2 Samuel 8:3 - Bible in Tzeltal Bachajón

³ Ha nix hich te David la stsal te Hadad-ezer snich'an Rehob, ajwalil yu'un Soba, te c'alal yac ta yich'el suhtel te sq'uinal ta muc'ul-ha' Éufrates.

Bible in Tzeltal de Oxchuc y Tenejapa

³ Soc la stsal te Hadad-ezer, te snich'an Rehob, te muc' ajwalil ta Soba, te c'alal yac ta yu'uninel xan a te q'uinal ta muc'ja' Eufrates.

2 Samuel 8:3 ပူးပေါင်းရင်းမြစ်များ

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

2 Samuel 10:15

Te c'alal la yil te siriohetic te tsalotiquix yu'un te snich'nab Israel, la stsob xan sbahic.

2 Samuel 10:16

Te Hadad-ezer la sticon ta iq'uel tal te siriohetic te ayic ta jehch muc'ul-ha' Éufrates. Hich talic ta Helam, ha jtsobaw yu'un spisil te soldadohetic yu'un Hadad-ezer te Sobac.

2 Samuel 10:19

Spisil te ajwaliletic te la scoltayic te Hadad-ezer, c'alal la yilic te tsalotic yu'un Israel, la sc'anic lamal q'uinal soc Israel, soc la yac' sbahic ta a'batinel ta stojolic. Ta hich ora bahel te siriohetic la xi'ic te ya scoltayic te amonetique.

2 Samuel 10:6

Te c'alal la yilic te snich'nab Amón te ihlintaybil c'ohtic ta stojol David, la stojic j'ohlil yoxpic (20,000) ta tuhl siriohetic ta Bet-rehob soc ta Soba, lajunwinic yoxbahc' (1,000) ta tuhl winiquetic yu'un te ajwalil ta Maaca, soc j'ohlil scha'pic (12,000) ta tuhl winiquetic yu'un Is-tob.

2 Samuel 23:36

Igal snich'an Natán, te talem ta Soba; Bani te talem ta Gad;

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

1 Crónicas 18:3

Ha nix hich te David la stsal ta Hamat te Hadad-ezer ajwalil yu'un Soba, c'alal Hadad-ezer baht yu'untay te q'uinal ta sti'il te muc'ul-ha' Éufrates.

2 Crónicas 8:3

Ta patil, te Salomón baht ta Hamat-Soba, la yu'untay.

Salmos 60:1

Dios cu'un, la ap'ajotcotic, la ajinotcotic; ilinemat. ¡Suhtan tal ta jtojolcotic!

Salmos 72:8

Ya me scuentahin c'alal ta sti'il mar c'alal ta yan sti'il, soc ta muc'ul-ha' c'alal ta sti'il bahlumilal.

Éxodo 23:31

Ha sti'il aq'uinal ya xc'oht cu'un te Mar Rojo c'alal ta mar yu'un filisteohetic, soc ta jochol taquin q'uinal c'alal ta muc'ul-ha' Éufrates, yu'un ya ca'bat ta ac'ab te mach'atic nahinemic tey ta q'uinal, soc ha'at yac atenticlan loq'uel ta atojol.

Deuteronomio 11:24

Spisil te lugar banti yac ateq'uic, ha awu'unic ya xc'oht; ta jochol taquin q'uinal c'alal ta Líbano, ta muc'ul-ha' Éufrates c'alal ta mar ay ta stojol banti ya xmahl c'ahc'al, ha aq'uinalic ya xc'oht.

1 Samuel 14:47

Te c'alal ochemix ta ajwalil yu'un Israel a te Saúl, la ya'be guerra spisil te scontra ta sjoyobal: ha te Moab, te snich'nab Amón, Edom, te ajwaliletic yu'un Soba soc te filisteohetique. Ta bayuc ya xbaht, ha ya ya'iy tsalaw.