

2 Timoteo 3:8

Hich te bin ut'il la scontrahinic Moisés te Janes soc te Jambres, ha nix hich ya scontrahinic te smelelil c'ope; ha winiquetic te chopol spensaric, mayuc sch'uhunel yo'tanic.

Apocalipsis 11:5

Teme ay mach'a ya sc'an ya yuts'inlan, ya xloc' c'ahc' ta yehic, hich ya slajinic a te scontrahique. Hich me ya xlaj a te mach'a ya sc'an ya yuts'inlan.

Apocalipsis 16:14

Ha'ic espírituhetic yu'un pucujetic te ya spasic señahiletic soc ya xbahtic ta stojol te ajwaliletic te ayic ta swohlol bahlumilal yu'un ya stsobic ta guerra ta yorahil te muc' sc'ahc'alel yu'un Dios te spisil ya xhu' yu'une.

Apocalipsis 19:20

La yich' tsaquel te chambahlam te xiweltic sba soc te lotil jalwanej te la yac'ticlan ta ilel señahiletic ta stojol, te ha la slo'loylan a te mach'atic la yich'beyic te marca yu'un te chambahlam te xiweltic sba soc te la sch'uhuntayic te sloc'ombahil. Schebalic cuxul a la yich'ic ch'ojel ochel ta pamal c'ahc' te yac ta tihlel soc azufre.

Apocalipsis 20:9

Hahchic tal ta sjamalil te bahlumilal soc la sjoytayic te campamento yu'un te mach'atic ch'uhltesbilic soc te muc'ul pueblo te c'ux ta yo'tan Dios. Pero tal c'ahc' ta ch'ulchan, jc'axel la slajinlan.