3 Juan 1:4 - Bible in Tzeltal Bachajón

⁴ Mayuc yan te c'ax hich stse'elil co'tan yu'un a te ya ca'iy te st'unojic te smelelil c'op te cal-jnich'nabe.

Nuevo Testamento Tzeltal de Amatenango

⁴ Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.

Bible in Tzeltal de Oxchuc y Tenejapa

⁴ Ma'yuc yan te bila ya xbujts'naj co'tan ta lec yu'une, ja' nax te c'alal ya caiy stojol te jun yo'tanic ta spasel te bi ya yal te smelelil c'op te mach'atic cal-jnich'nabe.

3 Juan 1:4 ပူးပေါင်းရင်းမြစ်များ

1 Reyes 2:4

Soc scuenta yu'un hich me ya yac' c'ohtuc ta pasel a te Jehová te bin la yalbon, te hich la yal: Teme ya scanantaybon te be cu'un te anich'nab, teme smelelil ya xbehenic ta jtojol ta spisil yo'tanic soc ta spisil sch'uhlelic, mayuc bin ora te mayuc ats'umbal te ya xhuhcaj ta huctajibal yu'un Israel, xchi.

1 Reyes 3:6

La sjac' te Salomón: Ha'at bayel la ac'uxultay te jtat, ha te awa'bat David, como jun yo'tan ta atojol soc stojil bin la spas, soc lec yo'tan ta atojol. Ma ba ch'ayem te smuc'ul sc'uxul awo'tan ta stojol, la awac' te ay snich'an te ya shuhcan sba ta shuctajib hich te bin ut'il yac ta c'ohel ta pasel ta ora ini.

2 Reyes 20:3

Ya calbat wocol, Jehová, te yacuc ana' te ta smelelil behenemon ta atojol soc ta spisil co'tan, soc jpasoj te bintic lec awo'tan yu'un, xchi. Hich och ta tulan oq'uel te Ezequías.

Proverbios 23:24

Bayel stse'elil yo'tan te stat te mach'a toj yo'tan; te mach'a ya snich'antay te mach'a ay sp'ijil yo'tan, tse'el yo'tan yu'un.

Isaías 38:3

Jehová, na'a me te bin ut'il smelelil soc jun co'tan behenon ta atojol, soc la jpas te bin lec awo'tan yu'un, xchi. Bayel oc' te Ezequías.

Isaías 8:18

Ho'on soc te jnich'nab te la ya'bon te Jehová ha señahotic soc jchahp a'telilotic ta stojol Israel te la yac' te Jehová te scuentahinej spisil, te nahinem ta wits Sión.

2 Corintios 6:13

Scuenta yu'un hich nix awo'tanic te bin ut'il te co'tancotic, hich ya jc'oponex te bin ut'il cal-jnich'nab: Jama awo'tanic ec.

Gálatas 2:14

Pero te c'alal la jquil te ma stojiluc yac spasbelic te bin ya yal te smelelil c'op yu'un te lec yach'il c'op, hich la jcalbe te Pedro ta comonsitil: Teme ha'at judíohat hich ya xcuxajat te bin ut'il jyanlumetic, ma hichuc te bin ut'il judío, ¿bin yu'un yac asuj te jyanlumetic te hich ya xcuxajic te bin ut'il te judíohetique? xchihon.

Gálatas 4:19

Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,

1 Tesalonicenses 2:11

Soc ana'ojic bin ut'il la jtsitsexcotic soc la jmuc'ubtesbeyexcotic q'uinal awa'iyic ta jujutuhlex, hich te bin ut'il ya spas te tatil ta stojol te snich'nabe.

1 Timoteo 1:2

ta stojol Timoteo, te mero jnich'an ta scuenta sch'uhunel-o'tanil: Ayuc me awu'un yutsil-o'tanil, sc'uxul-o'tanil soc lamal q'uinal yu'un te Jtatic Dios soc te Cajwaltic Cristo Jesús.

2 Timoteo 1:2

ta atojol, Timoteo, te jnich'an te c'uxat ta co'tan: Ayuc me ta atojol yutsil-o'tanil, sc'uxul-o'tanil soc lamal q'uinal yu'un te Jtatic Dios soc te Cajwaltic Jesucristo.

Filemón 1:10

Ya jc'oponat yu'un te jnich'an Onésimo, te ha jnich'an c'oht te c'alal ayon ta chuquele.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

2 Juan 1:4

Mero tse'el co'tan yu'un te la jta te ay awalatac te yaquic ta behel ta stojol te smelelil c'op, hich te bin ut'il pasbilotic ta mandar yu'un te Tatile.