Amós 1:3 - Bible in Tzeltal Bachajón

³ Hich yaloj te Jehová: Ta scuenta oxchahp mulil yu'un Damasco, ta scuenta chanchahp, ma ba ya jcom te castigo yu'une; como la swuyticlanic te Galaad ta swuyojibal pasbil ta hierro.

Bible in Tzeltal de Oxchuc y Tenejapa

³ Jich ya yal te Cajwaltic: —Te mach'a ayic ta Damasco bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la stenic jichuc trigo te mach'atic ay ta Galaad, la swuyic ta taq'uin c'oem.

Amós 1:3 ပူးပေါင်းရင်းမြစ်များ

1 Reyes 19:17

Te mach'a ya xcol ta espada yu'un Hazael, ha me ya smil te Jehú, soc te mach'a ya xcol ta espada yu'un Jehú, ha me ya smil te Eliseo.

2 Reyes 13:3

Ha yu'un ilin yo'tan ta stojol Israel te Jehová. Bayel ha'bil la ya'be ta sc'ab Hazael ajwalil yu'un Siria soc ta sc'ab Ben-adad snich'an Hazael.

2 Reyes 13:7

Mayuquix hil winiquetic yu'un Joacaz, ha xanix lajuneb yoxwinic (50) jmoheletic ta cawu, lajuneb carretahetic yu'un guerra, soc jpic soc ho'bahc' (10,000) soldadohetic te ayic ta behel ta yoquic, como ha la yich'ic lajnel yu'un te ajwalil yu'un Siria, hich hilic yu'un te bin ut'il ts'u'lum yu'un tec'ticlanel.

2 Reyes 16:9

Te ajwalil yu'un Asiria la yich'be ta cuenta, hich la ya'be guerra te Damasco, soc la stsal. La yic' bahel ta chuquel te mach'atic nahinemic tey a, la sticonlan bahel ta Kir, soc la smil te Rezín.

2 Reyes 8:12

¿Bin yu'un ya x'oc' te cajwal? xchi te Hazael. La yal te Eliseo: Yu'un ya jna' te bin chopol yac apasbe te Israel. Yac achic'be te pueblohetic yu'unic te joybilic ta ts'ahc, yac amilticlambe ta espada te ach'ix-queremetic yu'unic, yac amajticlambe ta lum te alaletic yu'unic soc yac ajamticlambe sch'uhtic te antsetic swoloj yalic, xchi.

Job 19:3

Lajunebix buelta la awuts'inonic ta c'op; ¿ma bal yacuc xq'uexawex yu'un te yac atenonic ta c'ope?

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

Proverbios 6:16

Ay waqueb te bin ya sp'aj te Jehová, huqueb te bin ya yihlay:

Eclesiastés 11:2

Pucticlana ta hucwohc', o ta waxacwohc' te bintic ay awu'un, como ma na'biluc awu'un bin wocolil ya xtal ta q'uinal.

Isaías 28:27

Te eneldo ma ba ya yich' wuyel ta swuyojibal, soc ma ba ya xc'ax carreta ta sba te comino; te eneldo ya yich' majel ta tut te', te comino ya yich' majel ta te'.

Isaías 41:15

Ilawil, ya cac'at ta sloq'uesojibal spat trigo te ha yach'il soc te ay bayel ye. Ya me awuy te witsiltic soc ya me ajuch', yac ac'atp'un ta suhlil trigo te tsehletique.

Isaías 7:16

Te c'alal ma to sna' tsahtayel a te banti lec soc te banti ma lecuc, jochol ya xhil sq'uinal te cha'tuhl ajwaliletic te axi'oje.

Isaías 7:8

Como te jolal yu'un Siria, ha te Damasco, soc te jolal yu'un Damasco, ha te Rezín. Ma to sta ho'eb schanwinic (65) ha'bil a ya yich' jinel te Efraín, ma pueblohuc ya xhil.

Isaías 8:4

Como te c'alal ma to sna' yalel a: jtat soc jnan, te quereme, te sc'ulejal te Damasco soc te bintic pojbil yu'un Samaria ya me x'ich'otic bahel ta stojol te ajwalil yu'un Asiria, xchi.

Amós 1:11

Hich yaloj te Jehová: Ta scuenta oxchahp mulil yu'un Edom, ta scuenta chanchahp, ma ba ya jcom te castigo yu'une; como la snuts bahel ta espada te yermano, ma ba la yac' ta ilel sc'uxul yo'tan; u'untaybil spisil ora yu'un te sc'ahc'al yo'tan, stalel sq'uejoj yilimba.

Amós 1:13

Hich yaloj te Jehová: Ta scuenta oxchahp mulil yu'un Amón, ta scuenta chanchahp, ma ba ya jcom te castigo yu'une; como la sjambe sch'uht ta espada te antsetic yu'un Galaad te swoloj yalic, yu'un ya smuc'ubtes xan te sq'uinale.

Amós 1:6

Hich yaloj te Jehová: Ta scuenta oxchahp mulil yu'un Gaza, ta scuenta chanchahp, ma ba ya jcom te castigo yu'une; como la yic' bahel ta chuquel spisil te jun pueblo yu'un ya ya'be ta sc'ab Edom.

Amós 1:9

Hich yaloj te Jehová: Ta scuenta oxchahp mulil yu'un Tiro, ta scuenta chanchahp, ma ba ya jcom te castigo yu'une; como la yac' ta sc'ab Edom jun pueblo, ma ba la yich' ta cuenta te chapbil-c'op ta stojol mach'atic yermano sbahic.

Amós 2:1

Hich yaloj te Jehová: Ta scuenta oxchahp mulil yu'un Moab, ta scuenta chanchahp, ma ba ya jcom te castigo yu'une; como la schic'be sbaquel te ajwalil yu'un Edom ha to tanub yu'un.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Amós 2:6

Hich yaloj te Jehová: Ta scuenta oxchahp mulil yu'un Israel, ta scuenta chanchahp, ma ba ya jcom te castigo yu'une; como la schonic ta taq'uin te mach'a toj yo'tan soc la schonic te pobre ta stojol jchahp zapato.

Zacarías 9:1

Ha ini te sc'op Jehová ta stojol te q'uinal yu'un Hadrac soc ta stojol Damasco: Spisil te ants-winiquetic soc spisil te jchahp sts'umbal Israel ya sc'an ya yac' sitic ta stojol Jehová.

Zacarías 9:2

Ha nix hich Hamat te jun smojon soc Damasco, soc te Tiro soc Sidón, aunque bayel sp'ijilic.