3 Juan 1:6 - Bible in Tzeltal Bachajón

⁶ Ha'ic la yalic ta stojol te iglesia bin ut'il ay sc'oblal te sc'uxul awo'tane. Lec yac apas teme yac acoltaylan bahel hich te bin ut'il ya sc'an yo'tan te Diose,

Nuevo Testamento Tzeltal de Amatenango

⁶ Jaꞌ a yalikix ta stojol te jtijkꞌ hermanoetik te tutꞌil la akꞌuxutaye. Awokoluk, koltaylana me te tut puersa yuꞌun te sigue ya xbeenik baele, jich tutꞌil lek ya yil te Diose.

Bible in Tzeltal de Oxchuc y Tenejapa

⁶ Ja' la xcholiquix ta stojol te jtsojp jch'uunjeletic li'to te bit'il la yich'ic c'uxtayel awu'une. Jich yu'un ya calbat wocol yu'un te jichuc yacuc acoltaybon xan ta swenta sbeibic, swenta ma'yuc swocolic te ya xbeenic te bit'il ay ta swentaic spasel yat'el te Diose.

3 Juan 1:6 ပူးပေါင်းရင်းမြစ်များ

Génesis 4:7

Teme lec bin yac apas, ¿ma bal lecuc ac'oblal ya xc'ohat yu'un? Yan teme ma lecuc bin yac apas, ay ta ti'nahil te mulile; ha ya sc'anat, pero ha'at ya me atsal, xchi.

Jonás 4:4

Pero hich la sjac' te Jehová: ¿Lec bal yac awa'iy te bayel ya x'ilinat? xchi sc'oblal.

Hechos 15:29

Ma me xawe'ic te bin a'bot scuenta milbil mahtanil yu'un loc'ombahetic, ma me xawe'ic ch'ich' o te bin ts'otbil nax ta snuc', soc ma me xawa'iyic antsiwej o ma me xawac' abahic ta antsinel. Teme hich yac ach'uhunic spasele, lec bin yac apasic, xchi te carta.

Hechos 15:3

C'alal ticonotic bahel yu'un te iglesia, c'axic ta Fenicia soc Samaria, la yalbeyic bin ut'il yac suhtesbel yo'tanic ta stojol Dios te jyanlumetique. Mero tse'el yo'tanic yu'un spisil te yermanotaque.

Hechos 21:5

C'alal ts'acay sc'ahc'alel, loc'otcotic bahel. La sjoquinotcotic loq'uel tal ta sti'il te pueblo spisilic soc yihnamic soc yal-snich'nabic, la jquejan jbahcotic ta ti'ha', la jc'oponcotic Dios.

Romanos 15:24

ya me xtalon ta banti ayex te c'alal ya xbohon ta España. Co'tanuc ya xc'ax quilex, yu'un ya jmulan te ya joquinex cheb oxeb c'ahc'al, patil yacuc acoltayonic xan bahel ta España.

2 Corintios 1:16

La jnop te ya xc'ax quilex te c'alal ya xbohon ta Macedonia, soc te c'alal ya suhton tal ta Macedonia ya xc'ax jcha'ilex xan yu'un hich yac acoltayonic xan bahel ta Judea.

Filipenses 4:14

Pero lec te la awa'iybonic te jwocole.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

1 Tesalonicenses 2:12

Soc tulan sc'oblal la jcalbeyexcotic te hich me ya x'ayinex te bin ut'il ya sc'an ta stojol Dios, te la yiq'uex ochel ta banti te cuentahinel yu'un soc ta yutsilal.

Tito 3:13

Coltaya ta spisil bintic ya xtuhun yu'unic te Zenas te maestro yu'un Ley, soc te Apolos, scuenta yu'un mayuc bin ya xpasotic falta yu'un.

1 Pedro 2:20

Pero ¿bin awutsilalic yac atahic a teme jun awo'tanic yac ac'ases awocolic ta scaj amulic? Yan teme yac ac'ases awocolic yu'un spasel te bin leque, ha lec yo'tan Dios yu'un.

3 Juan 1:12

Ta spisilic lec sc'oblal yu'unic te Demetrio, soc ha nix ya xhalbot lec sc'oblal yu'un te smelelil c'ope. Ha nix hichotcotic lec sc'oblal cu'uncotic, soc ana'ojic te melel te bin ya calcotic ta testigo-c'ope.