Apocalipsis 11:3 - Bible in Tzeltal Bachajón

³ Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Nuevo Testamento Tzeltal de Amatenango

³ Y joꞌon ya jtikon bael cheb testigoetik sok skꞌuꞌ-spakꞌik te ay xchꞌixale te ya xkꞌopojik mil dosientos sesenta kꞌaal ta joꞌon jkuenta.

Bible in Tzeltal de Oxchuc y Tenejapa

³ Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

Apocalipsis 11:3 ပူးပေါင်းရင်းမြစ်များ

Génesis 37:34

Hich te Jacob la sch'i' sc'u', la slap ch'ixal pac', bayel c'ahc'al la yoq'uetay te snich'ane.

2 Samuel 3:31

Ha yu'un te David hich la yalbe te Joab soc spisil te mach'atic sjoquinej: Ch'i'a ac'u'ic soc lapahic pac' yu'un mel-o'tan, oq'uetayahic te Abner, xchi. Te ajwalil David baht at spat te schahchamte'el

1 Reyes 21:27

C'alal hich la ya'iy te Acab, la sch'i' sc'u' yu'un, la slap ch'ixal pac' soc la scom swe'el. Way ta ch'ixal pac' soc pehc'aj yu'un.

2 Reyes 19:1

C'alal hich la ya'iy te ajwalil Ezequías, la sch'i' sc'u' yu'un, la slap ch'ixal pac', och bahel ta sna Jehová.

1 Crónicas 21:16

Te David la yil te ch'ul a'bat yu'un Jehová te ay ta po'tal ch'ulchan, stsacoj espada ta sc'ab, shachoj ta stojol Jerusalén. Ha yu'un te David soc te mamaletic la snijan sbahic c'alal ta lum, slapojic ch'ixal pac' a.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Job 16:15

La jts'is ch'ixal pac' ta sba jnuhculel, la jcac' jol ta ts'u'lum.

Salmos 69:11

teme ya jlap pac' scuenta mel-o'tan, ho'on j'ac'-tse'ejon yu'unic ya xc'ohon.

Isaías 22:12

Ha yu'un te Jehová te scuentahinej spisil, ta hich ora la yiq'uex yu'un ya x'oq'uex soc yac amel awo'tanic, yu'un yac aloq'uesic stsotsel ajolic soc yac alapic ch'ixal pac'.

Jeremías 1:10

Ilawil, yo'tic ya ca'bat awa'tel ta stojol nacionetic soc ta banti ya xcuentahinwan ajwaliletic, yu'un yac abul loq'uel soc yac ajin cohel, yu'un yac alajin soc yac atuhquiy, yu'un yac apas soc yac ats'un, xchi.

Lamentaciones 2:10

Te mamaletic yu'un te yantsil-nich'an Sión ya shuhcan sbahic ta lum soc ma ba ya xc'opojic; ya yaq'uic tan ta sjolic soc ya slapic pac' yu'un mel-o'tan. Te ach'ixetic yu'un Jerusalén ya snijan sbahic c'alal ta lum.

Ezequiel 4:6

Te c'alal ya sts'acay awu'un, ya me acha'ts'ehan xan aba ta wa'el, ya me awich'be smul te sna Judá cha'winic (40) c'ahc'al, jujun c'ahc'al scuenta jujun ha'bil.

Daniel 12:7

Te winic sc'u'inej lino pac', te ay ta sba te muc'ul-ha', la shach mohel ta stojol ch'ulchan te swa'el-c'ab soc te sq'uexam-c'ab, la jca'iy te la yal ta jamal ta scuenta te mach'a cuxul sbahtel q'uinal, te ya xhalaj jun tiempo, cheb tiempo soc ohlil tiembo. Ha ya xc'oht ta pasel spisil ini te c'alal ya xquehchaj ta lajimbeyel yip te ch'ul pueblo, xchi.

Daniel 7:25

Ya scontrac'optay te Mach'a mero toyol ay, ya me yuts'inlan te mach'atic ch'uhltesbilic te ha yu'unic te Mach'a mero toyol ay, soc ya snop te ya sjeltay te tiempohetic soc te Ley; te mach'atic ch'uhltesbilic ya x'a'botic ta sc'ab jun tiempo, cheb tiempo soc ohlil tiempo.

Daniel 8:14

Hich la yal: Ha to c'alal ts'acal ho'lajunwinic swacbahc' (2,300) tibiltic soc sahb; patil ya yich' lecubtesel te ch'ul awilal, xchi.

Joel 1:13

Lapahic pac' yu'un mel-o'tan, oc'anic, sacerdotehetic, ahcanajanic, ha'ex te ya x'a'tejex ta scajtajib ta chiq'uel mahtanil; la'ic, wayanic ta pac' yu'un mel-o'tan, ha'ex te ya x'a'tejex ta stojol te Dios cu'une; como loq'uemiquix ta sna te Dios cu'untic te mahtanil harina soc te malbil mahtanil.

