Apocalipsis 1:9 - Bible in Tzeltal Bachajón

⁹ Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Nuevo Testamento Tzeltal de Amatenango

⁹ Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Bible in Tzeltal de Oxchuc y Tenejapa

⁹ Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

Apocalipsis 1:9 ပူးပေါင်းရင်းမြစ်များ

San Mateo 20:23

Hich halbotic yu'un te Jesús: Melel nix a, ya me x'uch'ex ta vaso cu'un, soc ya me awich'ic te ha' te ya quich' te ho'one, pero ma ba ho'on ay ta jcuenta yaq'uel te mach'a ya shuhcan sba ta jwa'el soc ta jq'uexam, ha nax te mach'atic chapal yu'un te Jtate, xchi.

San Marcos 10:39

Yac, ya xhu' cu'uncotic, xchihic. Halbotic yu'un te Jesús: Melel nix a te vaso te ya cuch' ho'on, ya me awuch'ic, soc te bin ya xc'oht ta jcuenta, ha nix hich ya xc'oht ta acuentahic;

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Hechos 1:15

Ha yorahil a te Pedro la stehc'an sba ta yohlil te yermanotac (ay wan wacwinic (120) ta tuhl te stsoboj sbahic), hich la yal:

Hechos 14:22

La smuc'ubtesbe q'uinal ya'iyic te jnopojeletic, la ya'beyic yip yo'tan te manchuc ya xch'ay sch'uhunel yo'tanic, hich la yalbeyic: Hich ya sc'an te ta scuenta bayel jwocoltic ya x'ochotic ta cuentahinel yu'un Dios, xchihic.

Romanos 8:17

Teme al-nich'anilotic, ya x'ac'ot quich'tic te bin ay yu'un Dios soc pajal ya quich'tic soc Cristo, teme pajal ya xc'ax jwocoltic soc, scuenta yu'un pajal ya quich' cutsilaltic soc.

Romanos 8:25

Pero teme ya jmahliytic te bin ma ba quilojtic, jun co'tantic ya jmahliytic.

2 Corintios 1:7

Ay yip te smuc'ul co'tancotic ta atojolic, como jna'ojcotic te hich te bin ut'il jmohlol jbahtic ta wocol, ha nix hich jmohlol jbahtic te ya xmuc'ubtesot q'uinal ca'iytic.

Filipenses 1:7

Ha lec te hich ya ca'iyex ta co'tan ta apisilic, yu'un ayex ta co'tan; yu'un teme ayon ta cárcel o teme ya xc'opojon yu'un te lec yach'il c'op soc te ya cac' ta na'el te ha melel, pajal quich'beyejtic yutsil yo'tan te Diose.

Filipenses 4:14

Pero lec te la awa'iybonic te jwocole.

2 Tesalonicenses 3:5

Te Cajwaltic ac'a stojobtesbeyex bahel awo'tanic ta stojol te sc'uxul yo'tan Dios soc te slamalil yo'tan Cristo.

2 Timoteo 1:8

Ha yu'un ma me xq'uexawat ta yalel ta testigo c'op te sc'oblal Cajwaltic, soc ma me xq'uexawat cu'un te bin ut'il ayon ta chuquel ta scuenta, pero ta scuenta te yu'el Dios joquinawon ta sc'asesel wocol ta scuenta te lec yach'il c'ope.

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

1 Pedro 5:1

Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale:

Apocalipsis 1:1

Ha te bin la yac' ta na'el te Jesucristo, te a'bot sna' yu'un Dios scuenta yu'un ya ya'be sna' te a'batetic yu'un te bintic c'ohel yac ta pasele. Ha la yac' ta na'el ta scuenta te ch'ul a'bat yu'un te la sticon tal ta stojol Juan, te ya'bat,

Apocalipsis 1:2

te la yal ta testigo-c'op te sc'op Dios soc te bin la yal ta testigo-c'op te Jesucristo, ta spisil te bintic yiloje.

Apocalipsis 1:4

Juan, ta stojol te huqueb iglesiahetic te ayic ta Asia: Ich'ahic te yutsil-o'tanil soc lamal q'uinal yu'un te mach'a ay ta ora ini, te ay ta namey soc te ya xtale, soc te huqueb espírituhetic te ayic ta stojol te smuc'ul-huctajib,

Apocalipsis 1:6

soc te la yac'otic ta ajwalil soc ta sacerdotehil ta stojol Dios te State. Hichuc.

Apocalipsis 11:7

Te c'alal ya xlaj yo'tanic ta yalel te testigo-c'op yu'unic, te chambahlam te xiweltic sba te ya xmo tal ta xahab ya me ya'be guerra, ya stsal soc ya smilticlan.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.