Amós 7:9 - Bible in Tzeltal Bachajón

⁹ Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Bible in Tzeltal de Oxchuc y Tenejapa

⁹ Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Amós 7:9 ပူးပေါင်းရင်းမြစ်များ

Génesis 46:1

Hich loc' bahel te Israel soc spisil sbiluc, c'oht ta Beerseba, tey c'oht ya'be milbil smahtan a te Dios yu'un Isaac te state.

2 Reyes 14:24

Chopol bin la spas ta stojol Jehová, ma ba la yihquitay te muliletic yu'un Jeroboam snich'an Nabat, te la ya'be sta smul a te Israel.

Isaías 63:18

Te ch'ul pueblo awu'un ma ba hal c'ahc'al la yu'untay te ch'ul awilal awu'un, pero yo'tic te jcontratac sts'o'ojix ta teq'uel.

Jeremías 51:51

Ayotic ta q'uexlal, yu'un la ca'iytic te labanele; macal ta q'uexlal te jsit quelawtic, como ochemic jyanlumetic ta ch'ul awilal yu'un te sna Jehová.

Ezequiel 6:3

hich xawalbe: ¡Witsetic yu'un Israel, a'iya awa'iyic te sc'op Jehová, te Ajwalile! Te Jehová, te Ajwalil, hich ya yalbe te witsetic, tsehletic, sjuclejetic soc te spamlejtic: Ilawil, ho'on nix ya cac' taluc te espada ta atojolic soc ya jimbeyex te toyol awilaletic awu'unique.

Oseas 10:8

Te toyol awilaletic yu'un Avén, te ha smul te Israel, ya me yich'ic jinel; ya xcol ch'ixetic ta sba te scajtajib ta chiq'uel mahtaniletic yu'unique. Hich me ya yalbeyic te witsiltic: ¡Mucawotcotic! xchihic; soc ya me yalbeyic te tsehletic: ¡Cohan tal ta jtojolcotic! xchihic.

Amós 3:14

Te bin c'ahc'alil ya ca'be castigo yu'un smul te Israel, ya jinticlan te scajtajib ta chiq'uel mahtaniletic ta Bet-el; ya yich' set'el loq'uel te xulubiletic yu'un te scajtajib ta chiq'uel mahtanil, ya xch'ay cohel ta lum.

Amós 5:5

ma me xbahex ta Bet-el, ma me x'ochex bahel ta Gilgal, ma me xc'axex bahel ta Beerseba, como te Gilgal ya me x'ic'ot bahel ta chuquel soc te Bet-el jimbil ya xc'oht, xchi.

Amós 7:11

Como hich yaloj te Amós: Te Jeroboam ya xlaj ta espada, soc ya x'ic'ot bahel ta chuquel te Israel, xchi.

Amós 7:13

pero ma me xawalix sc'op-jalwanej ta Bet-el, como ha ch'ul awilal yu'un te ajwalil soc ha muc'ul templo yu'un te ban c'alal scuentahinej, xchi.

Amós 8:14

Te mach'atic ay bin ya yalic ta jamal ta scuenta te mulil yu'un Samaria, te hich ya yalic: Ta scuenta te Dios awu'un, Dan, xchihic; soc: Ta scuenta te sbehlal Beerseba, te xchihique, ya me xyahlic, mayuquix bin ora ya xhahchiquix.

Amós 9:1

La jquil te Cajwaltic teq'uel ta sts'ehl te scajtajib ta chiq'uel mahtanil, hich la yal: Maja te sni'il te bahlal oy, ac'a syuq'uilan te puertahetic, wuyticlana cohel ta sjol spisilic. Te mach'atic cuxul ya xhilic ya jmilticlan ta espada; mayuc mach'a ya x'ahnic bahel, mayuc mach'a ya xcol.

Miqueas 1:5

Ta spisil ini ha ta scaj stoybahil te Jacob, ta scaj smul te sna Israel. ¿Bin a te stoybahil te Jacob? ¿Ma bal ha'uc te Samaria? ¿Bin a te toyol awilal yu'un Judá? ¿Ma bal ha'uc te Jerusalén?