2 Samuel 8:4 - Bible in Tzeltal Bachajón

⁴ Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

Bible in Tzeltal de Oxchuc y Tenejapa

⁴ Te David la stsac jmil soc jo'lajunwinic xcha'bajc' (1,700) soldadoetic te cajajtic ta caballo, soc jtab ta jmil (20,000) soldadoetic yacalic ta beel yacanic. Soc xan la set'beyic xchial yacan spisil te caballoetic te ya snitic carretaetic yu'un guerra, ja' xanix la yijq'uitay te jaycojt' ya xtuun yu'unic, yu'un ya yac'beyic snit jo'winic carretaetic.

2 Samuel 8:4 ပူးပေါင်းရင်းမြစ်များ

Génesis 49:6

Ma x'ochon ta banti ya schap sc'opic, soc ma ba ya joquin jba soc c'alal ya stsob sbahic, como ta scuenta yilimbahic la smilic winiquetic soc ta scuenta sbohlil yo'tanic la sbojticlambeyic schihal yacan torohetic.

1 Reyes 10:26

Te Salomón la stsob carretahetic soc jmoheletic ta cawu. Ay j'ohlil schanbahc' (1,400) carretahetic yu'un soc j'ohlil scha'pic (12,000) jmoheletic ta cawu. Spisil la yac'ticlan ta pueblohetic yu'un carretahetic, soc ta banti ay te ajwalil ta Jerusalén.

1 Crónicas 18:4

Te David la yich'be lajunwinic yoxbahc' (1,000) carretahetic yu'un guerra, soc j'ohlil swaxaclajunbahc' (7,000) jmoheletic ta cawu soc j'ohlil yoxpic (20,000) winiquetic te behel ta yoquic. Te David la sbojticlambe schihal yacanic spisil te cawuhetic te ya snitic te carretahetic, ha xanix la yihquitay cawuhetic scuenta ho'winic (100) carretahetic.

Salmos 20:7

Ay mach'atic te ha smuc'ulinej yo'tanic carretahetic, ay yantic te ha smuc'ulinej yo'tanic cawuhetic; yan te ho'otic, ha smuc'ulinej co'tantic te sbihil Jehová te Dios cu'untique.

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Josué 11:6

Pero te Jehová la yalbe te Josué: Ma me xaxi', como ta hichilan ora pajel spisilic lajemic a ya cac'ticlan ta stojol Israel; yac abojbe schihal yacan scawuhic soc yac achic'be te scarretahic yu'un guerra, xchi.

Josué 11:9

Te Josué hich la spasbe te bin ut'il pasot ta mandar yu'un Jehová: la sbojticlambe schihal yacan te scawuhic soc la schic'ticlambe te scarretahic yu'un guerra.