Apocalipsis 1:16 - Bible in Tzeltal Bachajón

¹⁶ Ay huqueb eq'uetic ta swa'el-c'ab, soc ay espada te scha'bunjehchel ay ye te yac ta loq'uel ta ye, soc te sit yelaw xlipet sts'anabul hich te bin ut'il sts'anabul te c'ahc'ale.

Nuevo Testamento Tzeltal de Amatenango

¹⁶ Te ba sbatsꞌil kꞌabe yichꞌoj jukeb ekꞌetik, y te ba stiꞌe ya xlokꞌ tal jun puñal te chaꞌmejchꞌ yee. Te yelawe jachik tutꞌil kꞌajkꞌal te kꞌalal ya xtil sok te ya yichꞌ spuersae.

Bible in Tzeltal de Oxchuc y Tenejapa

¹⁶ Ta swa'el sc'ab sloch'oj juqueb eq'uetic. Soc yac ta loq'uel puñal ta ye te xcha'jejch'el ay yee. Te sit yelawe xlememet nax xojobil jich bit'il c'aal te bayal yip ya xtile.

Apocalipsis 1:16 ပူးပေါင်းရင်းမြစ်များ

Job 38:7

te c'alal yacalic ta c'ayoj a spisil te eq'uetic ta sacubel q'uinal, soc te tse'el yo'tan awonic spisil te snich'nab te Diose?

Salmos 45:3

Chuca ta ach'uht te espada awu'un, ha'at te ma xiwat, chuca aba soc awutsil soc muc' awutsilal.

Cantares 6:10

¿Mach'a a ini te hich yilel te bin ut'il te sacubel q'uinal, te t'ujbil hich te bin ut'il te u, te hich sts'anabul te bin ut'il te c'ahc'al, te hich smuc'ul yutsilal te bin ut'il soldadohetic ayic ta marcha?

Isaías 11:4

ha toj ya schahpan te pobrehetic, stojil ya schahpan te mach'atic peq'uel ayic ta bahlumilal. Ya me yehchentes te q'uinal ta xul te ay ta ye; te ic' te ya shu'xiy loq'uel ta ye ya yac' lajuc a te mach'a chopol yo'tan.

Isaías 24:23

Ya xtsajub yu'un q'uexlal te u, ya xq'uexaw te c'ahc'al te c'alal ya x'och ta ajwalil ta wits Sión, ta Jerusalén te Jehová te scuentahinej spisil, soc te ya xtihl yutsilal ta stojol te mamaletic yu'une.

Isaías 49:2

Hich la ya'bon que te bin ut'il espada te huxbil ye, la snac'on ta yaxinal te sc'abe; hich la yac'on te bin ut'il sjayal sni' ya'tejibalul t'ihmalte', la sq'uejon ta yawil.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Daniel 8:10

Muc'ub bahel ha to c'oht c'alal ta banti ay te tsobolic yu'un te ch'ulchane. Ay la sjin cohel c'alal ta lum j'ohlil te tsobolic yu'un te ch'ulchan soc te eq'uetic, la sts'o'ts'o'tec'ticlan.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Mateo 17:2

Tey c'atp'uj ta stojolic, hich c'oht sit yelaw te bin ut'il sts'anabul c'ahc'al, soc xlipet sacal baht te sc'u' spaq'ue.

Hechos 26:13

Ta ohlil c'ahc'al, ajwalil, yacon ta behel ta be a la jquil ay bin tal sjahts' c'ahc' ta ch'ulchan, c'ax hich sts'anabul a te bin ut'il sts'anabul te c'ahc'ale; hul stihltes sba ta joyobal soc ta sjoyobal te mach'atic sjoquinejonic.

Efesios 6:17

Ich'ahic smahquil jolal yu'un colel soc te espada yu'un te Espíritu, ha te sc'op Diose.

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Apocalipsis 1:20

Hich ay te bin muquen sc'oblal te huqueb eq'uetic la awil ta jwa'el-c'ab soc te huqueb yawil c'ahc' pasticlambil ta oro: Te huqueb eq'uetic ha te huctuhl ch'ul a'batetic yu'un te huqueb iglesiahetic, soc te huqueb yawil c'ahc' ha te huqueb iglesiahetic, xchi.

Apocalipsis 10:1

La jquil co tal ta ch'ulchan yan ch'ul a'bat te bayel yip, potsol ta tocal, soc ay xojob ta yahc'olal te sjole. Hich sit yelaw te bin ut'il c'ahc'al, soc hich yacan te bin ut'il bahlal c'ahc'.

Apocalipsis 12:1

Chicnaj ta ch'ulchan muc'ul seña: jtuhl ants sc'u'inej te c'ahc'al, ay ta ye'tal yoc te u soc scoronahinej lahchayeb (12) ec' ta sjol.

Apocalipsis 19:15

Ta ye yac ta loq'uel espada te ay ye te ya yehchentes a te nacionetic, soc tulan me ya scuentahinlan soc sbaston-taq'uin. Ya sp'e' te ya'lel ts'usub ta sp'e'ojibal te yilimba Dios te spisil ya xhu' yu'une.

Apocalipsis 19:21

Te jayeb xan hilic, lajic ta milel ta espada te yac ta loq'uel ta ye te mach'a cajal ta cawu; soc spisil te mutetic noj sch'uhtic yu'un sti'beyel sbaq'uetalic.

Apocalipsis 2:1

Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro:

Apocalipsis 2:12

Ts'ihbabeya te ch'ul a'bat yu'un te iglesia ta Pérgamo: Hich ya yal te mach'a yich'oj te espada te scha'bunjehchel ay ye:

Apocalipsis 2:16

Ha yu'un, suhtesa awo'tan, teme ma'uque, ya xtalon ta ora ta banti ayat, ya ca'be guerra ta espada te ya xloc' ta que.

Apocalipsis 3:1

Ts'ihbabeya te ch'ul a'bat yu'un te iglesia ta Sardis: Hich ya yal te Mach'a yich'oj te huqueb espírituhetic yu'un Dios soc te huqueb eq'uetic: Ya jna' bin yilel awa'tel; cuxul, xchi ac'oblal, pero chamenat.

Jueces 3:16

Pero te Aod spasojix espada te scha'bunjehchel ay ye soc jun xuhc'ubil snahtil; la schuc ta swa'el-cub ta yutil sc'u'.

Jueces 5:31

Hich me ac'a lajuc spisil acontratac, Jehová; yan te mach'atic c'uxat ta yo'tanic, hichuc me te bin ut'il te c'ahc'al c'alal ya xloc' tal soc yip, xchihic ta c'ayoj. Cha'winic (40) ha'bil lamal te q'uinale.