Apocalipsis 10:3 - Bible in Tzeltal Bachajón

³ tulan awon hich te bin ut'il choj. C'alal tulan awon, t'ohm talel huqueb chahwuc.

Nuevo Testamento Tzeltal de Amatenango

³ Tulan a kꞌopoj, jachik tutꞌil ya xꞌawun jkojt choj, y te kꞌalal xꞌawete, jukeb xpumlajan bael ta sjoylejal a kaꞌiy te skꞌope.

Bible in Tzeltal de Oxchuc y Tenejapa

³ Tulan awun ta c'op jich bit'il ya x'awun te león-choje. Te c'alal awune, ay juqueb chawuc te awunic ta sjac'bel te sc'ope.

Apocalipsis 10:3 ပူးပေါင်းရင်းမြစ်များ

Salmos 29:3

Te sc'op Jehová ay ta sba te ha'etique. ¡Te Dios te ay yutsilal ya st'omtes sc'op, te Jehová ya st'omtes sc'op ta sba bayel ha'etic!

Proverbios 19:12

Te yilimba te ajwalil hich ay te bin ut'il yaw choj, yan te yutsil yo'tan, hich ay te bin ut'il ts'ujul ta aquiltic.

Isaías 31:4

Hich la yalbon te Jehová: Hich te bin ut'il choj o tut choj te ya x'awon yu'un te bin stsacoj, ma ba ya xi' te sc'opic tsobol jcanan-tuminchijetic te ya stsob sbahic ta scontrahinel, ma ba ya xnihc yo'tan yu'un, hich te Jehová te scuentahinej spisil ya xco tal ta yaq'uel guerra ta wits Sión soc ta tsehl yu'un.

Isaías 42:13

Te Jehová ya xloc' tal hich te bin ut'il soldado, hich te bin ut'il jtuhl winic yu'un guerra ya shachbe xut'et yo'tan; ya stoy sc'op, ya x'awon yu'un guerra, ya stsal te scontrataque.

Isaías 5:29

Te sjahts' hich te bin ut'il yaw choj, ya x'awonic hich te bin ut'il jcolel choj; ya x'awonic soc ya stsac swe'elic, ya yich'ic bahel, mayuc mach'a ya xpojbot yu'un.

Jeremías 25:30

Ha'at, Jeremías, halbeya spisil te c'opetic ini: Te Jehová xnilet ya xc'opoj c'alal ta toyol, c'alal ta ch'ul awilal yu'un ya xc'opoj tal. Tulan xnilet ya xc'opoj ta scontrahinel te jtsohb tuminchijetic yu'une, ya me x'awon hich te bin ut'il mach'atic ya sp'e'ic ta teq'uel ts'usub, ta scontrahinel spisil mach'atic nahinemic ta q'uinal.

Ezequiel 10:5

Te sc'op te xiq'uic te querubinetic chican c'alal ta shahchibal amac', hich te bin ut'il sc'op te Dios te c'alal ya xc'opoje.

Oseas 11:10

Ya me st'unic bahel te Jehová, ha ya x'awon hich te bin ut'il choj; ya x'awon, hich te yal-snich'nab yaquic ta nihquel a ya xtalic ta stojol smahlib c'ahc'al.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Amós 1:2

Hich la yal: Ya x'awon Jehová c'alal ta Sión, ya yac' ta a'iyel sc'op c'alal Jerusalén, te aquiltic yu'un te jcanan-tuminchijetic ya xtaquij soc ya xtaquij te ba wits Carmelo.

Amós 3:8

Teme awon te choj ¿mach'a a te ma ba ya xi'e? Teme ay bin ya yal te Jehová ¿mach'a a te ma ba ya yal sc'op-jalwanej?

Apocalipsis 14:2

Soc la jca'iy xlamlon c'op ta ch'ulchan hich te bin ut'il ya xc'opoj swihlib ha' soc hich te bin ut'il tulan ya xc'opoj chahwuc. Hich la jca'iy te bin ut'il mach'atic yac stijbelic arpa yu'unic.

Apocalipsis 15:1

La jquil yan seña ta ch'ulchan te muc' soc jchahp ta ilel: ha huqueb ch'ul a'batetic te yich'ojic te huqueb slajibal wocol, yu'un tey ya sts'acay a te yilimba te Diose.

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 4:5

Yac ta loq'uel ta muc'ul-huctajibal tsantsehwal, chahwuc, soc bayel c'op. Ay huqueb c'ahc' yac ta tihlel ta stojol te muc'ul-huctajibal, ha te huqueb espírituhetic yu'un Dios.

Apocalipsis 8:5

Te ch'ul a'bat la stsac te schic'ojibal pom, la snojes ta c'ahc' te ay ta scajtajib ta chiq'uel pom soc la sbusq'uin cohel ta bahlumilal. Stsanlajan ta t'ohmel chahwuc, xjuyet hahchel c'op, xliplajan tsantsehwal soc nihquel.