2 Samuel 7:26 - Bible in Tzeltal Bachajón

²⁶ Ac'a ich'otuc ta muc' ta sbahtel q'uinal te abihil, te hich ya yich' halel: Te Jehová te scuentahinej spisil, ha te Dios yu'un Israel, te xchihe. Soc te sts'umbal te awa'bat David ac'a yich'ic yip ta atojol.

Bible in Tzeltal de Oxchuc y Tenejapa

²⁶ Ac'a ich'otuc ta muc' ta sbajt'el q'uinal te abiile, soc yacuc yich' alel te ja' Dios yu'un Israel stuquel te Ajwalil te Spisil ya xju' yu'une. Te at'el ta muc' ajwalil te ya xc'ot ta swenta te jts'umbal, stalel me ya xjil ta swenta bit'il ya acoltay.

2 Samuel 7:26 ပူးပေါင်းရင်းမြစ်များ

Génesis 17:18

Te Abraham la yalbe te Diose: ¡Te ayuc bin ut'il ya yich' te bendición awu'un te Ismael! xchi.

2 Samuel 7:25

Ha yu'un, Jehová Dios, stalel ac'a hiluc sbahtel q'uinal te bin la awalbeyix sc'oblal te a'bat awu'un soc te sts'umbale, ac'a c'ohtuc ta pasel te bin awaloj.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

1 Reyes 18:37

Jac'bon jc'op, Jehová, jac'bon jc'op scuenta yu'un hich ya sna'ic a te pueblo ini te ha'at Diosat, Jehová, soc te yacuc asuhtesbe yo'tanic ta atojol, xchi.

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Salmos 61:7

Spisiluc ora ay ta ajwalil ta stojol Dios; c'uxultaya soc junuc awo'tan ta stojol scuenta yu'un canantaybil ya xc'oht yu'un.

Salmos 89:36

Stalel ya xhil te sts'umbal soc hich ya xhalaj te shuctajib ta jtojol te bin ut'il ya xhalaj te c'ahc'ale;

San Mateo 6:9

Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

San Juan 12:28

Jtat, ac'a ta ich'el ta muc' te abihile, xchi te Jesús. Tal c'op ta ch'ulchan te la yal: Cac'ojix ta ich'el ta muc', soc ya cac' xan ta ich'el ta muc', xchi.