Apocalipsis 11:12 - Bible in Tzeltal Bachajón

¹² Patil la ya'iyic ay mach'a tulan c'opoj ta ch'ulchan: La', mohanic tal li'i, xchi sc'oblalic. Hich q'uelel sit spisilic a te scontrahic, mohic bahel ta ch'ulchan ta tocal.

Nuevo Testamento Tzeltal de Amatenango

¹² Jich te cheb testigoetike ya me yaꞌiyik jun tulan kꞌop ta chꞌulchan te jicha altalanbot yuꞌune: “¡Moanik tal liye!” xchi. Jich ya xmoik bael ta chꞌulchan sok tokal y te skontraike ya me yilik.

Bible in Tzeltal de Oxchuc y Tenejapa

¹² Te cheb testigoetique la yaiyic stojol te ay mach'a tulan c'opoj tel ta ch'ulchan te jich albotic yu'une: “Moanic tel li'to”, xi' sc'oplalic. Jich potsolic moel ta tocal c'alal ta ch'ulchan ta sit te yajcontroique.

Apocalipsis 11:12 ပူးပေါင်းရင်းမြစ်များ

2 Reyes 2:1

C'alal c'oht yorahil yu'un Jehová te ya yic' bahel ta ch'ulchan te Elías ta sutu-ic', te Elías soc Eliseo loq'uic bahel ta Gilgal.

2 Reyes 2:11

Te c'alal yacalic ta bahel soc te yacalic ta c'op a, repente nax chicnaj c'ahc' te hich yilel bin ut'il carreta, soc c'ahc' te hich yilel bin ut'il cawuhetic, te la ya'be spit sbahic. Hich mo bahel ta ch'ulchan te Elías ta sutu-ic'.

2 Reyes 2:5

Te jchahp jalwanejetic te ayic ta Jericó, loq'uic ta stahel te Eliseo, hich la yalbeyic: ¿Ana'oj bal te yo'tic ya x'ic'otix bahel yu'un Jehová te maestro awu'une? xchihic. Hich, jna'ojix, pero ma me ayuc bin xawalic te ha'exe, xchi te Eliseo.

2 Reyes 2:7

Lajuneb yoxwinic (50) jalwanejetic namal la stehc'an sbahic ta stojolic te c'alal schebalic la stehc'an sbahic ta sti'il Jordán.

Salmos 112:10

Te mach'a chopol yo'tan ya me yil soc ya me xc'ahc'ub yo'tan yu'un; ya sc'uxticlan ye, ya xlaj bahel; te bin ya sc'an yo'tan te mach'atic chopol yo'tanic, ya xch'ay bahel.

Salmos 15:1

Jehová, ¿mach'a ya xhu' ya xnahin ta ch'ul Templo awu'un? ¿Mach'a ya xhu' ya xnahin ta ch'ul wits awu'un?

Salmos 24:3

¿Mach'a ya xhu' ya xmo bahel ta wits yu'un Jehová? ¿Mach'a ya xhu' ya stehc'an sba ta ch'ul awilal yu'un?

Salmos 86:17

A'bon quil seña te lec awo'tan ta jtojol, scuenta yu'un te mach'atic ya sp'ajonic ya me yilic soc ya xq'uexawic yu'un, como ha'at, Jehová, la acoltayon soc la awa'bon smuc'ul co'tan.

Éxodo 14:25

soc la sloq'uesbe yoc te carretahetic yu'unic, hich wocol behenic bahel. Ha yu'un hich la yalic te egipciohetic: Ahnucotic suhtel ta stojol te Israel, como te Jehová ya ya'be querra te egipciohetic ta scuentahic, xchihic.

Isaías 14:13

Hich la awal ta awo'tan: Ya xmohon bahel ta ch'ulchan, ya cac' juctajib ta sba te eq'uetic yu'un Dios; ya juhcan jba ta wits yu'un tsoblej, ta stojol norte;

Isaías 40:31

pero te mach'atic ya smuc'ulin yo'tanic te Jehová ya me sta xan yipic, ya xwihlic mohel ta xiq'uic hich te bin ut'il muc'ul jxiquetic; ya x'ahnimajic, ma ba ya xluhbic, ya xbehenic, ma ba ya xlaj yipic.

Isaías 60:8

¿Mach'atic a ini te ya xwihlic bahel hich te bin ut'il tocal, hich te bin ut'il stsuhmutetic ta snahique?

Malaquías 3:18

Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

San Lucas 16:23

Ta stsobojibal mach'atic chamenic, te banti ay ta wocol, la shach sit, la yil namal ay te Abraham soc te ay ta sts'el te Lázaro.

Hechos 1:9

C'alal laj yalbel a, q'uelel sitic a ic'ot mohel, potsot ta tocal, ch'ay ta sitic.

1 Tesalonicenses 4:17

Patil te ho'otic te cuxulotic, te hilemotic, pajal ya x'ic'ototic mohel soc ta tocal yu'un ya jta jbahtic soc te Cajwaltic ta ic' ta toyol; hich sbahtel q'uinal ya joquintic te Cajwaltique.

Apocalipsis 12:5

Ayin squerem-al te antse, ha te mach'a tulan ya xpasawan ta mandar spisil ta chahp nacionetic ta sbaston-taq'uin. Te yal te antse toj ic'ot mohel ta stojol Dios soc ta stojol te smuc'ul-huctajib.

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.