Apocalipsis 10:1 - Bible in Tzeltal Bachajón

¹ La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.

Nuevo Testamento Tzeltal de Amatenango

¹ La kil jtul xan ángel te beno spodere te yipal tal ta koel ta chꞌuchan. Potsol tal ta tokal, sok ay xojob ta sjol. Te yelawe xlemet jachik tutꞌil kꞌajkꞌal, y te yoke pajal sok mukꞌul xutun teꞌ te chik joman nax skꞌajkꞌale.

Bible in Tzeltal de Oxchuc y Tenejapa

¹ Soc la quil coj tel ta ch'ulchan yan ch'ul abat te bayal yipe. Potsol tel ta tocal soc ay arco iris joyol ta sjol. Te sit yelawe xlememet nax xojobil jich bit'il te c'aale. Te yacane jich yilel te bit'il muc'ul oy te tsajxojan nax sc'aale.

Apocalipsis 10:1 ပူးပေါင်းရင်းမြစ်များ

Salmos 104:3

ya yac' ta sba ha' te oyetic yu'un sna ta toyol, ha carreta ya xc'oht yu'un te tocaletic, soc ya xmo ta xic' te iq'ue,

Salmos 97:2

Ha joytaybil yu'un tocaletic soc yihc'al q'uinal; te bin toj ta pasel soc te stojil chahpanel ha yich'o-ip te smuc'ul-huctajibe.

Éxodo 16:10

C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal.

Cantares 5:15

Te ya' ha oyetic pasbilic ta mármol te nahcambil ta yich'o-ip pasbilic ta puro oro; hich yilel stalel te bin ut'il Líbano, tsahbil hich te bin ut'il te cedrohetic yu'une.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Isaías 54:9

Hich c'ohem ya ca'iy te bin ut'il ta yorahil Noé, te c'alal la jcal ta jamal te mayuquix bin ora ya xmulot xan ta ha' te bahlumilale. Hich nix caloj ta jamal te ma ba ya x'ilinonix ta atojol, ma ba ya cutatix.

Lamentaciones 3:44

La apots aba ta tocal scuenta yu'un ma ba ya xc'oht ta atojol te ya jc'oponatcotic.

Ezequiel 1:28

Hich te bin ut'il xojob te ay ta tocal te c'alal ay ha'al, hich yilel te sts'anabul ta sjoyobal. Hich yilel te nahalsitil yu'un te bin yilel te yutsilal te Jehová. Te c'alal la jquil, la jpahcan jba c'alal ta lum, soc la jca'iybe sc'op te mach'a c'opoje.

Daniel 10:6

Te sbaq'uetal hich te bin ut'il yaxcancan ton, te sit yelaw hich yilel te bin ut'il tsantsehwal, te sit hich yilel te bin ut'il tsumbil c'ahc', te sc'ab soc te yoc hich yilel te bin ut'il ch'ulbil bronce, soc te sc'op pajal soc sc'op tsobol ants-winiquetic.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

San Lucas 21:27

Ta hich ora ya me yilic te Nich'anil ay ta scuenta winic te yac ta talel ta tocal soc yu'el soc yutsilal.

Hechos 26:13

Ta ohlil c'ahc'al, ajwalil, yacon ta behel ta be a la jquil ay bin tal sjahts' c'ahc' ta ch'ulchan, c'ax hich sts'anabul a te bin ut'il sts'anabul te c'ahc'ale; hul stihltes sba ta joyobal soc ta sjoyobal te mach'atic sjoquinejonic.

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

Apocalipsis 18:1

Patil la jquil co tal ta ch'ulchan yan ch'ul a'bat te tulan ya'tel yich'oj, soc sacub q'uinal ta bahlumilal yu'un te sts'anabule.

Apocalipsis 18:21

Ay ch'ul a'bat te bayel yip, la sq'uech muc'ul ton te sjel ta muc'ul cha', la sch'oj ochel ta mar, hich la yal: Hich me ya yich' ch'ojel cohel te Babilonia, te muc'ul pueblo, ma ba ya xwehtix ta lehel.

Apocalipsis 20:1

La jquil yac ta cohel tal ta ch'ulchan jtuhl ch'ul a'bat, yich'oj llave yu'un te xahab soc slicoj muc'ul cadena ta sc'ab.

Apocalipsis 4:3

Te Mach'a hucul tey a hich yilel te bin ut'il jaspe soc cornalina, soc ta sjoyobal te muc'ul-huctajibal ay xojob te hich yilel te bin ut'il esmeralda.

Apocalipsis 5:2

Soc la jquil ch'ul a'bat te ay bayel yip, tulan yac ta sjoc'oyel: ¿Mach'a a te ya xhu' ya sjam te balbil hun soc te sellohetic yu'une? xchi.

Apocalipsis 8:13

La jquil ay jxic yac ta wihlel ta po'tal ch'ulchan, tulan yac ta c'op la jca'iy: ¡Ay me swocolic, ay me swocolic, ay me swocolic te mach'atic nahinemic ta bahlumilal, ta scaj te yan oq'uesinel corneta yu'un te oxeb xan ch'ul a'batetique! xchi.