Amós 7:2 - Bible in Tzeltal Bachajón

² C'alal lajix swe'bel a te ya'malel q'uinal te c'ulubetic, hich la jcal: ¡Cajwal Jehová, pasa perdón! ¿Bin ut'il c'an cuhchuc yu'un te Jacob, te melel ha tut? xchihon yu'un.

Bible in Tzeltal de Oxchuc y Tenejapa

² Patil la quil te c'ulubetic yacaliquix ta slajinel ta jyalel te aquiltic ta lumq'uinale, jich la cal: —Cajwal, pasbon perdón. ¿Bit'il c'an cujch'uc yu'un te Jacob te lum awu'une? Melel c'ax ch'in ta jyalel —xoon yu'un.

Amós 7:2 ပူးပေါင်းရင်းမြစ်များ

Salmos 12:1

Coltaya, Jehová, como mayuquix mach'atic lec yo'tanic ta atojol; ch'ayemiquix bahel ta yohlil te ants-winiquetic te mach'atic jun yo'tanique.

Éxodo 10:15

La slim sbahic ta lum ta spahmal q'uinal, ihc'ub q'uinal yu'un; la slajinic spisil te ha'mal ta q'uinal soc spisil te sit te' te hilemic yu'un te bat. Mayuc hil syaxal te'etic o ha'maletic ta spahmal sq'uinal Egipto.

Éxodo 34:9

Hich la yal: Cajwal, teme melel lec c'ohemon ta atojol, ac'a sjoquinotcotic bahel te Cajwaltique. Aunque tulan yo'tanic te pueblo ini, pasbotcotic perdón yu'un te jchopolilcotic soc te jmulcotic, soc ic'awotcotic te ha awu'un ya xc'ohotcotique, xchi.

Isaías 37:4

Te Jehová te Dios awu'un la wan ya'iybe sc'op te capitan-soldado te ticombil yu'un te yajwal, ha te ajwalil yu'un Asiria, yu'un ya sbohlc'optay te cuxul Dios. Ya wan ya'be castigo yu'un te sc'op te la ya'iy te Jehová. Ha yu'un c'opombeya Dios ta scuenta te mach'atic ay to hilemic, xchihic.

Isaías 51:19

Ay cheb te bin c'ohem ta stojol: jinel soc lajinel, wi'nal soc espada. ¿Mach'a a te ya sna'bat yo'bolil aba? ¿Mach'a a te ya smuc'ubtesbat q'uinal yac awa'iy?

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Ezequiel 11:13

Te c'alal yacon ta yalel sc'op-jalwanej a, cham te Pelatías snich'an Benaías. Hich la jpahcan jba, la jca'be sta lum te jti'ba, tulan awonon, hich la jcal: ¡Ay, Cajwal Jehová! ¿Ya bal alajin spisil te mach'atic hilemic yu'un Israel? xchihon ta aw.

Ezequiel 9:8

Te c'alal yacalic ta smilticlanel a, te jtuquel xanix hilon, la jpahcan jba c'alal ta lum soc awonon, hich la jcal: ¡Cajwal, Jehová! ¿ya bal ajin spisil te mach'atic hilemic yu'un Israel, ha te yac amal cohel ta Jerusalén te awilimba? xchihon.

Daniel 9:19

¡A'iya awa'iy, Cajwal! ¡Pasa perdón, Cajwal! ¡A'iya awa'iy, Cajwal, soc pasa! Ta scuenta sc'uxul awo'tan, ma xhalajat, Dios cu'un, como yich'oj abihil te Jerusalén soc te pueblo awu'une.

Joel 2:17

Te sacerdotehetic, ha te a'batetic yu'un Jehová, ac'a oq'uicuc ta ohlil yu'unte yochibal te templo soc te scajtajib ta chiq'uel mahtanil, hich ac'a yalic: Jehová, pasbeya perdón te pueblo awu'une, ma xawac' ta labanel te bin ay awu'un, yu'un ya x'u'untayot yu'un te nacionetique. ¿Bin yu'un te hich ya yalic ta yohlil te pueblohetic: Banti ay te Dios yu'unic, te xchihique?

Amós 4:9

La jmajat ta c'ahc'al ic' soc ta yol, te c'ulub la slajimbat bayel bintic ts'umbil soc te ts'usubiletic awu'unic, te higuerahetic soc te olivohetic awu'unic, pero ma ba suhtex tal ta jtojol yu'un, xchi te Jehová.

Amós 7:5

Hich la jcal: ¡Coma aba, Cajwal Jehová! ¿Bin ut'il c'an cuhchuc yu'un te Jacob, te melel ha tut? la jcut.

Zacarías 4:10

Te mach'atic la sp'ajic te sc'ahc'alel te tut shahchibal te ya'tele, tse'el me yo'tanic yu'un c'alal ya yilic te plomo ta sc'ab te Zorobabel. (Te huqueb sit ini, ha sit te Jehová te ya yil spisil te q'uinale.)

Apocalipsis 9:4

Pasotic ta mandar te ma me xyuts'inic te aquiltic, te yaxal ha'maletic soc te'etic ta q'uinal, ha nax te mach'atic ma ba yich'ojic te sello yu'un Dios ta sti'bahic.