Apocalipsis 10:5 - Bible in Tzeltal Bachajón

⁵ Te ch'ul a'bat te la jquil te jun yoc stec'oj mar soc jun yoc stec'oj q'uinal la stoy mohel sc'ab ta ch'ulchan,

Nuevo Testamento Tzeltal de Amatenango

⁵ Jich te ángel te la kil te tekꞌel ta sba te mare y sok ta lume, la stoy moel ta chꞌulchan te sbatsꞌil kꞌabe.

Bible in Tzeltal de Oxchuc y Tenejapa

⁵ Te ch'ul abat te teq'uel la quil ta mar soc ta lum q'uinale, la stoy moel swa'el sc'ab ta ch'ulchan.

Apocalipsis 10:5 ပူးပေါင်းရင်းမြစ်များ

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

Salmos 146:5

Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Ezequiel 20:23

Soc la jach jc'ab ta jochol taquin q'uinal, la jcalbe ta jamal te ya jpucticlan bahel ta yohlil te nacionetic soc ta yohlil te q'uinaletic,

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 20:42

Ya me ana'ic ta ho'on Jehovahon te c'alal ya caq'uex ochel ta sq'uinal Israel, te q'uinal te la jach jc'ab yu'un soc la jcal ta jamal te ya ca'be te ame'atatique.

Ezequiel 20:5

hich xawalbe: Hich yaloj te Jehová, te Ajwalil: Te bin ora la jtsa te Israel, la jach jc'ab yu'un ay bin la jcal ta jamal ta stojol te sts'umbal te sna Jacob, te c'alal la jcac' jba ta na'el ta stojolic ta Egipto. La jach jc'ab, hich la jcal ta jamal ta stojolic: Ho'on Jehovahon, Dioson awu'unic.

Ezequiel 36:7

Ha yu'un, hich yaloj te Jehová, te Ajwalil: Jachoj jc'ab, caloj ta jamal te bin ut'il te nacionetic te ayic ta ajoyobal ya me yich'ic q'uexlaltesel.

Ezequiel 47:14

Pajal ya me apucticlanic; ha yu'un te la jach jc'ab soc la jcal ta jamal te ya ca'be te ame'atatic; ha yu'un ha te q'uinal ini te yac awich'ic hilel.

Daniel 12:7

Te winic sc'u'inej lino pac', te ay ta sba te muc'ul-ha', la shach mohel ta stojol ch'ulchan te swa'el-c'ab soc te sq'uexam-c'ab, la jca'iy te la yal ta jamal ta scuenta te mach'a cuxul sbahtel q'uinal, te ya xhalaj jun tiempo, cheb tiempo soc ohlil tiembo. Ha ya xc'oht ta pasel spisil ini te c'alal ya xquehchaj ta lajimbeyel yip te ch'ul pueblo, xchi.

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Hechos 17:23

Como te c'alal c'axon bahel ta yilel banti ya yich' ch'uhunel te diosetic awu'unic, la jta jun scajtajib ta chiq'uel mahtanil ta banti hich ts'ihbabil: TE DIOS MA NA'BILUC SBA, te xchihe. Te bin yac ach'uhunic te ma xana'beyic sba, ha te ya calbeyex sc'oblale.

Romanos 1:20

Como ta shahchel to bahlumilal, te bintic ay yu'un Dios te ma chicanuc ta ilel, ha te yu'el te sbahtel q'uinal ay soc te bin ut'il stalel Dios stuquel, jamal chican ta ilel ta scuenta te bintic spasoj, hich ma xweht bin ya smac sbahic ta c'op a.

Deuteronomio 32:40

Como ya jtoy mohel jc'ab ta ch'ulchan soc ya cal ta jamal: ¡Jtalel cuxulon sbahtel q'uinal!

Hebreos 6:13

Como te Dios, c'alal la yalbe te Abraham te ay bin ya ya'be, te bin ut'il mayuc yan mach'a toyol xan ay te ya yal ta jamal ta scuenta, la yal sba ta jamal ta scuenta stuquel, te hich la yal:

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Apocalipsis 10:2

Ay tut libro jamal slechoj ta sc'ab; la stec' te mar ta swa'el-oc soc la stec' te q'uinal ta sq'uexam-oc,

Apocalipsis 14:7

Hich tulan yac ta yalel: Xi'ahic me te Diose soc halbeyahic yutsil sc'oblal, como la stahix yorahil te ya x'ich'awan ta c'op. Ch'uhuntayahic te mach'a la spas te ch'ulchan soc bahlumilal, te mar soc te sloq'uib ha'etic, xchi.

Apocalipsis 16:17

Te shuquebal ch'ul a'bat la smal ta ic' te sbahl te copa yu'un, loc' tulan c'op ta templo, ta stojol te muc'ul-huctajibal, hich la yal: Hu'ix, xchi.

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

Apocalipsis 4:9

Te jujun buelta te ya yalbeyic yutsil sc'oblal, te ya yich'ic ta muc' soc te ya yalbeyic wocol te Mach'a hucul ta smuc'ul-huctajib soc te stalel cuxul sbahtel q'uinal,