Apocalipsis 1:13 - Bible in Tzeltal Bachajón

¹³ soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.

Nuevo Testamento Tzeltal de Amatenango

¹³ Y te ba yolil te jukchꞌix yawil kꞌajkꞌe la kil ay Machꞌa teꞌey a te pajal sok te Nichꞌanile. Palal sok jun skꞌuꞌ-spakꞌ te kꞌoem kꞌalal ta yoke y sok jun xchꞌujkil xchꞌujt pasbil ta oro kꞌoem kꞌalal ta stiꞌ yoꞌtan.

Bible in Tzeltal de Oxchuc y Tenejapa

¹³ Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.

Apocalipsis 1:13 ပူးပေါင်းရင်းမြစ်များ

Éxodo 39:5

Te schuhquil sch'uht te efod hich nix pasbil ta oro, ta yax, chi'in-yax soc tsajal estambre, soc ta ts'otbil lino, hich te bin ut'il halbot yu'un Jehová te Moisés.

Isaías 11:5

Ha schuhquil sch'uht ya xc'oht te bin stojil ta pasel, te jun-o'tanil ha schuhquil sch'uht ya xc'oht.

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Daniel 7:9

Yacon ta yilel a, la yich' chahpanel huctajibaletic, la shuhcan sba jtuhl Mamal. Te sc'u' hich sacal te bin ut'il me'sic, te stsotsel sjol sac hich te bin ut'il stsotsel tuminchij. Yat c'ahc' te shuctajib, soc te ruedahetic ha c'ahc' te yac ta tihlel,

Levítico 8:7

La ya'be slap te smuc'ul-c'u', la schuc ta schuhquil sch'uht, la ya'be slap te snahtil-c'u', ta sba la ya'be te efod, la schuc ta schuhquil scuenta lec chucbil c'oht.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

Apocalipsis 14:14

Patil la jquil saquil tocal. Ay mach'a hucul ta sba te tocal, sjel ta Snich'an winic, ay corona ta sjol te pasbil ta oro, soc ta sc'ab ay hoz te ay ye.

Apocalipsis 15:6

Loq'uic tal ta templo te huqueb ch'ul a'batetic te yich'ojic te huqueb wocol, slapojic lino-pac' xlipet sacal soc ay sbehch'il stahnic pasbilic ta oro.

Apocalipsis 2:1

Ts'ihbabeya te ch'ul a'bat yu'un te iglesia te ay ta Éfeso: Hich ya yal te mach'a ay huqueb eq'uetic ta swa'el-c'ab soc te ya xbehen ta yohlil te huqueb yawil c'ahc' pasbil ta oro: