2 Samuel 7:7 - Bible in Tzeltal Bachajón

⁷ Ta bayuc te behenon soc te snich'nab Israel ¿ay bal hich la jcalbe jchahpuc yu'un Israel, te la jpas ta mandar te ya scuentahin te pueblo Israel cu'un: ¿Bin yu'un ma ba la apasbonic na ta cedro? te xchihone?

Bible in Tzeltal de Oxchuc y Tenejapa

⁷ Ta spisil ora te la joinic ta beel, ma'yuc bi ora la calbey te mach'atic la cac'bey swentainbon te lum Israel cu'une te ya spasbon templo ta cedro”, uta me.

2 Samuel 7:7 ပူးပေါင်းရင်းမြစ်များ

2 Samuel 5:2

Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

1 Crónicas 11:2

Ta nahil to, te c'alal ay ta ajwalil te Saúl, ha'at la awic' loq'uel ta guerra te Israel soc la awic' suhtel tal. Soc hich yalbeyejat te Jehová te Dios awu'un: Ha'at yac acanantay soc ha ajwalil ya xc'ohat ta stojol Israel, te pueblo cu'un, xchihic.

1 Crónicas 17:6

Bayuc behenon soc spisil Israel, ¿ay bal jtuhl juez yu'un Israel te la jcalbe mandar te ya me scanantay te pueblo cu'un, te hich la jcalbe: ¿Bin yu'un ma ba yac apasbon na ta cedro? te xchihone?

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

Jeremías 23:4

Ya cac'ticlambe jcananetic te ya scanantayique. Ma ba ya xiwiquix, ma ba ya smel yo'tanic, soc ma xch'ay jcohtuc, xchi te Jehová.

Jeremías 3:15

Ya ca'beyex jcananetic te lec co'tan yu'unic, te ya stojobtesex bahel soc sp'ijil yo'tanic soc ta scuenta bintic ay ta na'el.

Ezequiel 34:15

Ho'on ya jcanantay te tuminchijetic cu'un, soc ya ca'be scux yo'tanic, xchi te Jehová, te Ajwalil.

Ezequiel 34:2

Snich'anat winic, hala sc'op-jalwanej ta scontrahinel te jcanan-tuminchijetic yu'un Israel, hich me xawalbe te jcanan-tuminchijetic: Hich yaloj te Jehová, te Ajwalil: ¡Obol sbahic te jcanan-tuminchijetic yu'un Israel te ha nax ya smac'lin sbahique! ¿Ma bal yacuc smac'linic te jtsohb tuminchijetique?

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

Miqueas 5:4

C'alal ya xtal ya me xhahch scanantay ta scuenta yu'el te Jehová, ta scuenta yutsil sbihil te Jehová te Dios yu'une; jun yo'tan ya x'ayinic, como muc' sc'oblal ya xc'oht c'alal ta sti'il te bahlumilale;

San Mateo 2:6

Ha'at, Belén, te ayat ta sq'uinal Judá, ma ba tut pueblohat yu'un te principaletic yu'un Judá; como tey ya xloc' tal ta atojol jtuhl jtsobaw te ya scuentahin te pueblo Israel cu'un, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Hechos 21:28

hich la yalic ta aw: ¡Winiquetic yu'un Israel, coltayawotcotic! Ha te winic ini te ya yac' ta nopel ta bayuc te bin scontra te jlumaltic, te Ley soc te lugar ini. Soc ma ha'uc nax, la yic'ticlanix ochel griegohetic ta Templo, hich la sbohlobtesbe sc'oblal ha'i ch'ul lugar ini, xchihic ta aw.

Deuteronomio 23:14

Como te Jehová te Dios awu'un ya xbehen ta yohlil te acampamento yu'un ya scoltayat soc ya ya'bat ta ac'ab te acontratac; ha scuentahil te ya sc'an ch'ultesbil te campamento awu'un, scuenta yu'un ma ba ya yil tey a te bin ma lecuc, te hich ya yihquitayat hilel.

1 Pedro 5:1

Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale: