Apocalipsis 1:18 - Bible in Tzeltal Bachajón

¹⁸ te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Nuevo Testamento Tzeltal de Amatenango

¹⁸ Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Bible in Tzeltal de Oxchuc y Tenejapa

¹⁸ Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 1:18 ပူးပေါင်းရင်းမြစ်များ

Job 19:25

Ya jna' te cuxul te Jcoltaywanej cu'un, te ta slajibal ya stehc'an hahchel sba ta lum,

Job 38:17

¿A'botat bal awil te puertahetic yu'un lajel, awiloj bal te puertahetic yu'un te yaxinal lajel?

Salmos 18:46

¡Cuxul te Jehová, bayel me yutsil te muc'ul ton cu'une! Ac'a yich' tohytesbeyel sc'oblal te Dios te Jcoltaywanej cu'une,

Salmos 68:20

Te Dios cu'untic ha ya xcoltaywan, ya scoltayotic ta lajel te Cajwaltic Jehová.

Isaías 22:22

Ya jcajambe ta snehquel te llave yu'un te sna David; ha ya sjam, mayuc mach'a ya xhu' ya smac, soc ya smac, mayuc mach'a ya xhu' ya sjam.

San Mateo 11:23

Soc ha'at, Capernaum, te awich'oj tohytesel c'alal ta ch'ulchan, ya me awich' ch'ojel bahel c'alal ta stsobojibal mach'atic chamenic. Te teyuc la yich' pasel ta Sodoma te jchahp a'teliletic te la yich' pasel ta atojol, cuxul c'alal ora te hichuque.

San Mateo 16:19

Ha'at ya ca'bat te llavehetic yu'un te cuentahinel yu'un te ch'ulchan: spisil bintic yac achuc ta bahlumilal, ya me yich' chuquel ta ch'ulchan, soc spisil bintic yac atil ta bahlumilal, ya me yich' tihlel ta ch'ulchan, xchi.

San Lucas 24:5

Te bin ut'il tojic xiwel soc te la snijan sbahic ta lum yu'un, hich halbotic: ¿Bin yu'un yac alehic ta yohlil chamen winiquetic te mach'a cuxulixe?

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

Romanos 6:9

Como jna'ojtic, te bin ut'il cha'cuxajemix tal te Cristo ta yohlil te mach'atic chamenic, ma ba ya xchamix xan; ma ba ya x'u'untayotix yu'un te lajele.

2 Corintios 13:4

Aunque mayuc yip a te la yich' jihpanel ta cruz, cuxulix ta scuenta yu'el te Diose. Ha nix hichotcotic, mayuc quipcotic ta scuenta, pero pajal cuxulotcotic soc ta scuenta yu'el Dios scuenta yu'un ya cac' jbahcotic ta a'batinel ta atojolic.

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Colosenses 3:3

como chamenex soc nac'bil acuxlejalic soc Cristo ta stojol Dios.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

Hebreos 7:16

te ma ba la yich' ya'tel ta sacerdotehil ta scuenta te ley yu'un winiquetic, pero ha ta scuenta te yip te cuxlejal te ma xlaje.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

Apocalipsis 10:6

jc'axel la yal ta jamal ta scuenta te mach'a stalel cuxul sbahtel q'uinal, te la spas te ch'ulchan soc spisil bintic ay tey a, te bahlumilal soc spisil bintic ay tey a, soc te mar soc spisil bintic ay tey a, la yal te mayuquix yorahil,

Apocalipsis 15:7

Jun ta schanebal bintic cuxajtic la yac'ticlambe te huqueb ch'ul a'batetic huqueb copahetic pasticlambil ta oro nojelic ta yilimba Dios te stalel cuxul sbahtel q'uinal.

Apocalipsis 2:8

Ts'ihbabeya te ch'ul a'bat yu'un te iglesia ta Esmirna: Hich ya yal te Mach'a ha shahchibal soc slajibal, te laj soc te cha'cuxaj tal:

Apocalipsis 20:13

Te mar la yac' loc'uc tal te mach'atic lajemic tey a, soc te lajel soc te stsobojibal mach'atic chamenic la yaq'uic loq'uel tal te mach'atic ayic tey a. Tuhlutuhl ochic ta ich'el ta c'op, ha chican bin la spasic.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

Apocalipsis 3:7

Ts'ihbabeya te ch'ul a'bat yu'un te iglesia ta Filadelfia: Hich ya yal te Mach'a ch'ultesbil, te smelelil c'op, te yich'oj te llave yu'un David, te mach'a ya sjam, te mayuc mach'a ya xhu' ya smac, soc te ya smac, te mayuc mach'a ya xhu' ya sjam:

Apocalipsis 4:9

Te jujun buelta te ya yalbeyic yutsil sc'oblal, te ya yich'ic ta muc' soc te ya yalbeyic wocol te Mach'a hucul ta smuc'ul-huctajib soc te stalel cuxul sbahtel q'uinal,

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Apocalipsis 9:1

Te yo'ebal ch'ul a'bat la yoq'uesin te scorneta; la jquil ay ec' ch'ay cohel tal ta ch'ulchan, hul ta bahlumilal. A'bot te llave yu'un te xahabe.

1 Samuel 2:6

Te Jehová ya yac' lajel soc ya yac' cuxlejal; ya yac' cohuc ta muquenal soc ya yac' loq'uel tal.