2 Samuel 9:3 - Bible in Tzeltal Bachajón

³ ¿Ma bal ayuc mach'a ay yu'un Saúl te cuxul hilem te ya xhu' ya jc'uxultay ta scuenta Dios? xchi te ajwalil. Te Siba la sjac'be te ajwalil: Ay to hilem jtuhl snich'an Jonatán, chamen schebal yoc, xchi.

Bible in Tzeltal de Oxchuc y Tenejapa

³ Te muc' ajwalil la sjojc'obey: —¿Ay to bal jilem te mach'atic ay yu'un te Saúl, te ya xju' ay bi ya cac'bey ta swenta te Diose? —xi'. Te Siba la sjac': —Ay to jilem jtul snich'an Jonatán te boloben xchebal yacane —xi'.

2 Samuel 9:3 ပူးပေါင်းရင်းမြစ်များ

2 Samuel 19:26

Ha la sjac': Ajwalil cu'un, la slo'loyon te a'bat cu'un, como hich la yal te a'bat awu'une: Chahpambon burro yu'un ya xmohon a, ya xbohon ta ban ay te ajwalil, xchihon, como coxo' te a'bat awu'un.

2 Samuel 19:27

Pero la slehix ta c'op te a'bat awu'un ta stojol te ajwalil cu'un. Pero te ajwalil cu'un hich ay te bin ut'il ch'ul a'bat yu'un Dios. Pasa hiche te bin lec yac awa'iy.

2 Samuel 4:4

Te Jonatán snich'an Saúl, ay jtuhl snich'an te chamen schebal yoc. Ayix ho'eb ya'bilal a te hul ta halel ta Jezreel te lajix te Saúl soc te Jonatán. Te jcoltesej-alal la yic' bahel ta ahnel, c'alal yac ta tulan ahnel soc a, yahl te alal, hich coxo' hil. Ha Mefi-boset te sbihile.

2 Samuel 9:13

Te Mefi-boset, te chamen schebal te yoc, nahin ta Jerusalén como spisil ora ya xwe' ta smesa te ajwalile.

2 Samuel 9:7

La yal te David: Ma xiwat, yu'un ya jc'uxultayat scuenta sna'ojibal te atat Jonatán. Ya me suht ta atojol spisil te sq'uinal te amamuch Saúl, soc spisil ora ya xwe'at ta mesa cu'un, xchi.

San Lucas 6:36

Ha yu'un te ha'exe a'iyahic me c'uxultaywanej, hich te bin ut'il jc'uxultaywanej te Atatique.

Deuteronomio 10:15

Pero te Jehová ha nax lec yo'tan ta stojol te ame'atatic soc c'ux la ya'iy ta yo'tan, soc ta patil la stsa te sts'umbalic, ha te ha'exe, ta yohlil spisil te nacionetic, hich te bin ut'il ta ora ini.

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,