2 Samuel 7:23 - Bible in Tzeltal Bachajón

²³ ¿Soc mach'a pajal soc te pueblo Israel awu'un, te jun nación te muc' sc'oblal ta bahlumilal? Como te Dios c'oht sloq'ues ta mosohil scuenta pueblo yu'un ya xc'oht, te hich ya stohytesbe sbihil a, yu'un ya spas muc'ul a'teliletic ta scuentahic soc ya spas bintic xiweltic sba ta aq'uinal, ta scuenta sc'uxul awo'tan ta stojol te pueblo awu'un te la aloq'ues ta Egipto ta stojol yantic nacionetic soc te diosetic yu'unique.

Bible in Tzeltal de Oxchuc y Tenejapa

²³ Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

2 Samuel 7:23 ပူးပေါင်းရင်းမြစ်များ

2 Samuel 7:24

Como la awac' te ha pueblo ya xc'oht awu'un te Israel scuenta sbahtel q'uinal; soc ha'at, Jehová, Diosat c'ohat yu'unic.

1 Crónicas 17:21

¿Ay bal yan pueblo ta bahlumilal te pajal soc te pueblo Israel awu'un te tal ta coltayel yu'un te Dios yu'unic, scuenta yu'un yac awac' tohyuc sc'oblal abihil ta scuenta spasel bintic muq'uic la apas soc jchahp a'teliletic, te la atenticlan loq'uel nacionetic ta stojol te pueblo awu'un te la acoltay loq'uel ta mosohil ta Egipto?

Nehemías 1:10

Ha'ic te a'batetic soc te pueblohetic awu'un te la acoltay ta scuenta smuc'ul awu'el soc ta scuenta yip ac'ab.

Salmos 106:22

te yutsil a'teliletic ta sq'uinal Cam, te bintic yan yilel ta pasel ta Mar Rojo.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Salmos 145:6

Te ants-winiquetic ya me yalbeyic sc'oblal awa'tel te c'ax yan a, te ho'on ya me jpuc ta halel te amuc'ule.

Salmos 147:20

Mayuc hich spasbeyej te yantic nacionetic, ma sna'ic te bintic schapoj ta yo'tane. ¡Aleluya!

Salmos 40:5

Jehová, Dios cu'un, bayel bintic jelawen yutsil apasoj. Te bintic anopoj ta jtojolcotic ma xhu' ta halel ta atojol; te yacuc calbe sc'oblal, ma xhu' ta ahtayel.

Salmos 44:3

Como ma ba la yochintayic te q'uinal ta scuenta te espada yu'unic, soc ma ha'uc ta sc'abic la ya'iyic tsalaw; ha ta scuenta awa'el-c'ab soc te sts'anabul asit awelaw, como lec awo'tan ta stojolic.

Salmos 65:5

Ha'at Diosat yu'un te jcolelcotic yac ajac' jc'opcotic ta buen t'ujbil a'teliletic te stojil ayic, ha'at te smuc'ulat yo'tanic spisilic c'alal ta sti'il bahlumilal soc ta namal sti'il mar;

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 9:15

Yu'un te lajuc cac' tal jc'ab yu'un ya ca'bat jmilawal-chamel soc te pueblo awu'un, ma ba cuxulatix ta q'uinal te hichuque.

Éxodo 9:16

Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Jeremías 32:20

Ha'at la apas jchahp a'teliletic soc señahiletic ta sq'uinal Egipto, soc yacat ta spasel c'alal ora yo'tic ta stojol Israel soc ta yohlil spisil te ants-winiquetique; hich la awac' te ya xna'bot aba, hich te bin ut'il ta ora ini.

Jeremías 32:21

La aloq'ues tal ta sq'uinal Egipto te pueblo Israel awu'un ta scuenta jchahp a'teliletic soc señahiletic, ta scuenta yip ac'ab soc te ahachoj ac'ab, soc muc'ul xiwel.

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Números 6:27

Hich ya yalbonic jbihil ta stojol te snich'nab Israel, hich ya ca'be bendición, xchi.

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Deuteronomio 10:21

Ha me te yac awalbe yutsil sc'oblal, soc ha me te Dios awu'un, te la spas ta atojol te bin muc' soc te bin xiweltic sba te awiloj ta asit.

Deuteronomio 15:15

Ya me ana' te ayat ta mosohinel ta sq'uinal Egipto soc te la scoltayat loq'uel tal te Jehová te Dios awu'un; ha scuentahil te hich ya jpasat ta mandar ta ora ini.

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.

Deuteronomio 9:26

Hich la jcal ta sc'oponel te Jehová: Ay, Cajwal Jehová, ma me xalajin te pueblo awu'un, te bin ay awu'un te la acoltay loq'uel ta scuenta smuc'ul awu'el, te la aloq'ues tal ta Egipto ta scuenta yip ac'ab.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Josué 7:9

Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.

1 Pedro 2:9

Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.