Apocalipsis 12:10 - Bible in Tzeltal Bachajón

¹⁰ Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

Nuevo Testamento Tzeltal de Amatenango

¹⁰ Jich a kaꞌiy jun tulan kꞌop ta chꞌulchan, te ya yale: “Te ora to la staix yorail kolel yuꞌun te Kajwaltik Diose. Ay spoder y jaꞌ ayix ta ajwalil, y sok ayix yaꞌtel te Cristo yuꞌune. Porke la yichꞌix chꞌojel lokꞌel te machꞌa ya sleulanbe smul te kermanotaktike ta stojol Dios kuꞌuntik ta kꞌajkꞌal ajkꞌubal.

Bible in Tzeltal de Oxchuc y Tenejapa

¹⁰ Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Apocalipsis 12:10 ပူးပေါင်းရင်းမြစ်များ

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Job 1:11

Pero te yacuc ahach ac'ab yo'tic ta spojbeyel spisil te bintic ay yu'une, ya me awil teme ma ba ya sbohlc'optayat ta atojol, xchi.

Job 1:9

Te Satanás la sjac'be sc'op te Jehová: ¿Yu'un bal tojol yich'oj ta muc' Dios te Job?

Job 2:5

Pero hacha ac'ab yo'tic, ehchantesbeya sbaquel soc sbaq'uetal, ya me awil teme ma ba ya sbohlc'optayat ta atojol, xchi.

Salmos 22:28

como ha yu'un Jehová te ya xcuentahinwan, ha ya spas ta mandar spisil te nacionetique.

Salmos 45:6

Te amuc'ul-huctajib, Dios cu'un, spisil ora soc sbahtel q'uinal ay; te bastón yu'un ban c'alal cuentahimbil awu'un, ha bastón yu'un te bin stojil ta pasele.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

San Mateo 26:64

La sjac' te Jesús: Ha'at nix la awal. Soc ya calbeyex te ta patil ya me awilic te Nich'anil ay ta scuenta winic hucul ta swa'el-c'ab te Dios te ay yu'el soc yac ta talel ta stocalil ch'ulchan, xchi.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Mateo 6:10

Ac'a taluc te cuentahinel awu'un; ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Lucas 11:2

Hich halbotic yu'un te Jesús: Te c'alal yac ac'oponic te Diose, hich me xawalic: Jtatic te ayat ta ch'ulchan, ac'a ich'ec ta muc' ach'ul bihil. Ac'a taluc te cuentahinel awu'un. Ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Lucas 22:31

Soc la yal xan te Cajwaltic: Simón, Simón, la sc'anexix te Satanás yu'un ya yic'ayex hich te bin ut'il trigo;

1 Corintios 5:4

C'alal atsoboj abahic ta scuenta sbihil Cajwaltic Jesucristo soc tey ay a te espíritu cu'un, ta scuenta yu'el te Cajwaltic Jesucristo,

2 Corintios 12:9

Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

Tito 2:3

Ha nix hich te me'eletic ya sc'an te ya x'ich'awanic ta cuenta bin ut'il ya x'ayinic ta q'uinal, te ma xlehawanic ta c'op soc ma ba mosohimbilic yu'un vino, ha ya yaq'uic ta nopel te bin leque.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 2:26

Te mach'a ya ya'iy tsalaw soc te ya ya'telin spasel te ca'tel c'alal ta slajibal, ya ca'be yich' ya'tel ta stojol te nacionetic;

Apocalipsis 7:10

Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.