2 Samuel 7:8 - Bible in Tzeltal Bachajón

⁸ Ha yu'un hich xawalbe te ca'bat David: Hich yaloj te Jehová te scuentahinej spisil: Ho'on la jquic'at loq'uel tal ta scanantayel tuminchijetic ta aquiltic, yu'un ya x'ochat ta príncipal yu'un te jpueblo Israel.

Bible in Tzeltal de Oxchuc y Tenejapa

⁸ Soc albeya xan te cabat David, te jo'on Ajwalilon te Spisil ya xju' cu'une ya calbey: “Jo'on la jloq'uesat tel ta corral yu'un chijetic, jo'on la jloq'uesat ta smaquel chijetic, swenta yu'un ya x'ochat ta jwentainwanej yu'un te lum Israel cu'une.

2 Samuel 7:8 ပူးပေါင်းရင်းမြစ်များ

2 Samuel 12:7

Ha yu'un te Natán hich la yalbe te David: Ha'at abi. Hich yaloj te Jehová te Dios yu'un Israel: Ho'on la jtsahat ta ajwalil yu'un Israel, la jcoltayat ta sc'ab Saúl.

2 Samuel 14:13

Hich la sjac' te antse: ¿Bin yu'un anopoj te hich nix yac apas ta scontrahinel te pueblo yu'un Dios? Como te bin ut'il hich ya yal te ajwalil, ha nix ya yal sba te ay smul, te bin ut'il ma ba ya yiq'uix suhtel tal te mach'a stenoj loq'uel.

2 Samuel 23:1

Hich ay te bin la yal ta slajibal te David: Hich la yal te David snich'an Isaí, te winic te tohytesbot sc'oblal, te mach'a tsahbil yu'un te Dios yu'un Jacob, te mach'a buen t'ujbil ya xc'ayojin ta Israel:

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

2 Samuel 5:2

Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

2 Samuel 6:21

Ha yu'un te David la yalbe te Mical: Ha la jpas ta stojol Jehová te ha la stsahon te ho'one, ma ha'uc te atat soc spisil sts'umbal, yu'un ya x'ochon ta príncipal ta stojol te pueblo yu'un Jehová, ha te Israel. Ha yu'un ya jpas q'uin ta stojol Jehová.

1 Reyes 3:6

La sjac' te Salomón: Ha'at bayel la ac'uxultay te jtat, ha te awa'bat David, como jun yo'tan ta atojol soc stojil bin la spas, soc lec yo'tan ta atojol. Ma ba ch'ayem te smuc'ul sc'uxul awo'tan ta stojol, la awac' te ay snich'an te ya shuhcan sba ta shuctajib hich te bin ut'il yac ta c'ohel ta pasel ta ora ini.

1 Reyes 8:16

C'alal bin ora la jloq'ues tal ta Egipto te Israel te pueblo cu'un ha to c'alal ora mayuc banti jtsahoj jun pueblo ta yohlil spisil ta chahp te sts'umbal Israel te banti ya yich' pasel na te ya x'ayin te jbihile, pero la jtsa te David yu'un ya scuentahin te pueblo Israel cu'un, te xchihe.

1 Crónicas 17:7

Ha yu'un halbeya te ca'bat David: Hich yaloj te Jehová te scuentahinej spisil: Ho'on la jloq'uesat tal ta aquiltic ta stojol te tuminchijetic scuenta yu'un ajwalil ya xc'ohat yu'un te pueblo Israel cu'un.

1 Crónicas 21:17

Te David hich la yalbe te Dios: ¿Ma bal ho'ucon te la jcac' ta ahtayel te pueblohe? Ho'on jtahoj jmul, chopol te bin la jpas; pero te tuminchijetic ini ¿bin spasojic? Jehová Dios cu'un, ac'a c'ohtuc ta jtojol te castigo soc ta stojol te mach'atic ay yu'un te jtate, manchuc ya xtal te tulan chamel ta stojol te pueblo awu'une, xchi.

Amós 7:15

Pero te Jehová la yic'on loq'uel ta scanantayel te tuminchijetic, hich la yalbon: Bahan, halbeya sc'op-jalwanej te Israel te pueblo cu'une, xchi.

Hechos 7:46

te lec c'oht ta o'tanil yu'un Dios, soc te la sc'ambe te yacuc x'a'bot spasbe sna te Dios yu'un Jacob.

1 Samuel 10:1

Hich te Samuel la stsac jun yawil aceite, la smalbe ta sjol te Saúl, la yuhts'uy, soc hich la yalbe: Te Jehová la smalbat aceite scuenta jtsobaw ya xc'ohat yu'un te pueblo Israel yu'une.

1 Samuel 2:8

Ha ya shach mohel ta ts'u'lum te pobre, ya shach ta sch'ayojibal c'a'pal te mach'a mayuc bin ay yu'un, scuenta yu'un ya yac' shuhcan sba soc príncipaletic soc ya yac' x'ich'otuc ta muc'. Como yu'un Jehová te yich'o-ip te lumq'uinal, tey la snahcan a te bahlumilale.

1 Samuel 9:16

Ta hichilan ora pajel ya jticombat tal jtuhl winic talem ta sq'uinal Benjamín, ha te mach'a yac amalbe aceite scuenta jcuentahinwanej ya xc'oht yu'un te jpueblo Israel. Ha me ya scoltay loq'uel ta sc'ab filisteohetic te pueblo cu'une; yu'un la jquilbeyix swocol te pueblo cu'un, c'ohtix ta jtojol te awetic yu'unique, xchi.