2 Samuel 9:7 - Bible in Tzeltal Bachajón

⁷ La yal te David: Ma xiwat, yu'un ya jc'uxultayat scuenta sna'ojibal te atat Jonatán. Ya me suht ta atojol spisil te sq'uinal te amamuch Saúl, soc spisil ora ya xwe'at ta mesa cu'un, xchi.

Bible in Tzeltal de Oxchuc y Tenejapa

⁷ Te David jich la yal: —Ma me xiwat, melel ya me jc'uxtayat swenta sna'ojibal te atat Jonatán. Ya me cac' sujt'uc ta awenta spisil te sq'uinal te amam Saúl, soc spisil me ora ya xwe'at ta jmesa —xi'.

2 Samuel 9:7 ပူးပေါင်းရင်းမြစ်များ

Génesis 43:18

Ha yu'un te winiquetic och xiwel ta yo'tanic yu'un c'alal ic'otic ochel ta sna José, hich la yalbe sbahic: Ha la yic'otic tal li'i ta scaj te taq'uin te suht bahel ta jcostaltic ta shahchibal, yu'un ya slehbotic jmultic, ya stsacotic soc ya smosohinotic soc te burrohetic cu'untic, xchihic yu'un.

Génesis 43:23

Hich la sjac': Ma xamel awo'tanic, ma xiwex. Te Dios awu'unic soc te Dios yu'un atatic la ya'beyex ta acostalic te taq'uine; ho'on la jtsacbeyex te ataq'uinique, xchi. La yic' tal ta stojolic te Simeón.

2 Samuel 12:8

La jca'bat te sna soc te antsetic yu'un te awajwal, soc la jca'bat acuentahin te Israel soc te Judá. Teme ma ba bayel yac awa'iy, ay to bayel xan ya ca'bat te hichuque.

2 Samuel 19:28

Como spisil te mach'atic ay yu'un ta sna te jtat ayic ta scuenta lajel ta stojol te ajwalil cu'un, pero ha'at la awac' te a'bat awu'un ta yohlil te mach'atic ic'bilic ta we'el ta amesa. ¿Bin yan ya xhu' ya jc'ambe ta stojol te ajwalile? xchi.

2 Samuel 19:29

Hich halbot yu'un te ajwalil: ¿Bin xan yan c'op? Ho'on la jnopix te ha'at soc te Siba ya me apasic ta ohlil te q'uinale, xchi.

2 Samuel 19:33

Te ajwalil hich la yalbe te Barzilai: Conic ta Jerusalén, tey ya jcuentahinat a, xchi.

2 Samuel 21:7

Te ajwalil la sc'uxultay te Mefi-boset snich'an Jonatán, snich'an Saúl, scaj te ay bin yalojic ta jamal ta stojol Jehová te David soc te Jonatán snich'an Saúl.

2 Samuel 9:1

La sjoc'oy te David: ¿Ay to bal mach'a ay yu'un Saúl te cuxul hilel te ya xhu' ya jc'uxultay ta scuenta sna'ojibal te Jonatán? xchi.

2 Samuel 9:10

Ha'at soc anich'nab soc te a'batetic awu'un ya me x'a'tejex ta sq'uinal soc ya me atsobeyic te sit bintic ya xloc' tey a, scuenta yu'un hich ay swe'el a te smam te chawinic awajwal. Pero te Mefi-boset, te smam te chawinic awajwal, ya xwe' spisil ora ta mesa cu'un stuquel, xchi. Te Siba ay ho'lajuntuhl (15) snich'nab soc jtahb (20) ta tuhl a'batetic yu'un;

2 Samuel 9:11

hich la sjac'be te ajwalil: Spisil te bin la awalix, ajwalil, hich me ya spas te a'bat awu'une, xchi. Hich te Mefi-boset spisil ora we' ta smesa David, hich bin ut'il snich'an te ajwalile.

2 Samuel 9:13

Te Mefi-boset, te chamen schebal te yoc, nahin ta Jerusalén como spisil ora ya xwe' ta smesa te ajwalile.

2 Samuel 9:3

¿Ma bal ayuc mach'a ay yu'un Saúl te cuxul hilem te ya xhu' ya jc'uxultay ta scuenta Dios? xchi te ajwalil. Te Siba la sjac'be te ajwalil: Ay to hilem jtuhl snich'an Jonatán, chamen schebal yoc, xchi.

1 Reyes 2:7

Yan te snich'nab Barzilai te talemic ta Galaad, c'uxultaya stuquelic, ha'uc me te ic'bilic awu'un ta amesa, como ha la scoltayonic te c'alal ayon ta ahnel ta stojol abanquil Absalón.

2 Reyes 25:29

Te Joaquín la sjeltay te sc'u' scuenta chuquel soc la sjoquin ta we'el te jayeb c'ahc'al cuxul.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

Jeremías 52:33

Hich te Joaquín la sloq'ues hilel sc'u' spac' te slapoj c'alal ay ta cárcel, soc te jayeb xan c'ahc'al cuxul, we' ta smesa te ajwalile.

Zacarías 7:9

Hich yaloj te Jehová te scuentahinej spisil: Stojil me xawa'iyic chahpanwanej, pasahic c'uxultaywanej soc talel c'axel me xana'be yo'bolil abahic;

San Mateo 6:11

A'botcotic jwe'elcotic yo'tic scuenta jujun c'ahc'al.

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

Apocalipsis 3:20

Ilawil, teq'uelon ta ti'nahil, yacon ta c'op; teme ay mach'a ya ya'iybon jc'op soc ya sjambon te ti'nahil, ya x'ochon, ya joquin ta we'el soc ya sjoquinon ta we'el.

1 Samuel 12:24

Ha nax ich'ahic ta muc' te Jehová soc ac'a abahic ta a'batinel yu'un ta mero melel soc ta spisil awo'tanic; na'ahic me te bintic muc' la spasbeyex.

1 Samuel 20:15

ma me ayuc bin ora ya xch'ay sc'uxul awo'tan ta stojol te mach'atic ay cu'un. C'alal Jehová ya slajin ta q'uinal jujutuhl te scontra David, ma me xawac' ch'ayuc te sbihil Jonatán ta sna David, xchi.

1 Samuel 22:23

Hilan li'i, ma me xiwat. Te mach'a ya sc'an ya smilon ha nix hich ya sc'an ya smilat. Mayuc bin ya spasbat yu'un te ajoquinejonix, xchi.