Amós 5:3 - Bible in Tzeltal Bachajón

³ Como hich yaloj te Jehová, te Ajwalil: Te pueblo te ya xloc' bahel ta guerra soc jmil (1,000) ta tuhl, ha xanix ho'winic (100) ya suhtic talel; te pueblo te ya xloc' bahel soc ho'winic (100) ta tuhl, ha xanix lajuntuhl ya suhtic tal ta sna Israel, xchi.

Bible in Tzeltal de Oxchuc y Tenejapa

³ Jich ya yal te Dios te Ajwalil yu'un te israeletique: —Teme ay jpam lum ya sticun bael jmil (1,000) winiquetic ta guerra, ja' nax cuxul ya sujt'ic jo'winic (100); teme ay jpam lum ya sticun jo'winic (100), ja' nax lajuntul ya sujt'ic tel —xi'.

Amós 5:3 ပူးပေါင်းရင်းမြစ်များ

Salmos 144:14

te j'a'tel-wacaxetic cu'untic ayuc yipic ta a'tel. Ma me ayuc banti jamal te ts'ahc, mayuc banti ya xloq'uic bahel ta chuquel, ma me ayuc aw yu'un xiwel ta callehetic cu'untic.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

Isaías 10:22

Te pueblo awu'un, Israel, aunque hich yipal te bin ut'il shi'al mar, ha nax ya suhtic tal te mach'atic hilemique. Halbilix te ay jinel, mero stojil bin ya yich' pasel.

Isaías 6:13

Teme ay ya xhil jun ta slajunebal, ya me yich'ic jinel; pero hich te bin ut'il te jihte' soc te sac-jihte' ya xhil schumante'el c'alal ya yich' ts'etel, ha nix hich schumante'el ya xc'oht te ch'ultesbil ts'umbalil, xchi.

Ezequiel 12:16

Pero ya cac' te cha'oxtuhlic ya x'ahnic loq'uel ta stojol te espada, te wi'nal soc te jmilawal-chamel, scuenta yu'un ta nacionetic te banti ya xbahtic ya me yalic spisil te bintic ilobtic sba la spasique. Ya me sna'ic te ho'on Jehovahon, xchi.

Amós 6:9

Teme ya xhil lajuntuhl winiquetic ta jun na, ya me xchamic.

Romanos 9:27

Ha nix hich te Isaías la yawtaybe sc'oblal te Israel: Te hichuc yipal sts'umbal Israel te bin ut'il shi'al mar, stsahbenal xanix te ya xcolic,

Deuteronomio 28:62

Aunque sc'oblal hich yipal ya xc'ohex te bin ut'il eq'uetic ta ch'ulchan, mayuc tsobol ya xhilex, ta scaj te ma ba la ach'uhumbe sc'op te Jehová te Dios awu'une.

Deuteronomio 28:63

Hich te bin ut'il tse'el yo'tan Jehová te la ya'beyex awutsilalic soc te la yac' p'ohluquex, ha nix hich tse'el yo'tan ya sjinex soc ya slajinex; yac awich'ic bulel loq'uel tey ta q'uinal banti ya x'och awu'untayic.

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.