2 Samuel 8:11 - Bible in Tzeltal Bachajón

¹¹ Te David la ya'be Jehová spisil te biluquetic, hich te bin ut'il la spas soc te plata soc oro te talem ta spisil te nacionetic te la stsalticlan:

Bible in Tzeltal de Oxchuc y Tenejapa

¹¹ Te David la yac'bey Cajwaltic spisil te biluquetique, jich nix te bit'il la yac'bey ta swenta spisil te oro soc plata te talemic ta bayuc nacionetic te la yu'unine,

2 Samuel 8:11 ပူးပေါင်းရင်းမြစ်များ

2 Samuel 8:10

la sticon bahel Joram te snich'an ta stojol te ajwalil David ta spatbeyel yo'tan soc ta yalbeyel te lec te la ya'be guerra te Hadad-ezer soc te la stsal, como te Toi ayix ora a'bot guerra yu'un. Te Joram yich'oj biluquetic te pasbilic ta plata, oro soc ta bronce.

1 Reyes 7:51

Hich hu' spisil te a'tel la yac' ta pasel te ajwalil Salomón yu'un te sna Jehová. Soc la yich' tal te bintic parte yac'oj hilel te David te stat, ha te plata, oro soc yantic biluquetic; la yac' ta yawil c'ulejalil ta sna Jehová.

1 Crónicas 18:11

te ha nix la yac' te ajwalil David ta stojol Jehová soc te oro soc plata te la yich'be spisil te nacionetic yu'un Edom, Moab, te sts'umbal Amón, te filisteohetic soc te Amalec.

1 Crónicas 29:2

Ta spisil quip la jchahpan te bintic ya xtuhun yu'un te sna te Dios cu'un: ha te oro yu'un te bin ya yich' pasel ta oro, plata yu'un te bin ya yich' pasel ta plata, bronce yu'un te bin ya yich' pasel ta bronce, hierro yu'un te bin ya yich' pasel ta hierro, soc te'etic yu'un te bin ya yich' pasel ta te', soc ónice, soc tonetic te ya yich' ch'ulel, te ay bayel sch'ahlel, bayel ta chahp t'ujbil tonetic, soc bayel mármol.

2 Crónicas 5:1

C'alal hu' spisil te a'tel te la spas te Salomón yu'un te sna Jehová, la yich' tal te bintic yac'ojix ta stojol Jehová te David te stat: ha te plata, oro, soc spisil te bintic ya xtuhun tey a, la yac' ta yawil sc'ulejal te ay ta sna te Diose.

Miqueas 4:13

¡Hahchan, wuya, yantsil-nich'anat Sión! yu'un ya cac' te ha taq'uin ya xc'oht axulub, soc te bronce ya xc'oht te awech'ac: yac asesen bayel pueblohetic, soc yac awac' ta stojol Jehová te sbiluquic te yelc'anejic, soc yac awa'be sc'ulejalic te Ajwalil yu'un swohlol bahlumilal.