2 Samuel 9:1 - Bible in Tzeltal Bachajón

¹ La sjoc'oy te David: ¿Ay to bal mach'a ay yu'un Saúl te cuxul hilel te ya xhu' ya jc'uxultay ta scuenta sna'ojibal te Jonatán? xchi.

Bible in Tzeltal de Oxchuc y Tenejapa

¹ Te David la sta yorail jich la sjojc'o: —¿Ay to bal cuxul jilel te mach'atic ay yu'un te Saúl, te ya xju' ya jc'uxtay ta swenta sna'ojibal te Jonatán? —xi'.

2 Samuel 9:1 ပူးပေါင်းရင်းမြစ်များ

2 Samuel 1:26

Ay jwocol ta mel-o'tan awu'un, Jonatán, quermanohat, c'ax ay yutsil ac'oblal la jca'iy. C'ax hich la jca'iy a te sc'uxul awo'tan te bin ut'il sc'uxul yo'tan te antsetique.

2 Samuel 21:7

Te ajwalil la sc'uxultay te Mefi-boset snich'an Jonatán, snich'an Saúl, scaj te ay bin yalojic ta jamal ta stojol Jehová te David soc te Jonatán snich'an Saúl.

2 Samuel 9:7

La yal te David: Ma xiwat, yu'un ya jc'uxultayat scuenta sna'ojibal te atat Jonatán. Ya me suht ta atojol spisil te sq'uinal te amamuch Saúl, soc spisil ora ya xwe'at ta mesa cu'un, xchi.

1 Reyes 2:7

Yan te snich'nab Barzilai te talemic ta Galaad, c'uxultaya stuquelic, ha'uc me te ic'bilic awu'un ta amesa, como ha la scoltayonic te c'alal ayon ta ahnel ta stojol abanquil Absalón.

Proverbios 27:10

Ma me xapihtes aba soc awamigo o te yamigo te atate; soc ma me xbahat ta sna awermano te bin ora ay awocol, ha lec xan te apat-axuhc te nopol ay te bin ut'il awermano te namal aye.

San Mateo 10:42

Mach'ayuc a te ya ya'be junuc vaso siquil ha' jtuhluc te peq'uel ay te bin ut'il ha jnopojel, jamal ya calbeyex te ma ba ya xch'ay te smahtane, xchi te Jesús.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Marcos 9:41

Mach'ayuc a te ya ya'beyex awuch'ic jun vaso ha' ta scuenta jbihil, te bin ut'il ha yu'unex Cristo, jamal ya calbeyex te ma ba ya xch'ay te smahtane.

1 Pedro 3:8

Ta scuenta slajibal, junuc me awo'tan abahic ta apisilic, na'a yo'bolil abahic, c'ux me xawa'iy abahic te bin ut'il awermano abahic, a'iyahic c'uxultaywanej soc peq'uel me xawac' abahic.

1 Samuel 20:42

Te Jonatán hich la yalbe te David: Jun awo'tan xbahat, como jchebaltic hich calojtic ta jamal ta scuenta sbihil Jehová: Ha testigo ta jtojoltic spisil ora te Jehová soc ta stojol ats'umbal soc te jts'umbale, xchi. Hich loc' bahel te David, yan te Jonatán suht bahel ta pueblo.