Jonás 3:5

Te ants-winiquetic yu'un Nínive la sch'uhunic te Diose, la yalic mandar te ya scom swe'elic soc la slapic pac' scuenta mel-o'tan, muc' biq'uitetic.

Jonás 3:8

Ac'a smuc sbahic ta pac' scuenta mel-o'tan, ants-winiquetic soc chambahlametic, soc ac'a yawtayic te Dios ta spisil yip yo'tanic. Jujutuhl ac'a yihquitayic hilel te chopol be yu'un soc te uts'inel ya spasique.

Números 11:26

Ay cheb winiquetic te hilic ta campamento, Eldad sbihil te jtuhle soc Medad te yane, ha nix hich hul ta stojolic te espíritu. Ha nix te mach'atic tsahbilic, pero ma ba bahtic ta Nahilpac' Templo. Hahchic ta c'op scuenta jalwanej tey ta campamento.

San Mateo 11:21

¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

San Mateo 18:16

Pero teme ma ba ya ya'iybat te ac'ope, ic'a bahel cha'oxtuhl yantic scuenta yu'un ha testigo ya xc'ohtic yu'un te jayp'ahl c'op yac awalbe abahic.

San Lucas 10:13

¡Ay me awocol, Corazín! ¡Ay me awocol, Betsaida! Te teyuc la yich' pasel ta Tiro soc ta Sidón te jaychahp a'teliletic la yich'ticlan pasel ta atojolic, nameyix la suhtes yo'tan yu'un smulic, la slapiquix ch'ixal pac' scuenta mel-o'tan soc la yatiniquix stanul c'ahc' te hichuque.

San Lucas 24:48

Ha'ex testigohex yu'un te bin c'ohtix ta pasel.

San Juan 15:27

Ha nix hichex yac awalbonic jc'oblal, como ajoquinejonic c'alal ta shahchibal.

San Juan 3:27

La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Hechos 13:31

Bayel c'ahc'al la yac' sba ta ilel ta stojol mach'atic pajal loq'uic ta Galilea te bahtic ta Jerusalén soc, te yo'tic ha testigohetic c'ohtic yu'un ta stojol te pueblo.

Hechos 2:32

Ha te Jesús te cha'cuxajtesot yu'un Dios, jpisilcotic testigohotic yu'un.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

1 Corintios 12:28

Ta iglesia, Dios la yac' nahil jpuc-c'opetic, schebal jalwanejetic, yoxebal jp'ijubteswanejetic, patil te mach'atic ya spasic jchahp a'teliletic, patil te mach'atic ya slahmajtes jchameletic, mach'atic ya xcoltaywanic, mach'atic ya xcuentahinwanic, mach'atic ay smahtan ya xc'opojic ta yan c'opiletic.

2 Corintios 13:1

Yoxebalix buelta a te ya xtal quilex. Ta scuenta cheb oxeb testigo ya yich' chahpanel spisil bintic ya sc'an chahpanel.

Efesios 4:11

Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,

Deuteronomio 17:6

Ta scuenta sc'op cheb o ta sc'op oxeb testigohetic ya xlaj te mach'a ya sc'an ya yich' milele; ma ba ya yich' milel ta scuenta sc'op jtuhl nax testigo.

Deuteronomio 19:15

Ma me x'ich'ot ta cuenta te bin ya yal jtuhl nax testigo ta scontrahinel yan te stahoj biluc falta o biluc mulil. Ha nax ta scuenta cha'tuhl u oxtuhl testigohetic te ya x'ich'ot ta cuenta bin ya yalique.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

Apocalipsis 11:2

Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

Apocalipsis 11:6

Te cheb testigohetic ini ay yu'elic yu'un ya smaquic te ch'ulchan scuenta yu'un ma xtal ha'al te jayeb c'ahc'al yacalic ta yalel te sc'op-jalwanej; soc ay yu'elic yu'un sc'atp'unel ta ch'ich' te ha'etic, soc yu'un ya yac' spisil ta chahp jlajinwanej ta bahlumilal, ha chican jayeb buelta ya sc'anic.

Apocalipsis 12:6

Te ants ahn bahel ta jochol taquin q'uinal ta banti chahpambil yawil yu'un Dios, yu'un tey ya yich' mac'linel oxbahc' soc oxwinic (1,260) c'ahc'al a.

Apocalipsis 13:5

Te chambahlam te xiweltic sba a'bot ye yu'un ya yal toyba-c'op soc bohlc'op, soc a'bot yich' ya'tel cheb yoxwinic (42) u.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.