2 Samuel 9:11 - Bible in Tzeltal Bachajón

¹¹ hich la sjac'be te ajwalil: Spisil te bin la awalix, ajwalil, hich me ya spas te a'bat awu'une, xchi. Hich te Mefi-boset spisil ora we' ta smesa David, hich bin ut'il snich'an te ajwalile.

Bible in Tzeltal de Oxchuc y Tenejapa

¹¹ La sjac'bey te sc'op te muc' ajwalile: —Spisil te bi la awalixe, muc' ajwalil cu'un, ya me jpas, jo'on te abaton awu'une —xi'. Te Mefi-boset spisil ora we' ta smesa David, jich bit'il snich'an te muc' ajwalile.

2 Samuel 9:11 ပူးပေါင်းရင်းမြစ်များ

2 Samuel 15:15

Te a'batetic yu'un te ajwalil la yalbeyic: Te a'batetic awu'un ya sch'uhunic spasel spisil bintic ya yal te ajwalil cu'uncotic, xchihic.

2 Samuel 19:17

Sjoquinej tal lajunwinic yoxbahc' (1,000) ta tuhl winiquetic yu'un Benjamín. Ha nix hich te Siba, te ya'bat te mach'atic ay yu'un te sna Saúl, soc te ho'lajuntuhl (15) snich'nab soc jtahb (20) ta tuhl ya'bat, ora co bahel ta Jordán ta stojol te ajwalil.

2 Samuel 19:24

Ha nix hich te Mefi-boset snich'an Saúl, loc' ta stahel te ajwalil, ma ba spocoj yoc, ma ba set'oj yisim, soc ma ba sac'oj sc'u' spac' a te bin ora loc' bahel te ajwalil ha to c'alal lec suht tal.

2 Samuel 19:26

Ha la sjac': Ajwalil cu'un, la slo'loyon te a'bat cu'un, como hich la yal te a'bat awu'une: Chahpambon burro yu'un ya xmohon a, ya xbohon ta ban ay te ajwalil, xchihon, como coxo' te a'bat awu'un.

2 Samuel 9:10

Ha'at soc anich'nab soc te a'batetic awu'un ya me x'a'tejex ta sq'uinal soc ya me atsobeyic te sit bintic ya xloc' tey a, scuenta yu'un hich ay swe'el a te smam te chawinic awajwal. Pero te Mefi-boset, te smam te chawinic awajwal, ya xwe' spisil ora ta mesa cu'un stuquel, xchi. Te Siba ay ho'lajuntuhl (15) snich'nab soc jtahb (20) ta tuhl a'batetic yu'un;

2 Samuel 9:12

Te Mefi-boset ay jtuhl snich'an te tut to, Micaía sbihil. Spisil te mach'atic ay ta sna Siba ayic ta a'batinel yu'un Mefi-boset.

2 Samuel 9:13

Te Mefi-boset, te chamen schebal te yoc, nahin ta Jerusalén como spisil ora ya xwe' ta smesa te ajwalile.