2 Samuel 7:22 - Bible in Tzeltal Bachajón

²² ¡Ha yu'un c'ax muc' Diosat, Jehová! Mayuc yan mach'a hich ay te bin ut'il te ha'ate, mayuc yan Dios ay, hich te bin ut'il la jca'iycotic ta jchiquincotic.

Bible in Tzeltal de Oxchuc y Tenejapa

²² Ja' yu'un, Cajwal cu'un, mero muc'at, ma'yuc mach'a yan jich. Ma'yuc yan Dios ay, ja'at nax Diosat atuquel, jich nix te bit'il caiyojtique.

2 Samuel 7:22 ပူးပေါင်းရင်းမြစ်များ

2 Samuel 22:32

Como ¿mach'a a te ha Dios, ma bal ha'uc nax te Jehová? ¿Soc mach'a a te ha muc'ul ton; ma bal ha'uc te Dios cu'untique?

1 Reyes 8:23

hich la yal: Jehová, Dios yu'un Israel, mayuc yan dios ta ch'ulchan o ta bahlumilal hich te bin ut'il ha'at, te yac awac' c'ohtuc ta pasel te chapbil-c'op soc te sc'uxul awo'tan ta stojol te a'batetic awu'un te ayic ta atojol.

1 Crónicas 16:25

Como muc' te Jehová, ya sc'an toybeyel yutsilal; c'ax hich ay ta xi'el a te bin ut'il spisil te diosetique.

2 Crónicas 2:5

Ya sc'an te muc' te Na te ya jpas, como te Dios cu'uncotic c'ax muc' xan a te bin ut'il te yantic diosetique.

Salmos 135:5

Jna'oj te ha muc' te Jehová, te Cajwaltic c'ax hich smuc'ul a te bin ut'il spisil te diosetique.

Salmos 145:3

Muc' te Jehová, ya sc'an ya yich' halbeyel yutsil sc'oblal; mayuc mach'a ya xhu' yu'un sna'el te smuc'ule.

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Salmos 48:1

Muc' te Jehová, soc ha snuhp' te ya yich' halbeyel yutsil sc'oblal ta muc'ul pueblo yu'un te Dios cu'untic, ta ch'ul wits yu'un.

Salmos 86:10

como ha'at muc' Diosat soc yac apas jchahp a'teliletic; ¡ha'at Diosat atuquel!

Salmos 86:8

Cajwal, mayuc yan dios hich te bin ut'il ha'at, mayuc yan a'teliletic hich te bin ut'il te awu'une.

Salmos 89:6

Como ¿mach'a ay ta ch'ulchan te pajal soc Jehová? ¿Mach'a a te pajal soc Jehová ta yohlil te mach'atic ay yipic?

Salmos 89:8

Jehová, Diosat te acuentahinej spisil, ¿mach'a c'an spajat? Ay awu'el, Jehová, soc sjoytayejat te stalel jun awo'tan.

Salmos 96:4

como muc' te Jehová soc ha nix yu'un te halbeyel yutsil sc'oblale; c'ax hich ay ta xi'el a te bin ut'il spisil yantic diosetic.

Éxodo 10:2

soc yu'un yac awalbe te awal-anich'anic soc te amamataquic te bin la jpas ta Egipto soc sc'oblal te jchahp a'teliletic la jpas ta yohlilic; hich yac ana'ic a te ho'on Jehovahon, xchi.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Éxodo 8:6

Ha yu'un te Aarón la shach sc'ab ta stojol te ha'etic ta Egipto, hich mohic tal xch'uch'etic te la snojesic te sq'uinal Egipto.

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Isaías 40:18

Ha yu'un ¿mach'a yac apajic soc a te Diose? ¿Bin loc'ombahil te yac apajic soc a?

Isaías 40:25

¿Mach'a yac apajonic soc a? ¿Mach'a pajalon soc? xchi te Ch'ul Dios.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Isaías 45:22

Suhtanic tal ta jtojol, hich ya xcolex apisilic ta sti'il te bahlumilale; como ho'on Dioson, mayuc yan.

Isaías 45:5

Ho'on Jehovahon, mayuc yan; mayuc yan dios ay ta jtojol. La jca'bat awip, aunque ma xana'bon jba,

Ezequiel 36:22

Ha yu'un, halbeya te sna Israel: Hich yaloj te Jehová, te Ajwalil: Te bin ya jpas, ma ha'uquex ta acuentahic, sna Israel, pero ta scuenta te jch'ul bihil, te la abohlobtesbeyic sc'oblal ta yohlil te nacionetic te banti c'ohemexe.

Ezequiel 36:32

Na'a me te ma ha'uc hich ya jpas ta acuentahic, xchi te Jehová, te Ajwalil. ¡Q'uexawanic soc mela awo'tanic yu'un te achopolilique!

Daniel 2:45

hich te bin ut'il la awil te t'ohch talel ton ta wits, te mayuc mach'a t'ohchot yu'un, te la swuyticlan te hierro, bronce, chic'bil lum, plata soc te oro. Te muc'ul Dios la ya'be yil te ajwalil te bin ya xc'oht ta pasel ta patil. Smelelil te wayichil soc smelelil te sc'oblale, xchi.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Deuteronomio 3:24

Cajwal Jehová, hahchematix ta ya'beyel yil te a'bat awu'un te amuc'ule soc te yu'el ac'ab; como ¿ay bal yan dios ta ch'ulchan o ta bahlumilal te ya xhu' yu'un spasel a'tel soc jchahp a'teliletic hich te bin ut'il yacat ta spasel?

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Deuteronomio 4:35

La yich' aq'uel awil scuenta yu'un hich yac ana' a te ha mero Dios stuquel te Jehová, te mayuc yan dios.

Deuteronomio 4:39

Ha yu'un nopa yo'tic soc na'a me ta awo'tan te bin ut'il te Jehová ha Dios ta ch'ulchan soc ta bahlumilal, mayuc yan.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.